Versets bíblics populars de मत्ती 16

Comparteix

तेबे यीसूए आपणे चेले किन्हें बोल्या, “जो कोई मेरा चेला बणना चाहां, से आपणी इच्छा पूरा करणे रे बजाए दुःखा रा क्रूस चकी किन्हें मेरा चेला बणे।

होर हांऊँ भी तुध किन्हें बोल्हा कि, तू पतरस आ, होर मां एस पात्थरा पर आपणी कलीसिया बनाणी: होर मौता रा हक भी तेसरे खिलाफ खड़ा नी हुणा।

मां तुजो स्वर्गा रे राजा री चाबिया देणी: होर जो कुछ तू धरती पर बानघा, तेस स्वर्गा मन्झ बझी जाणा होर जो कुछ तू धरती पर खोले, तेस स्वर्गा मन्झ खुल्ही जाणा।”

क्यूंकि जो कोई आपणी जान बचाणा चाहां, तेस अनंतकाला री जिन्दगी खोई देणी। पर जो कोई मेरे कठे आपणी जान गुआई देह्न्गा, तेस हमेसा री जिन्दगी पाणी।

होर अगर तुस्से पूरे संसारा री चीज़ा कठा करी ले, पर फेरी भी अनंत जिन्दगी नी पाई सके, ता तेता ले तुस्सा जो क्या फायदा? क्यूंकि कोई भी माह्णुं केसी चीजा री तुलना अनंत जिन्दगी किन्हें नी करी सक्दा।

यीसूए तिन्हा किन्हें बोल्या, “पर तुस्से मुंजो क्या बोल्हा ऐं की हांऊँ कुणहां?” समौन पतरसे जवाब दितेया कि, “तू जिउंदे परमेसरा रा मह्ठा मसीह आ।”

यीसूए तेस जो जवाब दितेया कि, “हे समौन योना रे मह्ठे, तू धन्य आ; क्यूंकि मांस होर खूने नी, पर मेरे बापूए जो स्वर्गा मन्झा आ, ये गल तुध पर जाहिर किती।