Versets bíblics populars de Luk 22

Comparteix

“Eno aya, nago homugo usu da wida, te sęgę enade elalubo dagala sąyao. Tialima, nago eno homu wali pelamuo. Naga homu kolesaga naga wali pao,” Jisasgo te po wai, aga Aya dali.

Satango te sę yainogo yai digi, eno nage tau sainogo, God hanalu wali, ‘Saimon tau sao. Agai homu kolesaga tigidali nageba mubo sę tagalidali weyu, nago Saimon tau sao.’ Tama Saimon, nosali nage begasa, ma aselama, tama nago naga ama dabe bomo mayu dąų walao,” Jisasgo te po wai.

Te Jisasgo agai te diluai nai bret me selama, Godibolo nage usu dao olama, tama te nai bret nogogo togolama, aga bidi dabebolo dobawai. Agai te po wai, “E nai eno tigi mi dao. Eno dage tau somainogo mobao. Tuao. Ena isilama, dage nosali tama tuyu, ena konealu bidao,” te po wai.

Te nosali genuai nai tulama, te Jisasgo agai te diluai nai bret dobayu yali tiwai egi pelama, te bono du kaneme wain wę me tama tiali. Agai te po wai, “E bono du kaneme da, te eno kaneme dao. Gesi tų eno kanemego nigaibao, dage God dali mu kęą somainogo, eno kaneme gelebao.

Jisas aga homu sęgę mu ebaso, Godibolo aga hanalubo po bomonama wai. Tama Jisasgo tigide te posolo wę kisu yai, te wę te tǫba tuloluai, te kaneme tiwai.]

Tiali goli, te we bidi dabego te wabe. Tiali goli, dagego te tobage sę egio. Menio. Dage polalubo bidi homu ebaso da, teda dage nosali bidi tiwai bidao, gesi bidi tiwai. Dagego tobolu bidi bidabo homu eyu da, dage sę bidi tau sabo bidi bidao.

Jisasgo Pitabolo te po wai, “Pita, eno nagebolo obao, e sogo hulide te ba kakaruk po wasiąbadi, tama nago sela sogo waibao, ‘Eno Jisas nogi konebe.’ Te po nago waibao,” Jisasgo te po wali.