Versets bíblics populars de Luku 9

Comparteix

Tẹ ọ̀ nwẹnị inimgba ḅẹẹ, “Gbọrụḅọ nwẹnị ì ḍukamẹnjị ḅẹ-ḅiiarị ḅẹḅẹ, mịẹ ḅara, mịẹ ḅara sọ, mḅọ amịna ḅụụ kẹ ḅioḅọrọma tẹ ene ḅaa ene, ḅaa ene mḅọ amịna ẹngbẹsẹ-sịn saakị dogi, tẹ ì ḍuka ḅoo.

Ḅẹḅọ-ḅẹḅọ tẹ amịna ḍumo ḅọrọma ḅẹ ḅiiarị ḅọ, anị fama ḅa, kụma ḅẹḅọ-ḅẹḅọ tẹ ì gotẹ amịna ḍumo famarị ḅọ anị ḅọrọma ḅa.

Jizọsị ọ̀ ḅẹẹm, “Ọgụ ọlọ tẹ kẹ ḍụọ kọrịarịḅọ tẹ tọrụ pịkị ọḅụ ḍikiarị tomḅọ mẹ, mḅọ Tamụnọ Ama-da mẹ na mịẹye nyana-a.”

Tomḅọ ḅọrọ sọye nyana ḅẹ bebe tomikiri mẹ mḅọ nye sọ tẹ mḅọ ḅioju nwẹnị fa kụma? Gbala-gbala, gbọrụ sọye sọ mḅọ nyana-a.

Ì ḅioju na ì tolumaye na nwẹnị gbọrụḅọ ḅụụ-jịrịmarị ḅẹḅẹ, mḅọ Tomḅọ Tụḅọ ḅe sọ ḅụụ-jịrịma ḅa, ò ḅo ori ebube ḅio na Ḍaḅọ ḅe na ori fịafịa enjẹlị ma na ebube ḅio sọ sakị.

Jizọsị nwẹnị ọ̀ ḅẹẹ, “Pụnụ ma ịḅụkụ nyana wararị, feni ma sọ ịna awarị nyana wararị, kụma Tomḅọ Tụḅọ ḅe ḅọlọlọ tẹ ịnyọsara ḅẹ anga sọ ọ̀ nyana-a.”

tẹ ịn ḅẹẹ, “Ị̀ ẹrẹ ḅụ ḅị tụḅọ ḅe daa-ọkị ḅọ ọkị ḅọ, ị̀ daa-ọkị tẹẹ; tẹ ị̀ daa-ọkị ḅọ ọkị ḅọ, pịkị ị̀ kẹ fịrịmaḅọ ḅe daa-ọkị tẹẹ. Ọmịna ḅụ iderima tẹịn ḅọ anie ọmịnị-mgba ḅụ tẹịn ḅọ.”