Versets bíblics populars de Matthew 9

Comparteix

Ekw kaa itaat aniyuu uchischinuhamuwaakanh, “Weyuutanh e chiishi nihtaauchihkwaau nihtaauchihtaakan mikw maak namui mihchetuuch anichii che maamuushtinahkwaau. Ayimihaakw, nitutamuwaahkw an tepiyeusiit uyuuh kaa chiishi nihtaauchiniyikwaauh nihtaauchihtaakanh chechii itishahwaat mihchetu aweyuu anite e maauchihchikaanuyich.”

Wii nisituhtamukw maa anite chihchi masinahiikanihch kaa itashtech, ‘Chishewaatisiiwin eukw netuweyihtamaan, namui wii e machishtawehamaanuuhch chekwaan.’ Namui anichii kaa kuiskutaatisiitwaau wehchi takushiniyaan. Nichii takushin chechii nituumakwaau umachihtwaauch chechii kweskaatisiitwaau.”

Iskutak maak wiyaapamaat aniyuu mihchetu aweyuuh, naashch chii chistimaacheyimeu kiipaa naashch e mukushkaateyihtamihaakanuyich kaye ekaa ayaayich aspeyimuwiniyuu, mwehch maanishchaanishach e ishinaakusitwaau ekaa ayaawaatwaau maanishchaanishuiinuuh che naanaakachihiikutwaau.

Jesus maak chii pehtaweu ekw kaa itaat, “Namui nituweyimeuch nituhkuiin anichii awenichii ekaa kaa aahkusitwaau, mikw anichii kaa aahkusitwaau eukunich netuweyimaatwaau nituhkuiin.

Jesus maak misiwe chii ituhteu anite nanaahkuu e utenaauniyich kaye anite nanaahkuu ihtaawinishihch, e chiskutamaachet Jewa ayimiheukamikuhch, kaye e kacheskwet e waawiihtahk miywaachimuwiniyuu e aayimuutahk Chishemanituu uchisheuchimaawiniyuu, kaye e miinuwaachihaat aweyuuh nanaahkuu itaaspinewiniyuu e ayaayich.