Versets bíblics populars de Yohanes 14

Comparteix

Kita so mo pigi, mar Kita mo kase pa ngoni tu hidop deng hati tenang. Tu hidop deng hati tenang itu, cuma Kita yang bole mo kase, samua di dunia ini nyanda ada tu bole mo kase itu pa ngoni. Ngoni pe hati nyanda usa kuatir deng tako.

Kong Yesus bilang, “Kita ini tu jalang mo pigi pa Tuhan Allah, Kita ini yang kase tau tu butul tentang Tuhan Allah, deng Kita ini lei yang kase tu hidop. Jadi cuma lewat Kita, orang bole pigi pa Bapa.

Yesus babicara pa Dia pe murit-murit, “Ngoni nyanda usa sedi. Percaya jo pa Tuhan Allah deng percaya lei pa Kita.

Mar Bapa mo kirim tu Roh Kudus yang mo batolong pa ngoni. Tu Roh Kudus itu mo datang kalu Kita so pigi for ganti pa Kita, Dia mo se ajar pa ngoni samua yang ngoni musti tau kong mo se inga pa ngoni samua yang Kita so bilang pa ngoni.

Sapa jo yang trima Kita pe prenta kong beking itu, dia itu yang sayang pa Kita. Kong sapa jo yang sayang pa Kita, Kita pe Bapa lei mo sayang pa dia, kong Kita lei mo sayang pa dia deng Kita mo datang se tunjung pa dia sapa Kita sebenarnya.”

Kong Kita mo minta pa Bapa, trus Dia mo kase tu Roh yang mo batolong pa ngoni. Tu Roh itu mo ada sama-sama deng ngoni for slama-lamanya. Tu Roh yang mo batolong pa ngoni itu Tuhan Allah pe Roh. Tuhan Allah pe Roh itu mo se ajar pa ngoni apa yang butul tentang Tuhan Allah. Orang-orang yang nyanda percaya pa Tuhan Allah, dorang nyanda trima tu Tuhan Allah pe Roh, lantaran dorang nyanda dapa lia pa Dia deng nyanda kanal pa Dia. Mar ngoni ini kanal pa Dia lantaran Dia ada sama-sama deng ngoni kong mo jadi satu deng ngoni.

kong apa jo yang ngoni minta pake Kita pe nama, Kita mo beking itu for ngoni, supaya lewat apa yang Kita da beking itu, orang-orang bole puji deng hormat pa Bapa. Kalu ngoni minta sesuatu pa Kita pake Kita pe nama, Kita mo kase itu pa ngoni.”

Yesus bilang lei, “Kalu ngoni sayang pa Kita, ngoni mo beking tu Kita pe prenta-prenta.

Pa Kita pe Bapa pe ruma ada banya tampa, kong Kita pigi ka sana for se siap tu tampa itu for ngoni. Kita kase tau itu pa ngoni lantaran itu memang butul-butul ada di sana.

Kong kalu Kita so kase siap tu tampa-tampa itu, Kita mo bale ulang kamari kong bawa pa ngoni for pigi ka sana. Deng bagitu, di mana Kita ada, di situ lei ngoni bole mo ada.

Tomas bilang pa Yesus, “Tuhan, torang nintau Tuhan mo pigi ka mana. Jadi bagimana torang bole mo tau tu jalang mo ka sana dang?”