Mark 11
11
Jesu na wur tɨ lɔr ɗəng tɨ Jerusalɛm hul
Mat 21.1-11; Luk 19.28-38; Ja̰ 12.12-19
1Gorne Jesu a na ər bi tɨ wa̰y edɨ a an ndog na Jerusalɛm, ndog na Betpaje la tɨ Betani tɨ nan tɨ olibe taal gɨna, Jesu ton ər bi tɨ wa̰y edɨ tɨ ndidi, 2la ər ja gɨ a: «I si tɨ lɔr ne ti tɨ i kwi ɗay, gorne i an tɨ lɔr mu gɨna, i ɓə lamkɛ̰r ɓa̰ ne wo ho̰on lo ɗang ne a ɓəw tina. Yḭ cigri ər, i hina na. 3Jo wo ɓiri i jaa “kəyja i ka wa̰y ne” gɨna, yḭ duga gɨ ər: “Baali jo taam ər, ər ɓə gɨ i na duga tɨ daamu”.» 4Gorne a o̰ a si gɨna, a teen lamkɛr ɓa̰ ne a ɓəw tɨ ul taal tɨ limu la a cigri ər la. 5Bi tapeer ne ti tɨ un ɗay ja gɨ a: «Yḭ so lɔ ɓə kəy ta i cigri na lamkɛ̰r a?» 6A duga gɨ a kuna Jesu ja gɨ a la, a nɨm a si na lamkɛr ne. 7A si na ər a na gɨ Jesu, a bay sər tɨ lamkɛr bəgri la Jesu ɗol ti tɨ nin. 8Bi dɨbla ba̰y a sərgɨ tɨ ul sul la bi tapeer bay teri wori gangɨ ne a ha̰wni tɨ wərgɨ hul tɨ ul la. 9Bi ne si tɨ ər kwi la ər ɓəgri la a ka ngɔr tɨ a mu ɓə: «Ojana! Ka Ndɨla jul mu tɨ wo ne hina na Baali na ndil sul. 10ka Ndɨla jul mu tɨ waan ne an sul, i ba tɨ Dabid na waan! Ojana gɨ Ndɨla baw ɗəng!» 11Gorne a an tɨ Jerusalɛm gɨna, Jesu si tɨ Ndɨla li hul la ər kay mum ne ti tɨ ər taal tali. Lula kaw wo tɨba, ər ɗo ər sul na ər bi tɨ wa̰y edɨ dɔkɔmɛ kar sap a si tɨ lɔr paa ndil ɓə Betani.
Jesu dobɨn ndɔgɨ
Mat 21.18-19
12Gaana, gorne Jesu wag na ər bi tɨ wa̰y edɨ tɨ Betani gɨna ndula ka ər. 13Ər ləg ndɔgɨ ne ga̰gɨ ndini tɨ ɓag la ər si tɨ ər ndɔ pay ər ɓə ji tina tɨ tudi a? Gorne ər an ndog gɨna, ər ten ər ga̰gɨ lɛ ər ji teni, kəysul tɨ ər pya̰ tɨ tuyla lo. 14Lɛ Jesu dobɨn ndɔg kuna ne: «Batan wo ɓə əm ji tudi lo bad-bad!» La ər bi tɨ wa̰y edɨ laa jaa ne ər ja.
Jesu si tɨ Ndɨla li hul
Mat 21.12-17; Luk 19.45-48
15A an tɨ Jerusalɛm la Jesu wur tɨ Ndɨla li jaal hul la ər ɗolɔ tɨ bi tɨ cingɨ kar kun. Ər bra bi tɨ gursu yɛr na un la, ər bra bi tɨ gugoli cingɨ kar na un la. 16Ər kway gɨ bi un tɨ wa̰y sula na hina tɨ li ne hul. 17Ər edɨ gɨ a wa̰y la ər ja gɨ a ɓə: «A kya̰ tɨ Ndɨla maktub hul ɓə ən li ɓə tɨm li tɨ Ndɨla soon gɨ bi kalɔ gun, lɛ yḭ ka ər kuna un tɨ sugi maan!»#11.17 Esa 56.7 18Bi tɨ hima ɓina na woom la, bi tɨ gṵ hul ɓla la, a laa jaa ne. A taam ul tɨ Jesu humna lɛ a oy gɨ bi. Kəysul ər wa̰y ɓla ɓɔr bi ji nari. 19Na jeel Jesu-a na ər bi tɨ wa̰y edɨ a wag tɨ lɔr ɗəng hul.
Jaa tuna ndɔgɨ na jurga la hul kula la
Mat 20.21-22
20Ɗa̰y tɨ plaa na gaan cɔg, Jesu-a na ər bi tɨ wa̰y edɨ a wo ɗira gɨna, a ləg ndɔg ne Jesu dobɨn uy tɨ sul marway jir tɨ ndeem. 21Piyɛr ho̰ni jani tɨ jaa ne Jesu ja sul. Ər ja gɨ Jesu: «Baali, Əm ləg ndɔg ne əm dobɨn oli kam-kam.» 22Jesu duga gɨ a: «Yḭ ko Ndɨla hul. 23Kuri, ən ja gɨ i tɨ bayri, jo wo ja gɨ nan ne: “O̰, əm tɨba tɨ larɨm.” Lɛ jo gorne ər hul dugun ər lo la, ər ko hul ɓə jaa ne ər ja ɓə paa kar gɨna, wa̰y ne ər hul taam ɓə paa kar. 24Tɨ nejo yin ja gɨ i bayri, mum gun ne i ɓiri tɨ i Ndɨla soon hul, yḭ ko hul ɓə i ten teni gɨna, Ndɨla ɓə gɨ i naa la. 25Gorne i o̰ i wo Ndɨla soon lɛ i ho̰ni jani ɓə i na jaa na wo gɨna, ka i hul ɗina i tɨ ər sul barita i ba ne ti tɨ ndal tɨ ndɨlasul hul ɓə ər ɗina tɨ i ɓijim sul la.» 26Jo i hul ɗina i lo gɨna, i ba ne wo ndal hul ɓə ər ɗina tɨ i sul lo la.
Juyb woom ko Jesu na dwari hul lo
Mat 21.23-27; Luk 20.1-8
27A duga a hina tɨ Jerusalɛm cam. Gorne Jesu yang tɨ Ndɨla li hul, woom tɨ bi tɨ hima ɓina maan la, bi tɨ gṵ hul ɓla la, ta bi nii tɨ lɔr hul la, a hina tɨ ər ndɔ. 28A ɓiri ər jaa: «Jaa jo naa gɨ əm dwari tɨ mum ton kar a? Ɓee ja naa gɨ əm ul mu tɨ mum ton kar kuna paa ne a?» 29Jesu duga gɨ a: «Yin kaw ən ɓə i ja ɓudu ngoy ɓiri la. Jo yḭ duga gɨ ən na gɨna, ən ɓə gɨ i wo ne naa gɨ ən dwari tɨ mum ne kar sul ɓla. 30Batɛm ne Ja̰ ka gɨ bi o̰ tɨ Ndɨla ndɔ ɓee tɨ bi ɓari ndɔ a? Yḭ duga gɨ ən!» 31A ja gɨ peer kuna ne: «Jo yi ja gɨ ər ɓə “o̰ tɨ Ndɨla ndɔ” gɨna, ər ɓə i jaa ɓiri: “Kəyjaa jo yḭ ko Ja̰ hul lo a?” 32Jo yi duga gɨ ər ɓə: “Lɔ o̰ tɨ biɓari ndɔ” gɨna, bi ɓə i nɨm lo la, kəysul bi gun ko hul ɓə Ja̰ tɨ Ndɨla na nebi ne kuri.» 33Gɨna a duga gɨ Jesu ara: «Yini una lo.» La Jesu duga gɨ a: «Yin ɓə gɨ i wo ne naa ən gṵ tɨ mum ne kar ɓla lo la.»
বর্তমানে নির্বাচিত:
Mark 11: nie
হাইলাইট
শেয়ার
কপি
Want to have your highlights saved across all your devices? Sign up or sign in
© 2023, ATALTRAB
