Versets bíblics populars de Jọnị 6

Comparteix

Jizọsị nwẹnị ḍuko ịn pịrị, “Yẹrị anie ḍumo fịturu mẹ. Ị̀ ḍọkụma-ḅoarị ḅọ ḅuru ḅarị jen kẹ mḅọ tarị ḅịa; ì mininiarị ḅọ minji ḅarị jen kẹ mḅọ pọkọ tarị ḅịa.

Tamụnọ Tẹmẹ ḅe mie ḍumo pịrịarị, tomḅọ kụrọ mịẹ ḅẹ gberie-sọ ofori. À kọn ọ́ pịrị tẹ ẹkwẹn ma mie Tamụnọ ḍumo pịrị Tẹmẹ kẹ ḅoarị.

Ọ́ ḅụrụ-ḅụrụ fịye gotẹ kọrịnama kọrị ḅụụ-ḅaa ma, kụma ọ́ kọrịnama kọrị sime mu gbamaso ḍumo laarị fịye mẹ rẹ pịrịị. Miemẹ anie Tomḅọ Tụḅọ ḅe kẹ ọ́ pịrị ḅarị fịye mẹ, gbala Tamụnọ Ḍaḅọ ḅe ọ̀ kọrịnama iḅim ḅẹ elekima kẹ ọ̀ ḅụ sụa tẹ.”

Gbala ị̀ Ḍa ḅe ḅiiarị ye anie Tụḅọ ḅe ẹrị tẹ ò minini apụ mamgba sime gbamaso ḍumo nyana. Tẹ àrị ịn saakịma tẹ in ḍumo ḅa kunoma ene mẹ ḅụ.”

Jizọsị nwẹnị pakịrị, “Tamụnọ ḅiiarị ọ́ mịẹ ḅẹ ye anie ọmịnị ọ̀ kẹ fịrịmaḅọ ḅe mininii.”

Ị̀ Ḍa ḅe kẹ ị̀ pịrị ḅọ, pịrị ḅọ ị̀ ḍọkụma-ḅo ḅa; ị̀ ḍọkụma-ḅo tẹ à dee ḅẹ ḅọ ofori

Sayịmọnị Pita nwẹnị ọ̀ pakịrị, “KỊNỊNYANAḄỌ, wa ḅọrọ so tụḅọ ḍọkụma-mu ḅẹ? Ị́yẹrị anie sime gbamaso ḍumo ẹkwẹn ma nyana ḅọ.

Yẹrị anie ḍumo wararị fịturu mẹ, tẹ So-ḅio koro ḅo ye mẹ. Tomḅọ mị fịturu mẹ fị-fị, mḅọ ḍumo gbamaso ḅa. À kẹ ọ́ pịrị ḅarị fịturu mẹ anie ì oju ḅẹ meni mẹ, anie tomikiri mẹ ḍumo gotẹ à kẹ pịrịarị ye mẹ.”

Gbọrụḅọ-sọ inetẹ ị̀ ḍọkụma-ḅo ḅịa, Ḍaḅọ ḅe tẹ ị̀ kẹ fịrịma ḅọ ḅe mḅọ nụnụ ḅo ị̀ pịrị sikima tẹ; tẹ à nwẹnị mḅọ saakịma tẹ mḅọ ḍumo ḅa kunoma ene mẹ ḅụ.

Tamụnọ kẹ tomi pịrịarị fịturu mẹ anie ori tẹ So-ḅio sime tẹ koro ḅo, tẹ ò ḍumo kẹ tomikiri mẹ pịrịarị ḅọ ḅee.”

Yẹrị anie ḍumo fịturu ḅe.

Jizọsị nwẹnị fịturu mẹ ọkị tẹ ịmịẹtẹ kẹ Tamụnọ ḅẹẹ, tẹ anị ḍiya tomi ma pịrị, ịn lẹgị-sime anga mẹ ḅụ. Anie ọ̀ pịkị kẹ inji mẹ sọ mịẹ ḅara, tẹ inimgba in ḅii ḅara, ḅii ḅara ọkịm. Inimgba furo ḅin tẹso, ori ò ḍukamẹnjịapụ ma ḅẹẹm, “Ọmịnị ịn fị kọnma kọsị-sara aị ma kolokolo gbolomaa, ọ́ ḍụkụ tẹ wa gbọrụ kalịye sọ guluguluma ma.”

Jizọsị ḍukamẹnjịapụ ma dọkụ mu lama tẹso, ịn nwẹnị ori ẹrị ò minji mẹ ọgọnọ mẹnjị ḅo arụ mẹ kpekiarị, tẹ ịn kpọma ḅalafaam. Jizọsị nwẹnị ḍuko ịn pịrị; “Ọ́ ḅalafa ma, yẹrịị!”