Wikhikən 18

1Tan Sesohs kisi itəkəpən yohtəl kəlosowakənəl əlihyapon mawiw tanihi ekehkimacihi ksamək siposis Ketlənk, tan tet eyikpən npisonkikan, tan nekəm kesəhatpən naka tanihi ekehkimacihi.

2Sota tan ehkinowehlatpən okəcicitonepən yot kətakəmikwsis, ipəcəl Sesohs meskiw otəlihaneyepən mawiw tanik wetəkehkimocik ohəkek.

3Nit tehc Sota kisi wikwehla omawohkan skitapo naka Palosiyək kcipahtəliyasək oskinosəmowa, petapasopənik nit tet petahsenəmatopənik pəsakwhenmakənoholtopənik, nsakosowənholtopənik.

4Nit tehc Sesohs okəcicitoneyepənil msiw kekwsal tanil ketikəhakil ohəkek otəlihanepənihi 'tiya: Wen kilowehekw?

5'Tasitehmawapənil: Sesohs Nasaletkew. Sesohs 'tiya: Nil nət nekəm: naka Sota tan ekinowehlatpən omawikapowinepənihi.

6Nit tehc kisi iyalatpən, Nil nət nekəm setiyapasopənik msakənahtesoltopənik, ktakəmikok.

7Nit tehc apc opapehcimapənihi: Wen kilowehekw? Itəmotopənik: Sesohs Nasaletkew.

8Sesohs asitewtəm: Ktiholopahpən nil nət nekəm: nit tehc kilowahyehkw kiseltəmwok nihtək omaciyapasi niya.

9Wilaman kəlosowakən əlihe tan itəmənpən: Nihtək tanik miliwnpənik kətama wen nkəskahlaw. 10Nit Simo Piyel təmokehtəhikən otiyin onalkwakehton, otəkəmal kcipatəliyas oskinosəməl oməntehmowan inahkatowe ocalkəs. Yohtəl oskinosəməl liwisowəl Malkəs.

11Nit tehc Sesohs 'tiyal Pceləl: Piseht apih pitəlawənək ktəmkwehtəhikən. Towəsmotiyəl tanil Nmihtakws militpənil skatəcal nəkahlaw?

12Toci nopewsewin naka keptihnək otapəsesəmowa Leswihsək otakonawal Sesohsəl, okəlpilawal.

13Təmk opeci kəlatəkənawal Anəsk ipəcəl Anəsk Kayihp 'silhosəl, Kayihp təlikci pahtəliyasowiw nit pimikətək.

14Kayihp nət nekəm tan iyalatpən Leswihs mawakənotəmatit ocikaniwinp peskw skitap ocimecinen ocipəmawsowino.

15Simo Piyel naka kətək notəkehkimot, onosokowawal Sesohsəl. Nət notəkehkimot, ocikcicikwəso kcipahtəliyasow ikək kəsewicewal Sesohsəl kcipahtəliyas wikək.

16Kenok Piyel skeh khakənək kwəcəmiw. Nit tehc nit notəkehkimot tan ocik cicikwəso kcipahtəliyasow ikək noteheha okəlolal pilskesisəl nociskhakənelicil, okəsekimal Piyeləl.

17Toci piskwesis nociskhakənet 'tiyal Piyeləl: Skatiya kil peskw tanik notəkehkimacihi wət skitap? Itəm: Nil skat.

18Notlokhəticik naka apəsesək nit tet skəltowək; kisətotowəsowək məkəsiyəl, ipəcəl ətkewo, təliwosoltowək, Piyel omawikapowin təlowəso.

19Nit tehc kcipahtəliyas papehcimal Sesohsəl ociyekehkimacihi naka ociyotəkehkitowakən.

20Sesohs 'tasitəmal: Nmesowiyosko otəmənepən skitkəmikw; mecimiw ntətləkehkikemihpən himiyewikwamək, naka, kcihimiyewikwamək, tan tet msiw Leswihsək etlimawihatit. Meskw kekw kikimiw ntitəmokopən.

21Kekwse, nil weci papehcimiyən? Papehciman nit notowitpənik. Sakiht, nekəmaw okəcicitoniya, tan yəhokpən.

22Yot kisihitək, peskw nocitkwoket tan kwihiw sehket, osəkskehtowal Sesohsəl osiskək, 'tiyal: Nit teliyasitemət kcipahtəliyas?

23Sesohs 'tasitemal; Wapəlewestowansəpən ocinspiwolam ewapəlihak; kenok wəlewestowansəpən, kekw weci təkəmiyən.

24Anəs 'təlipcitakanəl kəlpisowəl Kayihpk, kcipahtəliyasow ikək.

25Simo Piyel skehowaso. Nit tehc otcawal: Skat kil peskw nekəm notəkehkimacihi? Nekəm ikənewe, itəm: Nil skat.

26Peskowək nit kcipahtəliyas oskinosəm, otəlnapeməl nekəm tan ocalkəs Piyel mentehmowatpən, 'tiyal: Skat ktətlinəmiholopəs kil npison kikanək nisiw nekəm?

27Apc nit tehc Piyel ikənewe, olewəte napaha mətehtakso.

28Toci ocimacephaniya Sesohsəl Kayihpk, otəliphawal kcisakəmw ikək. Ospasahkiw: nekəmaw skat ksiyapasiwiyək kcisakəmowikwamək, welaman skat otokwakweh tasoltiwniya; kenok welaman okisi miciniya nankəmihakewe wikhəpaltimək.

29Pilot nit tehc əlinotəhat ewoltilit itəm: Kekwse msitowakən peciptowekw wət skitap?

30'Tiyawal: Skat wapəlokewinowikosəpən, skatəp kmilonewin kil.

31Pilot nit tehc 'tiya: Kilowaw wikwehlok tplomok, litplomok tan elkəmawik ktpaskowakənowa. Nit tehc Leswihsək 'tiyawal: Nilon skat nkisel təmakewonewin nnepahannen wen.

32Welaman Sesohs okəlosowakənəl əlihe tan itəkəpən tanəp əlikən npowakən napohoht.

33Pilot nit tehc apih ksahat kihisa kəmawikwamək nowihkwiman Sesohsəl, 'tiyal: Kil nit Leswihsək okinceməsmowal.

34Sesohs asitewtəm: Kociwihtəmon teyot kil khəkek? Kesəna kətəkik ktihokon oci nil?

35Pilot asitewtəm: Nil iya Leswihs? Kil nektokəmiksiyekw naka kcipahtəliyasək nmilkenehpənil kil. Kekw kisiyəlokeps?

36Sesohs asitewtəm: Nil nkinceməswahkim skat yot skitkəmikw təleyawiw. Nkinceməswahkim təleyawik yot skitkəmikw, noskinosəmək ocimikakhətiniyap nil skat nponehləkewən Leswihsək opitinowawikowak Kenok təkec nkin ceməswahkim skat təleyawiw tet.

37Pilot nit tehc 'tiyal: Kincaməsowiya iya kil? Sesohs asitewtəm: Kil kisi itəmən, ipəcəl nkiniheməso. Oc yohtəl weci nəmikwəsiyanpəhin, ociyotəl weci pəkəciy ayanpən skitkəmikw nəspiw wəlamatəmən olamewakən. Msiw wen tan etlewawit olamewakənik, ciksətəmən elewesto.

38Pilot 'tiyal: Kekwse; iya olamewakən?

Kisi itək yot apc otəlinotəhan Leswihs ewoltilit, 'tiya: Kətama nməskəmowən ewapəlehtakw ohək. 39Kenok ktəlmahtopa nponehlan oci kilowaw peskw nankəmipakewe wikhəpaltimək. Kolitəhatəməniya nit tehc nil nponehlan oci kilowaw Leswihsək okinceməs əmowal?

40Msiw nit tehc apc kintakwsoltowək, itəmotowək Skat wət, kenok Palapas. Nit Palapas kəmotənesks.

বর্তমানে নির্বাচিত:

Wikhikən 18: PQM2014

হাইলাইট

কপি