Versets bíblics populars de Luku 10

Comparteix

Ó pokii! À kụrọ kẹ ọ́ pịrị tẹ ọ́ kẹ ododo na akpị na ọgọnọ sịẹ mẹnjịị, tẹ pịkị kẹ Ekwesu kụrọ mẹ nẹngịmaa, tẹ gberie-sọ ye kẹ ọ́ lama ḅịa.

KỊNỊNYANAḄỌ ḅe nwẹnị á pakịrị, “Mata, Mata! Ị́ kpọma tọnwa aị gotẹ ḅalaḅala tẹ, kụma ye ḅụ ḅẹ gberie kịngẹ mie tomḅọ gotẹ ḅụụ-ḅaa na-iḅi ye. Meri anị iḅiye mẹ sẹlẹ-ọkị tẹ, gbọrụḅọ sọ pịkị á ḅara anị ọkị ḅịa.”

Tomḅọ ḅe nwẹnị pakịrị, “Í ḅioḅẹngbọ mẹmgba na, ị́ tẹmẹ mẹmgba na, ị́ ịnyọ mẹmgba na, í kuroma mẹmgba na kẹ ị́ Nyana Tamụnọ ḅe ḅẹlẹmaa, tẹ pịkị ị́ ị́ ḅụụ ḅẹlẹma ḅara kẹ ị́ na kpeki tẹ anga ḅọ ḅẹlẹmaa.”

Ọ̀ nwẹnị ịn ḅẹẹ, “Ḍiḅi aị ma kpọọ sara tẹ, kụma arị kobiri warị suu ḅẹ apụ boowa. Ọkọẹrẹsị ọ́ ḍụọ mẹ nyanaḅọ tẹkẹ tẹ ọ̀ kọrịnama kọrị apụ kẹ fịrịma tẹ ịn fịaị ma kobiri warị suu.

Kunoma Jizọsị nwẹnị Oloko tolumaḅọ ḅe ḅii, “Ị́ sịn-arị mịna tẹra apụ ma ḅụ tụḅọ opu furuapụ ma fomu ḅọ ḅe na kpeki tẹ anga ḅọ ḅara mịẹ?” Oloko tolumaḅọ ḅe nwẹnị pakịrị, “Iḅi kẹ ọ̀ mịẹ ḅọ ḅee.” Jizọsị nwẹnị pakịrị, “Ị́yẹrị sọ mu tẹ ọkọ mịẹ.”

Ó muu! Àrị ọ́ fịrịma pakamarị, gbala anana awọmẹ kẹ anana kun pẹị, pẹị anama ogboku fịrịmarị ye ọkụ.