1 Sámìɔ̀ 14
14
Zògbéè wɔ̃̀ é Zɔ̀nátã̀ yàkǝ̀ɛ̀
1Yi do káɛ Sɔ́ɔ̀ gbɵ Zɔ̀nátã̀ yà pɵ̀ nǝ́gɔ̃ɔ̃̀zǝ̀ é kǝ̀ àɓà kózǝ̀a pǝ̀nù bũlɛ̀àɛ̀ lǝ̀, “Nu kóló Félésã́ã̀mɛ̀nù yàlɛ̀ɓà dèzɛ̃̀ã.” Kǝǝ yaâ biɛ̀ e dǝ lǝ̀. 2Sɔ́ɔ̀ è kǝ̀ Gébìɛ̀ pɵ̀ líétólɛ̀ ɓà, pómígránè xlɥ̀ gɛ̃̀ĩ Mágrɔ̃̀ lɛ̀ɓà. Gɔ̃ɔ̃̀nù wó kǝ à píéɛ wò lò kǝ mɛ kǝ̃̀ǝ̃ srɔ́âdo ká. 3(Sraɓomɛ̀ é ífɔ̀ kǝ̀àɓàɛ̀ é tɔɔ Àházà é kǝ̀ Íkábɔ̀ legrú Àhátɔ̀ é kǝ̀ Fíníhà gbɵ ĩ́ĩ́ Íláà é kǝ̀ sraɓomɛ̀ ká Yàwɛ lǝ̀ Sílɔ̀ɔ̀ɛ̀ àɓà naá káɛ à gbɵ.) Gɔ̃ɔ̃̀nù ɓɛɛ waâ gɥ́dɔ nɛ̀ɛ̀ Zɔ̀nátã̀ yà gó wo píé.
4Tɔ̃̀ sonlɛ̀ é Zɔ̀nátã̀ yà mɛ̀ɛ̀ nyɛ̀ɛ̀ bɔà nyɛ̀ɛ̀ ló Félésã́ã̀mɛ̀nù yàlɛ̀ɓàɛ̀ gùǝ̀ xlǝ́ǝ́ è lò luo gbɛ̃̀ɛ̃̀ kɔ̀pɛ̃́ã́ pèètɛ là. À do tɔ́ tɔɔ Bózɛ̀, à yéé toɛ wô lɛ̀ Sénɛ̀. 5Gùǝ̀xlǝ́ǝ́ ɓɛɛ à do è wrùù lú lúúzɛ̃̀ã Mékímà pɵ̀ pɛá, à xlǝ́ǝ́ do é toɛ é wrùùlú goúzɛ̃̀ã Gíbà pɵ̀ pɛá.
6Lɵɛ Zɔ̀nátã̀ã̀ pɵ nǝ́ gɔ̃ɔ̃̀zǝ̀ ê ɓà grùkǝ pǝ̀nù bũlàɛ̀ lǝ̀, “Nu kó zie kóló dɛ̃̀ã̀nù yàlɛ̀ɓà dèzɛ̃̀ã. Yigbúkáɛ Yàwɛ lò yuɔkǝ kwa lǝ̀, ɓií pǝ gbɛɛ ká mɔ̀à nyɛ̀ɛ̀ Yàwɛ kṹsɛa mɛ gɔ̀ là mɛ gbũ kɔ̀asɥ̀ ĩ́ĩ́ mɛ gapǝ kɔ̀asɥ̀ mɔ́ɔ̀wɔ̃̀ɓà.”
7Àɓà grùkǝ pǝ̀nù bũmɛ̀à pɵ à lǝ̀, “Pǝ sáálɵ ɥ zòɔ wèàɛ̀ ɓòà kǝ. A ɥ píé, zɛ̃ãdo ɥ zòɔ lɵ́ káɛ n zòɔ lɵ́ ká.”
8Lɛ̀kɔ̀ɔɛ Zɔ̀nátã̀ã̀ pɵ, “Lɛ̀gà, ko lò zɛ̃ĩ̀kã kɔ̃́ɔ̃̀ ló dɛ̃̀ã̀zǝ̀ ɓɛɛ wo píé, yàkɔɔ́ɛ ko lò ko dèzɔ̃̀ wo lǝ̀. 9Àyé wàà pɵ ko lǝ̀, ‘Kà duan má yí nu ka píé máɛ,’ to kó dɔsɛa dinlɵ kó bo lólɛ̀à wo píé luo má. 10Kǝǝ àyé wàà pɵ, ‘Kànu yi píé luonɵ́ɛ,’ kǝ ko lò lo luo, ɓií Yàwɛ yà wo dɔ kwa kwɛ. À dã̀ã é lo zɔ̃̀ kwa lǝ̀ɛ̀ é nɛ̀.”
11Lɵɛ wo pèètɛ wòo dèzɔ̃̀ Félésã́ã̀ krúázǝ̀ ɓɛɛ lǝ̀, é Félésã́ã̀mɛ̀nù ɓɛɛ wô pɵ, “Kà lɛ̀gà, Híbrúùmɛ̀nù wò gólà dùgɥ́lɛ̀nù wóo dèbĩ̀àɓàɛ̀ ɓà wò yeà plan.” 12É krúázǝ̀ ɓɛɛ wó Zɔ̀nã́tã̀ wãã̀ yaa grukǝ pǝ̀nù bũmɛ̀, lɔ̀ɔ̀kǝ̀, wô pɵ wo lǝ̀, “Kànu yi píé luo nɵ́, kǝ nyíì pǝdo zɔ̃̀ ka lǝ̀.”
Zɔ̀nátã̀ã̀ pɵ yaa grùkǝ pǝ̀nù bũmɛ̀ lǝ̀, “Nu kóló luo, ɓií Yàwɛ yà wo dɔ Ézrɛ̀ kwɛ.” 13Zɔ̀nátã̀ wãã̀ yaa grùkǝ pǝ̀nù bũmɛ̀ wò gbàà wo kɔ̀ wãã̀ wo kpɔ̃là wó dàa tɔ̃̀ɓɛ ɓà. Lɛ̀ wà dàɛ̀, Zɔ̃̀nátã̀ è kǝ̀ Félésã́ã̀ krúázǝ̀ gbú gĩ̀lɛ̀à waà pɥ̀ɵ̀ Zɔ̀nátã̀ líé, kǝ àɓà grùkǝ pǝ̀nù bũmɛ̀ è wo zǝlà yaà tòa à píé. 14Mɛzǝsɥ̀ bìɛ̀zǝ̀ é nɛ̀ gɔ̃ɔ̃̀nù wó lo ye gɔ́ɔ̀ pèètɛ ɓàɛ̀ wó ga lɛ̀ é mɔ̀à nyɛ̀ɛ̀ kǝ nɛ̀ɛ̀ kɔ́ srɛ́àka dɔlɛ̀ lɵ́ɛ ɓà. 15Lɛ̀kɔ̀ɔɛ Félésã́ã̀mɛ̀nù sáálɵɛ súósɥ̀ yaa è nù wo là. Wã́ã́dɔ krúázǝ̀ wãã̀ krúázǝ̀ àyé wó kǝ̀ wo yàlɛ̀ɓàɛ̀ wo bũzùù woɓà súó ká. É sɛ́ è gakǝ̀, é kǝ̀ súósɥ̀ yaa dùò ká.
Ézrɛ̀ kɔ̀ è zìè Félésã́ã̀mɛ̀nù là
16Lɛ̀kɔ̀ɔɛ Sɔ́ɔ̀a mɛnù wó kǝ̀ wo nyá kǝlɛ̀à Gébìɛ̀ pɵɵ Bɛ́nzémɛ̀ sɛ̀ gɥ́ɛ wò Félésã́ã̀mɛ̀nù ye waà blàsɥ̀ kɔ̀pɛ̃́ã́ sáálɵɛ ká wo zòɔ yà dɔ dúlɵɛ mɔ́ɔ̀wɔ̃̀ɓà. 17Àmɔ́ɔ̀wɔ̃̀ɓàɛ̀ Sɔ́ɔ̀ yà pɵ yaa mɛnù wókǝ̀à píéɛ lǝ̀, “Kà krúánù lònó kǝ mɛ é yà gó kwapíéɛ kwã́ã̀ dɔ.” Lɛ̀ wà mɛ lònóɛ, Zɔ̀nã́tã̀ wãã̀ yaa grùkǝ pǝ̀nù bũmɛ̀ waá kǝ mɥ́. 18Lɛ̀kɔ̀ɔɛ Sɔ́ɔ̀ yà pɵ Àházà é kǝ̀ sraɓomɛ̀ káɛ lǝ̀, “Ƃò nu Aaɓia Wòdɔwò Gblɔ̀n ɓɛɛ ká zɵ.” Ƃií yi ɓɛɛ káɛ Ézrɛ̀ wãã̀ Aaɓia gblɔ̀n ɓɛɛ wó tà. 19Lɛ̀ Sɔ́ɔ̀ è kǝ̀ wɔ̃́biɛ̀ lɛ̀à sraɓomɛ̀ ɓɛɛ lǝ̀ɛ̀, mɛ zòɔ dɔ̀ dúlɵ wɔ̃̀ è kǝ̀ gíálɛ̀à kplàɓo Félésã́ã̀mɛ̀nù yàlɛ̀ɓà, é Sɔ́ɔ̀ yà pɵ sraɓomɛ̀ ɓɛɛ lǝ̀, “Gblɔ̀n wɔ̃̀ ɓɛ è tó pɵ́!” 20Lɛ̀kɔ̀ɔɛ Sɔ́ɔ̀ wãã̀ mɛ sáálɵ wokǝ̀à píéɛ wó pà wokóà wó lo grù ɓɛɛ píé. Félésã́ã̀ krúá do do sáálɵɛ àɓà làà è sìɛ̀ e ɓá gɔ̃̀ɔ̃̀ gɔ̀, é wɔ̃́ é kǝ̀ máɛ̃ é kǝ̀ yúàyùà dèèdè. 21Yi ɓɛɛ káɛ Híbrúùmɛ̀nù wó kǝ̀ Félésã́ã̀mɛ̀nù píé líé é wãã̀nù wó kǝ̀ waa krúázǝ̀ yàlɛ̀ɓàɛ̀ wó dà Ézrɛ̀mɛ̀nù é wãã̀ Sɔ́ɔ̀nù, Zɔ̀nátã̀ nù wó nuɛ píé. 22Zɛ̃ã do ɓɛɛ é kǝ̀a Ézrɛ̀ gɔ̃ɔ̃̀nù wóo dè bĩ̀ Ífrɛ̀n tɔ̃̀sɛ̀ gɥ́ɛ ká lɛ̀ wô ma nɛ̀ɛ̀ Félésã́ã̀mɛ̀nù wò dùàlàɛ, wo dèe wó to wo píé gbééká grùkǝsɥ̀ ká. 23Grùgɔ̃sɥ̀ wô kǝ̀ɛ̀ wò wòa Bɛɛ́tévɛ̀npɵ̀ tààzɛ̃̀ã. Zɛ̃ãɓɛ káɛ é Yàwɛ é Ézrɛ̀ gɔ̀laá yi ɓɛɛ ká.
Wɔ̃́nù wó kǝ̀ kǝ grùàzieɛ
24Kǝǝ Ézrɛ̀ gɔ̃ɔ̃̀nù zòɔ è dàzrɥɵ yi ɓɛɛ ká, ɓií Sɔ́ɔ̀ è sɵ̀ yà mɛnù ɓɛɛ ɓà, wòa nɛ̀ɛ̀, “Láŋá kpɔ́sɥ̀ mɥ̀ gɔ̃ɔ̃̀ sáálɵ é lo pǝɓɵ̀ àyé yínɛ̀alɛ̀ yaá dɔkũ̀ ĩ́ĩ́ n kɔ̀ yaá ziekũ̀ n dǝgbɵnù gɔ̀ɛ̀ ká.” Àmɔ́ɔ̀wɔ̃̀ mɛgbɛ ká ɓɵ̀pǝ̀ gbɛ dã́. 25Lɛ̀kɔ̀ɔɛ mɛ wó ɓǝ sáálɵɛ wó nu bliílɵ wó zɔ́nyɔ́ ye kǝ è wròlà sɛa. 26Lɛ̀ é mɛnù ɓɛɛ wà dà bliílɵ nǝ̀ǝɛ, wó lɛ̀gà kǝ zɔ́nyɔ́ è yeà sɛa tàtàlɵ kǝǝ mɛgbɛ ká e kɔ̀ pá e bɛ̃̀ã, ɓií wò sùò sɵ̀ ɓɛɛ mɔ́ɔ̀wɔ̃̀ɓà. 27Kǝǝ Zɔ̀nátã̀ yaâ ma kũ̀ nɛ̀ɛ̀ à dǝ yà sɵ̀ yà wãã̀ mɛnù ɓɛɛ wo ɓà, é yaa tǝ̀ɥ̀ líé sɔ̀ zɔ́nyɔ́ ɓàà éye kɔ̀tàà líé ê pa lɛ̀kɔ̀ɔɛ à nyâpò é lɛ̀ye sǝ̀ká. 28Lɛ̀ yà kɔɔ́ɛ waa mɛdo yà pɵ, “Ч dǝ è sɵ̀ yà kwaà, wòa nɛ̀ɛ̀, ‘Gó láŋá è kpɔ́ gɔ̃ɔ̃̀ é lo ɓɵ̀pǝ̀ ɓɵ̀ gbɛ̃́ã̀ɛ̃ ká.’ Àmɔ́ɔ̀wɔ̃̀gɥ́ɛ yi sáálɵɛ dĩ yà yi kǝ tǝ́ǝ́tǝ̀.”
29É Zɔ̀nátã̀a pɵ, “N dǝ yà nu wà ká yi là. Ƃaá ye n nyá ya pó glenlɵ zɔ́nyɔ́ pǝtéé â paɛ káa! 30É kɛ̃̀ɛ̃̀ mɛnù wò wã́ã́gɥ́ pǝ̀ wô dɔ wo dǝgbɵnù ɓàɛ̀ ɓɵ̀ gbɛ̃́ã̀ gɛàɓoɛ e kã́ã̀ kǝ sǝ̀à? Ƃií gbɛ̃́ã̀ yì nɛ̀ɛ̀ káɛ mɛnù kwá wo zǝ Félésã́ã̀mɛ̀nù píéɛ waâ vàdùò.”
31Wò Félésã́ã̀mɛ̀nù zǝ̀ wó goá Mékímà pɵɵ wó wòa Áízálɔ̀n pɵɵ. À yi nɛ̀ káɛ kǝ dĩ yà Ézrɛ̀mɛ̀nù kǝ tǝ́ǝ́tǝ̀ dèèdè. 32Mɛnù ɓɛɛ wó lo gbɔɔ wó srà pǝnù wô kũ wã́ã́gɥ́ pǝ̀nù káɛ là, wó ɓlánù, dùgɔ̃nù, wãã̀ dùnǝnù kũ wóo zǝ sɛ́í, é mɛnùɓɛɛ wô ɓɵ̀ e fɛízǝ̀ ká. 33Lɛ̀kɔ̀ɔɛ é mɛnù wô pɵ Sɔ́ɔ̀ lǝ̀, “Lɛ̀gà, kózǝmɛ̀nù ɓɛɛ wò sɔ̀nyaa kǝlà Yàwɛ gɔ̀, wò fɛí ɓɵ̀là.”
Ê pɵ kózǝmɛ̀nù lǝ̀, “Ká Yàwɛa tɔn sìè, kà gùǝ̀kpo và gɵ̀ɓɵ̀gɵ́ ká nuá zɵ.” 34Lɛ̀kɔ̀ɔɛ Sɔ́ɔ̀a pɵ, “Kà pɛ̃̀ ka ɓánù son kâ pɵ wo lǝ̀, ‘Mɛ do do sáálɵɛ gó è nu dù do ká, yaâ pɵ́ɛ è nu ɓlá do ká nyàà zǝ zɵ nyàà ɓɵ̀, kɵ́kǝ̀ kánu sɔ̀nyaa kǝ Yàwɛ gɔ̀ à ɓɵ̀ e fɛíkásɥ̀ ká.’ ” Zɛ̃ãɓɛ mɛ do do sáálɵɛ ê kǝ̀a é nu yaa tùɔ̀gɔ̃ do ká gbengɥ́ ɓɛ ɓà, ê zǝ má. 35É Sɔ́ɔ̀ è sraɓòàlàpǝ̀ dɔ Yàwɛ lǝ̀. È kǝ̀ sraɓòàlàpǝ̀ bìɛ̀zǝ̀ ê dɔ Yàwɛ lǝ̀ɛ̀ ká.
36Lɛ̀kɔ̀ɔɛ Sɔ́ɔ̀ yà pɵ, “Kwà ló goú kwá Félésã́ã̀mɛ̀nù kǝblàa kwà wã́ã́dɔ woɓà nyɛ̀ɛ̀ toàpɵ́ lɛ̀ nyɛ̀ɛ̀ kpàà, kɵ́kǝ̀ kwá gɔ̃ɔ̃̀ gbɛ gɔ̀la.”
Lɛ̀ yà wɔ̃́biɛ̀ pɵ́ɛ wô pɵà lǝ̀, “Pǝ sáálɵ ɥ ye sǝ̀ɛ̀ ɓòàkǝ.”
Kǝǝ sraɓomɛ̀ ɓɛɛ yà pɵ̀, “Kwà Aaɓi lɛ̀ɛ̀kpɔ́ kǝ̀ pǝ kwà loà kǝɛ wɔ̃̀ã.”
37Lɵɛ Sɔ́ɔ̀ è Aaɓi lɛ̀ɛ̀kpɔ́ kǝ̀, “Á ló goú Félésã́ã̀mɛ̀nù kǝsɥ̀ káa? Ч lò wo dɔ Ézrɛ̀mɛ̀nù kwɛà?” Kǝǝ yaá wɔ̃́ zǝnu à lǝ̀ yi ɓɛɛ ká. 38Lɛ̀kɔ̀ɔɛ Sɔ́ɔ̀ yà pɵ, “Krúázǝ̀ líésɥ́mɛ sáálɵɛ kànu zɵ sɔ̀nyaa é kǝ̀ gbɛ̃́ã̀ zɵɛ kwã́ã̀ gɥ́ mɛɛ̀. 39Ƃií lɛ̀ Yàwɛ é Ézrɛ̀ gɔ̀laàɛ̀ lɵ́gɥ́ ɓéìɛ̀, kɵ́ kɛ̃̀ɛ̃̀ sɔ̀nyaa dè ɓɛɛ è kǝ n gbɵ Zɔ̀nátã̀ gɥ́ pooɛ, è lò ga gbɔ̀gbɔ̀lɵ.” Kǝǝ mɛ do wɛ́á yaá à wò dàà gɛ̀àɓo. 40Lɛ̀kɔ̀ɔɛ ê pɵ Ézrɛ̀ sáálɵɛ lǝ̀, “Kalò kǝ kɔ̀pɛ̃́ã́ do là é nyià n gbɵ Zɔ̀nátã̀ yí kǝ̀ kɔ̀pɛ̃́ã́ àyé é toɛ là.”
É mɛnù wó ɓɛɛ wô pɵ Sɔ́ɔ̀ lǝ̀, “Pǝ é lì ɥ lǝ̀ɛ̀ ɓòàkǝ.”
41Àmɔ́ɔ̀wɔ̃̀ɓɛɛ Sɔ́ɔ̀ yà pɵ, “Ô Yàwɛ ɥ́ Ézrɛ̀a Aaɓi káɛ, mǝ̀kǝ̀ ɓáá n zǝnu lɛ̀kpààyi nɛ̀ káɛ? É kɛ̃̀ɛ̃̀ ɥ sɔ̀nyaa ɓɛɛ yè n gɥ́ ĩ́ĩ́ n gbɵ Zɔ̀nátã̀ gɥ́ɛ, kǝ ɓò za ɓɛ kã́ Úrìn ká. Kǝǝ é kɛ̃̀ɛ̃̀ ɥ sɔ̀nyaa ɓɛɛ yè ɓa mɛnù wó Ézrɛ̀mɛ̀nù káɛ gɥ́ɛ, kǝ ɓòà zɔ̃̀ Túmìn#14.41 Úrìn wãã̀ Túmìn: Gùǝ̀ lɛ pǝ téété pèètɛ, yàkǝɛ wô bĩ̀lɛ̀ ɓo à yà mɛ tɔ́àsɥ̀ ká. Àyé wó loà sɥɛ yà kǝ mɛ ɓɛ tɔ́áɛ kǝ wɔ̃́ yà tóàɓà. ká.” Úrìn ɓɛɛ é Zɔ̀nátã̀ wãã̀ Sɔ́ɔ̀ kũ, kǝǝ wɔ̃́ gbɛɛ yaá tó mɛnùɓɛɛ wo ɓà. 42Lɛ̀kɔ̀ɔɛ Sɔ́ɔ̀à pɵ, “Ƃò lɛ̀gàa nyià n gbɵ Zɔ̀nátã̀ yi son.” Lɛ̀ yà kɔɔ́ɛ wɔ̃́ ɓɛɛ é to Zɔ̀nátã̀ ɓà. 43Lɛ̀kɔ̀ɔɛ Sɔ́ɔ̀à pɵ Zɔ̀nátã̀ lǝ̀, “Wɔ̃́ ɥ́ kǝ̀ɛ̀ ɓòà biɛ̀ n lǝ̀.”
É Zɔ̀nátã̀ yà pɵà lǝ̀, “A zɔ́nyɔ́ pǝtéé sɥ̀ ma tǝ̀ɥ̀ é kǝ̀ n kwɛ líé â pa. Magà á nɛ̀, yè n ɓà ã́ã̀ ga.”
44É Sɔ́ɔ̀à pɵ, “Zɔ̀nátã̀, ɥ lò ga gbɔ̀gbɔ̀lɵ. É n kâ kɔɔ́ɛ gó Aaɓi yà kǝ pɵ́ n ká è kpaá wɔ̃́gbéè ɓáá ɓà.”
45Kǝǝ mɛnù ɓɛɛ wà pɵ̀ Sɔ́ɔ̀ lǝ̀, “Zɔ̀nátã̀ é yànu kɔ̀ziesɥ̀ và kǝ̀nǝǝsɥ̀ ká Ézrɛ̀ɛ, yàɓà nyɛ̀ɛ̀ gaa. È ló à ká gbɛ̃̀ɛ̃̀! Lɛ̀ Yàwɛ lɵ́ ɓéìɛ̀ àɓà wũka do wɛ́ázǝ̀ ká ló pɥ̀ɵ̀ sɛa, ɓií wãã̀ Yàwɛ wó yuɔkǝ̀ gbɛ̃́ã̀yì nɛ̀ɛ̀ ká.” É wó Zɔ̀nátã̀ tàbɔɔ̀ pǝ̀ nu, é yaá ga gbɔɔ.
46Lɛ̀kɔ̀ɔɛ Sɔ́ɔ̀ è lo luo é bo Félésã́ã̀mɛ̀nù kǝ lɛ̀à, é Félésã́ã̀mɛ̀nù wó lo wo dèɓà sɛ́gɥ́.
Sɔ́ɔ̀a ɓɔ̀ukǝsɥ̀ wãã̀ à píékee mɛ̀nù
47Lɛ̀ Sɔ́ɔ̀ è kǝ̀ kíŋ ká Ézrɛ̀ sɛ̀ làɛ̀, è kózǝ̀ e dǝgbɵnù sáálɵɛ ká kɔ̀pɛ̃́ã́ plɛ́n là. É kózǝ̀ Móàmɛ̀nù kà, é kózǝ Ámɔ̀nmɛ̀nù ká, é kózǝ Ídɔ̀nmɛ̀nù ká, é kózǝ kíŋ é go Zóbà sɛ̀ gɥ́ɛ píé, é kózǝ Félésã́ã̀mɛ̀nù ká. Sɛ́ sáálɵ é sìɛ̀ à píéɛ è wɔ̃́ kǝ̀ à gɥ́ mɛ̀nù ɓà gbéè. 48À zò è kǝ̀ gbéè, é Ámálɛ̀mɛ̀nù gɥ́sìè, é bààmɥ́ é Ézrɛ̀ ɓo gã́gɥ́ mɛ sáálɵ wó wã́ã́ dɔàɓà líéɛ kwɛ.
49Sɔ́ɔ̀ gbɵnù wò kǝ̀ Zɔ̀nátã̀, Ésívè, wãã̀ Màkísùà ká. É à lúnù pèètɛ ɓɛɛ wó à bìɛ̀zǝ̀ tɔ́lɛ̀ Mírà, à yéé toɛ wô lɛ̀ Mákà. 50Sɔ́ɔ̀ bɔú tɔ́ è kǝ̀ Àhénòàn ká é kǝ̀ Àhémàà lú ká. Àɓà krúázǝ̀ gɔ̀lààmɛ̀ kǝ̀ɛ̀ wô tɔ́lɛ̀ Ábínǝ̀, Nǝ́ǝ̀ é kǝ̀ Sɔ́ɔ̀ dǝ legrú káɛ à gbɵ mɥ̀. 51Késì è kǝ̀ Sɔ́ɔ̀ dǝ ká, wãã̀ Nǝ́ǝ̀ é kǝ̀ Ábínǝ̀ dǝ káɛ wo dǝ tɔɔ Ábìɛ̀.
52Grùgɔ̃sɥ̀ gbéè è lòlíé Félésã́ã̀mɛ̀nù píé Sɔ́ɔ̀a ɓɔ̀ukǝyì kpɔ̀n é kǝ̀ɛ̀ ká. Kǝɓoɛ yà gɥ́gbéèmɛ̀ ye, ĩ́ĩ́ yà zògbéè mɛ̀ yeɛ, è wo dà yaa krúázǝ̀ son.
বর্তমানে নির্বাচিত:
1 Sámìɔ̀ 14: DHB
হাইলাইট
শেয়ার
কপি
Want to have your highlights saved across all your devices? Sign up or sign in