HECHOS 3

Oguatambae vae okuera

1Pedro jare Juan yogüɨraja päve tupao pe, Tumpa pe oyerure vaerä, mboapɨ ora ma kaaru yave. 2Jare ïru vae reta güeru ara ñavo metei kuimbae oguatambae oa ramo güive vae oñono tupao jöke pe, Öke Pöra jee vae pe, oyerure vaerä mbae re tupao pe oike vae reta pe. 3Jókuae kuimbae oguatambae oecha Pedro jare Juan oiketa tupao pe yave, oyerure mbae re chupe reta. 4Jayave Pedro jare Juan omae ngatu jese; jare Pedro jei:

—¡Emae oreré!

5Jayave kuimbae omae ngatu jese reta, omeetaecha mbae chupe ramo. 6Ërei Pedro jei:

—Mbaetɨ anoi korepoti ani oro. Ërei anoi vae tamee ndeve. Jesucristo Nazaret pegua jee re epüa jare eguata.

7Jayave Pedro oipɨɨ kuimbae ipo iyakatu pe omopüa. Jare jupiveiño ipɨ̈rata kuimbae ipɨ jare ipɨñúa. 8Jare oyemboɨ voi. Jayave oguata jare oike jae reta ndive tupao pe. Omboete Tumpa güɨropo reve. 9Jare opaete vae reta oecha oguata jare omboete Tumpa. 10Oikuaa reta jae ko oguapɨse tupao jöke, Öke Ipöra jee vae pe oyerure mbae re vae. Ipɨakañɨ yae reta jare okɨɨye reta vi kuae oyeapo kuimbae pe vae re.

Pedro oñemoñee Salomón ikorero jee vae pe

11Kuimbae okuera ma vae opoiä Pedro jare Juan güi. Jare opaete vae reta osɨi oyemboatɨ ipɨakañɨ reve jae reta ñogüɨnoia pe, Salomón ikorero jee vae pe. 12Jayave Pedro oecha jókuae yave, jei opaete vae reta pe: “Kuimbae Israel iñemuña reta, ¿maera pa pepɨakañɨ kuae re? ¿Maera pa pemae ngatu oreré, oreiño orembaepuere rupi ani jupigüe roiko vae rupi rombogüera kuae kuimbae rami? 13Ñaneñemuñagüe#Ex 3.15. reta Abraham, Isaac, Jacob iTumpa omboeteuka ma Taɨ Jesús. Kuae Jesús pe#Is 52.13; 53.11; Flp 2.7-9. reta pemee, jare peröɨro Pilato jóvai; Pilato jei tëi oyorauka vaerä yave. 14Ërei pe reta peröɨro Iyoambae vae jare Jupi vae, jare peyerure Pilato pe oyorauka vaerä peve metei oporoyuka#Mt 27.15-23; Mc 15.6-14; Lc 23.13-23; Jn 19.12-15. vae. 15Jare peyukauka jókuae tekove Iya. Jae ko Tumpa omoingove ye omanogüe reta ipɨte güi vae. Jókuae ko ore roecha vae. 16Kuae kuimbae pe reta peecha jare peikuaa vae okuera ko Jesús jee re güɨrovia ramo. Kuae iporogüɨrovia Jesús re vae ombogüera ete pe reta peecha peï rami.

17Añave, tëtara reta, aikuaa peruvicha reta jare pe reta vi peyapo kuae ikavimbae vae Jesús pe, mbaetɨ peikuaa ramo. 18Ërei jökorai oyapo Tumpa, opaete ñeemombeúa reta rupi jei rami. Echa jei Cristo oiporara ñotai ko. 19Jayave peeya peyemongeta ikavimbae vae pepɨa pe penoi vae jare peyerova Tumpa kotɨ, peyoa reta oyemboai vaerä, jare ou vaerä yandeYa güi ara mbɨakatu pegua, 20jare Tumpa ombou ye vaerä Jesucristo, tenonde güive ma oñemoërakua peve vae. 21Ërei jae opɨta vɨterita ara pe opaete mbaembae oyeapo kavi regua. Jókuae mbaembae re Tumpa imiari arakae güive ñeemombeúa reta oñono tee vae rupi vae. 22Echa Moisés jei ñaneñemuñagüe reta pe: YandeYa Tumpa omopüata peve ñeemombeúa perëtara reta güi, chembou rami. Peyeapɨsakata jese opaete jeita peve vae re. 23Jare oime yave kia mbaetɨ oyeapɨsaka jókuae ñeemombeúa re vae, oyemombota#Dt 18.15-19; 34.10. ko ïru vae reta ipɨte güi.

24Jökorai vi jei opaete ñeemombeúa reta Samuel güive. Opaete metei rami omoërakua reta kuae ara reta re. 25Pe reta ko jae ñeemombeúa reta iñemuña reta, jare ñaneñemuñagüe reta pe Tumpa oyapo morogüɨrökuavee päve jei reve Abraham pe: ‘Neñemuña rupi#Gn 12.3; 22.18. outa cheporerekua opaete ɨvɨ pegua reta re.’ 26Tumpa omopüa Taɨ peve, oyapo vaerä ikavi vae peve, metei ñavo peyerova vaerä Tumpa kotɨ pereko ikavimbae vae güi.”

বর্তমানে নির্বাচিত:

HECHOS 3: GUABD

হাইলাইট

কপি