1 Sámìɔ̀ 15
15
Ézrɛ̀mɛ̀nù wò kózǝ̀ Ámálɛ̀mɛ̀nù ká
1Yi do káɛ Sámìɔ̀ yà pɵ̀ Sɔ́ɔ̀ lǝ̀, “Yàwɛ ɓɛɛ yè n bɔ̀ á nu á nyɔ́ wrò ɥ tuo ɥ́ kǝ kíŋ ká Ézrɛ̀mɛ̀nù làluo. Lɛ̀ é pɵɛ ɓò ɥ tó kǝ Yàwɛ ɓɛɛ à wò gɔ̀. 2Pǝ é naàlúmɛ̀ sáálɵɛ gɔ̀lààmɛ̀ yà pɵɛ gà é nɛ̀, ‘A lò Ámálɛ̀ króɓo wɔ̃́ wô kǝ Ézrɛ̀ ká dɔ̀àgɔ̀ nyǝ́nsɥ̀ ká kǝ wò tálà zɛ̃ãpíé lɛ̀ wó kǝ̀ gólɛ̀à Ízèsɛ̀gɥ́ɛ káɛ mɔ́ɔ̀wɔ̃̀ɓà. 3Ló ɥ́ grù yà Ámálɛ̀mɛ̀nù ɓà ɥ́ pǝ sáálɵ é wo gɔ̀ɛ̀ gɥ́sìè fɛ́fɛ́lɵ. Kɵ́kǝ̀ ɥ́ wo to ɓéì, kǝǝ ɓò gɔ̃ɔ̃̀ wãã̀ le, nǝ́táɥ̀ wãã̀ nǝ́bǝ́ǝ́, dù wãã̀ ɓlá, klaakposò wãã̀ sò wɛ́á nù gɥ́sìè fɛ́fɛ́lɵ.’”
4Wɔ̃́ nɛ̀ɛ̀ mɔ́ɔ̀wɔ̃̀ɓàɛ̀ Sɔ́ɔ̀ è yaa mɛnù ɓɛɛ lònò Tílèn pɵɵ, wò kǝ̀ gɔ̃ɔ̃̀nù vù kǝ̃̀ǝ̃ pèètɛ (200,000) wó sɛa kòzǝmɛ̀ káɛ wãã̀ gɔ̃ɔ̃̀nù vù gɔ́ɔ̀do (10,000) wó go Zúdà sɛ̀ gɥ́ɛ ká. 5Lɛ̀kɔ̀ɔɛ Sɔ́ɔ̀ wãã̀ yaa kózǝmɛ̀nù wó dà Ámálɛ̀mɛ̀nù waa pɵ và do gɥ́ wó yà wo gɔ̀ gbágɥ́ goopíé lɛ̀ɓà. 6É Sɔ́ɔ̀à pɵ Kénɛ̀mɛ̀nù lǝ̀, “Kà ló goú ká gó Ámálɛ̀mɛ̀nù son kɵ́kǝ̀ á nu kãã̀ nù ka gɥ́sìè. Ƃií ka grúsǝ̀ kǝ̀ Ézrɛ̀ sáálɵɛ ká lɛ̀ wó kǝ̀ gólɛ̀à Ízè sɛ̀ gɥ́ɛ ká.” Lɵɛ Kénɛ̀mɛ̀nù wó lò wó go Ámálɛ̀mɛ̀nù son.
7Lɛ̀kɔ̀ɔɛ Sɔ́ɔ̀ wãã̀ yaa mɛnù wò Ámálɛ̀mɛ̀nù zǝ̀, gó Hàvélà lɛ̀ɓà ɥ́ loá Sǝ́ǝ̀ lɛ̀ɓà Ízèsɛ̀ gɔ̀ xlãgózɛ̃̀ã. 8Wó Égà é kǝ̀ Ámálɛ̀mɛ̀nùa kíŋ káɛ kũ̀ e ɓéìká, é mɛ wó to sáálɵɛ zǝ lààká wó nyiɛ fɛ́fɛ́lɵ. 9Kǝǝ Sɔ́ɔ̀ wãã̀ yaa mɛnù wò Égà tò ɓéì, ĩ́ĩ́ ɓlá srǝ̀ǝ̀bɔ̀, dùgɔ̃ srǝ̀ǝ̀bɔ̀, dùnǝ́ bàɥ̀bàɥ̀, wãã̀ ɓlánǝ́ srǝ̀ǝ̀bɔ̀ é kpàa pǝ sáálɵ é kǝ̀ wo lǝ̀ sǝ̀ɛ̀ ɓàɛ̀ waá à gbɛ gɥ́sìè. Pǝnù àyé waá kǝ pǝkǝ̀a pǝ̀ kpã̀ã̀zǝ̀nù káɛ wóo gɥ́sìè fɛ́fɛ́lɵ.
Yàwɛ è kɔ̀ Sɔ́ɔ̀ tò kíŋ kásɥ̀ wɔ̃̀ã
10Yàwɛ ɓɛɛ yà pɵ̀ Sámìɔ̀ lǝ̀, 11“N zòɔ dàɥ̀mɥ̀ zrɥɵ nɛ̀ɛ̀ a Sɔ́ɔ̀ kǝ̀ kíŋ ká. Ƃií yà e tàye tò m píésɥ̀ ɓà yaá tó ma tɔn nù píé gbɔɔ.” Lɛ̀kɔ̀ɔɛ wɔ̃̂ nà Sámìɔ̀ zòà, é gbɵbɔ Yàwɛ píé gbengɥ́ kpɔ̀n ɓɛ ɓà. 12Lɛ̀kɔ̀ɔɛ Sámìɔ̀ è wrùù lɛ̀àlíé é lo kǝ nyɛ̀ɛ̀ Sɔ́ɔ̀ ye. Wô pɵà lǝ̀, “Sɔ́ɔ̀ è lò Kámɛ̀ pɵɵ, ye gà é zòbɥ̀ɵ̀ e dèwɔ̃̀ã pǝ̀ dɔ mɥ́ ɓǝ. Yà zie yà ló goú Géégàà pɵɵ.” 13Lɛ̀ yàkɔɔ́ɛ Sámìɔ̀ è gbɛ̀ì Sɔ́ɔ̀ là é Sɔ́ɔ̀à pɵ à lǝ̀, “Gó Yàwɛ è lúàkpɔ́ ɥ ɓà. Má pǝ é Yàwɛ è n pã́ã́ɓoáɛ kǝ.”
14Lɛ̀kɔ̀ɔɛ Sámìɔ̀à pɵ, “Kǝ mǝ̀nù á wo wò malà nɛ̀ɛ̀ ɓlánù wãã̀ dùnù wò lɵ́e?”
15Sɔ́ɔ̀ yà pɵ, “Ma kózǝmɛ̀nù wòo kũ̀ Ámálɛ̀mɛ̀nù gɔ̀. Ƃií wò ɓlánù wãã̀ dù bàɥ̀bàɥ̀ nù ɓɛɛ tòɓéì, kǝ wɔ̃̀ɔ̃̀ sraɓo woá Yàwɛ ɓa Aaɓi lǝ̀. Àyé wó to sáálɵɛ yi wo gɥ́sìè fɛ́fɛ́lɵ.”
16Sámìɔ̀ yà pɵ à lǝ̀, “Dɔsɛa! A lò wɔ̃́ Yàwɛà bìɛ̀ n lǝ̀ gbengɥ́ dɛ̀ɛ̀ biɛ̀ ɥ lǝ̀.”
Lɛ̀kɔ̀ɔɛ ê pɵà lǝ̀, “À biɛ̀.”
17É Sámìɔ̀à pɵ à lǝ̀, “Kɵ́dèe kɛ̃̀ɛ̃̀ ɥɥ dè lǝ̀ gɥ́gaɥ̀zǝ̀ɛ̀, kǝ Ézrɛ̀ sɛ̀ kpɔ̀n ɓɛɛ à gɔ̀ kũ ɥ káa? Yàwɛ é ɥ sɥ é nyɔ́ wrò ɥ tuo ɥ́ kíŋ ká Ézrɛ̀ sɛ̀ là. 18Yàwɛ é pɵ́ɛ yeé ɥ bɔ yuɔpíé ɥ pã́ã́ɓosɥ̀ ká nɛ̀ɛ̀, ‘Ló ɥ́ sɔ̀nyaa mɛ̀nù wó Ámálɛ̀mɛ̀nù káɛ gɥ́sìè fɛ́fɛ́lɵ, ɥ́ kózǝ wo ká nyɛ̀ɛ̀ toápɵ́ wɔ̃̀ɔ̃̀ nyiɛ.’ 19Lɛ̀ é pɵ́ mɔnɛ mǝ̀kǝ̀ ɓaá Yàwɛ wòkǝɛ̀? Mǝ̀kǝ̀ ɥ́ vã́ã́dɔ ɥ́ wrò wã́ã́gɥ́ pǝ̀nù là, é wɔ̃́ yaá Yàwɛ zòkṹɛ̃ ɥ̂ kǝ̀ɛ̀?”
20É Sɔ́ɔ̀ yà pɵ Sámìɔ̀ lǝ̀, “A Yàwɛ wò kǝ̀, yuɔ é Yàwɛ è n bɔà píéɛ mâ kǝ, mánu Ámálɛ̀ kíŋ ká, ĩ́ĩ́ má Ámálɛ̀mɛ̀nù ɓɛɛ gɥ́sìè fɛ́fɛ́lɵ. 21Kǝǝ ma mɛnù wò tùɔ̀ srǝ̀ǝ̀bɔ̀ wó ɓlánù wãã̀ dùnù ká nɛ̀ɛ̀ kũ̀. Wó nu woá wɔ̃̀ɔ̃̀ sraɓo wo ká Yàwɛ ɓa Aaɓi lǝ̀ Géégàà pɵɵ zɵ.”
22Sámìɔ̀à pɵ, “À mlǝ̀ǝ̀zǝ̀ é Yàwɛ zòɔ grúlìì? À wòkǝɥ̀è ĩ́ĩ́ sra ɓòàlǝ̀sɥ̀è? Lɛ̀gà, Aaɓi wòkǝɥ̀ è sǝ̀ é zìèa sraɓòàlǝ̀sɥ̀ là, ĩ́ĩ́ tókǝ̀ à wò píésɥ̀ è sǝ̀ é zìèa ɓlá nyɔ́zǝ̀ zǝsɥ̀ làluo. 23Ƃií dɔ̀ Yàwɛ gɔ̀ nyǝ́nsɥ̀ è ya nɛ̀ɛ̀ dɥkǝɥ̀ lɵ́, ĩ́ĩ́ mɛ tóú kǝ̀ grɔ́ɔ́grɔ̀sɥ̀ è ya nɛ̀ɛ̀ kǝpǝ̀yaa kǝɥ̀ wãã̀ ɓɛ̀à lɛ́kpolǝ̀sɥ̀ lɵ́. Lɛ̀ ɓá kɔ̀ Yàwɛ wòkáɛ ye dèe yà kɔ̀ ɥ tò kíŋkásɥ̀ wɔ̃̀ã pɵ́.”
24Sɔ́ɔ̀ yà pɵ Sámìɔ̀ lǝ̀, “Má sɔ̀nyaa kǝ. Ƃií tɔn Aaɓia nu n lǝ̀ɛ̀ mâ sìè, ĩ́ĩ́ má ɥ wòtó, súó â ɓo ma krúázǝ̀ wòlǝ̀ɛ̀ mɔ́ɔ̀wɔ̃̀ɓà. 25Lɛ̀ é pɵ́ɛ a ɓɛ̀à ɥ lǝ̀ ɓò zie ma sɔ̀nyaa là, ɥ́ liɛ̀ kó ló ã́ã̀ gblɥn Yàwɛ lǝ̀.”
26É Sámìɔ̀à pɵ Sɔ́ɔ̀ lǝ̀, “N káló lìɛ̀ kɔ̃́ɔ̃̀ ló. Ƃií ɓá kɔ̀ ɥ pã́ã́ɓo wò é Yàwɛa nu ɥ lǝ̀ɛ̀ ká, ĩ́ĩ́ Yàwɛ yà kɔ̀ ɥ ɓà tò kíŋ ká Ézrɛ̀ làsɥ̀ wɔ̃̀ã.”
27Lɛ̀ Sámìɔ̀ è lìɛ̀ nyɛ̀ɛ̀ yaa lóɓoɛ, Sɔ́ɔ̀ è gblòò é yà àɓà sɔlàsɔ̀ ɓà é pɛ̀. 28Lɛ̀kɔ̀ɔɛ Sámìɔ̀à pɵ à lǝ̀, “Yàwɛ yà Ézrɛ̀ kíŋsɛ̀ ɓɛɛ pɛ́ ɥ ɓà gbɛ̃́ã̀, yàà nu ɥ yàsɔ́mɛ̀ é kpã̀ã̀zǝ̀ é zìèa ɥ làɛ̀ lǝ̀. 29Ézrɛ̀a Aaɓi kpàozǝ̀ ɓɛɛ yáá fǝkǝ ĩ́ĩ́ à tà yáá bɔɔ̀. Mɛɓéì wɛ́á kũ à ká kǝ nyɛ̀ɛ̀ e zòɔ tàbɔɔ̀.”
30Lɛ̀kɔ̀ɔɛ ê pɵ, “Má sɔ̀nyaa kǝ póo, kǝ ɓò n ɓlɛ̀kpɔ́ ma mɛnù waa nyɔàzǝ̀ pɛá ĩ́ĩ́ Ézrɛ̀ pɛá, ɥ́ liɛ̀ kóló, kǝ ã́ã̀ gblɥn Yàwɛ ɓa Aaɓi ɓɛɛ lǝ̀.” 31Zɛ̃ãɓɛ Sámìɔ̀ yàkǝ̀a, é lìɛ̀kɔ̀à wãã̀ Sɔ́ɔ̀ wó lo é Sɔ́ɔ̀ è gblɥ̀n Yàwɛ lǝ̀.
32Lɛ̀kɔ̀ɔɛ Sámìɔ̀ yà pɵ, “Ƃònu Ámálɛ̀mɛ̀nùa kíŋ Égà ɓɛɛ ká n píé zɵ.” Yegà Égà è nu à píé zòtásɥ̀ ká nɛ̀ɛ̀ wo káló pǝlíè kǝà gɔ̀ gbɔ. 33É Sámìɔ̀à pɵ, “Zɛ̃ãdo é ɓa làà yà lonnù plǝǝ̀zǝ̀ kǝá tòkɔ̀a mɛnù káɛ zɛ̃ãdo ɓɛɛ ɥ le lo toá lonnù son.” É Sámìɔ̀ è Égà kã̀ã̀ krúkrú ká Yàwɛ pɛá Géégàà pɵɵ.
34Lɛ̀ yà kɔɔ́ɛ Sámìɔ̀ è lo Wrámà pɵɵ. Sɔ́ɔ̀ dèe é lo e píékee Gébìɛ̀ pɵɵ. 35É Sámìɔ̀ yaá Sɔ́ɔ̀ ye gbɔ é toápɵ́ Sámìɔ̀ gaá, kǝǝ à zòɔgɥ́ è gĩ̀ Sɔ́ɔ̀ mɔ́ɔ̀wɔ̃̀ã̀. Ĩ́ĩ́ Yàwɛ zòɔ è dàzrɥɵ nɛ̀ɛ̀ è Sɔ́ɔ̀ kǝ̀ kíŋ ká Ézrɛ̀ sɛ̀ làluo.
বর্তমানে নির্বাচিত:
1 Sámìɔ̀ 15: DHB
হাইলাইট
শেয়ার
কপি
Want to have your highlights saved across all your devices? Sign up or sign in