Versets bíblics populars de मत्ती 27

Comparteix

लगभग तीन बजे रे टैमा पर यीसूए जोरा किन्हें बोल्या, “एली, एली, लमा सबक्तनी? हे मेरे परमेसर, हे मेरे परमेसर, तुस्से हांऊँ किधियो छाडी दितेया?”

होर देखा मन्दरा रा पर्दा ऊपरा ले लई किन्हें हेठा तक फटी किन्हें दो टुकड़े हुई गया। होर धरती हिली गई होर चट्टाना मन्झ दरार पई गई। होर कब्रा खुल्ही गई, होर मरिरे परमेसरा रे पवित्र लोका री कई ल्हासा जिउंदी हुई गई।

तेबे यीसूए फेरी जोरा किन्हें चिंगी किन्हें आपणे प्राण छाडी दिते।

तेबे सूबेदार होर जो तेस साउगी यीसू रा पैहरा देंदे लगिरे थे, हिलण होर जो कुछ हुआ था, तेता जो देखी किन्हें स्यों बौह्त ज्यादा डरी गये, होर बोल्या, “सच्चे ये ता परमेसरा रा मह्ठा था!”

दोपहरा ले लई किन्हें तीन बजे तक सारे देसा मन्झ न्हयारा हुई गया।

पिलातुस हाकमे तिन्हा ले पूछेया, “फेरी यीसू जो, जेस जो मसीह बोल्या जाहाँ, तेसरा हांऊँ क्या करूं?” सभीए तेस किन्हें बोल्या, “एस जो क्रूसा प्रयाल्हे चढ़ाई देआ।” हाकमे बोल्या, “किधियो, तिन्हें क्या बुराई कितिरी?” पर स्यों होर भी चिंगी-चिंगी किन्हें बोलदे लगे, “एस जो क्रूसा प्रयाल्हे चढ़ाई देआ।”