Chhóng-sṳ Ki 4

Kâi-yún lâu Â-pak

1Â-tông lâu kiâ pû-ngiòng Ha-vâ thùng-fòng. Ha-vâ yû sṳ̂n-hong, kiung yit-ke lai-é, kóng: “Yîn-vi Song-chú ke pông-chhu, ngài tet-tó yit-ke lai-é.” Kì chhiu lâu kì ôn-miàng Kâi-yún#4:1 “Kâi-yún” yû “tet-tó” ke yi-sṳ.. 2Heu-lòi, kì kiung Kâi-yún ke ló-thâi Â-pak#4:2 Chhai Hî-pak-lòi-vùn “Â-pak” yû “khûng-hî” ke yi-sṳ.. Â-pak he mu̍k-ngìn; Kâi-yún he kâng-chung ngìn. 3Ko yit-chham sṳ̀-kiên, Kâi-yún nâ thú-thi ke chhut-sán cho chi-vu̍t hien-pûn Song-chú. 4Â-pak nâ yòng-khiùn ke thèu-thôi, yu he chhin-phì ke cho chi-vu̍t hien-pûn Song-chú. Song-chú fôn-hí Â-pak, chiap-na̍p kì ke chi-vu̍t, 5chúng-he Song-chú mò fôn-hí Kâi-yún lâu kì ke chi-vu̍t. Kâi-yún chhiu pien-mien, thai fat-khién. 6Song-chú tui Kâi-yún kóng: “Ngì cho-má-ke thai fat-khién? Cho-má-ke pien-mien nè? 7Ngì na-he cho-chho̍k, kám m̀-voi su-tó chiap-na̍p? Na-he ngì cho m̀-chho̍k, chhui chhiu phu̍k chhai ngì mùn-héu. Chhui oi tet-tó ngì, chúng-he ngì oi chṳ-fu̍k chhui.”

8Heu-lòi, Kâi-yún tui ló-thâi Â-pak kóng: “Ngài-têu lòi-hi thièn-hong!”#4:8 “Ngài-têu lòi-hi thièn-hong!” he kîn-kí yû-têu kú yi̍t-pún, Hî-pak-lòi-vùn mò liá yit-ki. Kì-têu chhai thièn-hong ke sṳ̀, Kâi-yún chhiu chhut-sú chiông ló-thâi Â-pak chhṳ̀-sí.

9Song-chú tui Kâi-yún kóng: “Ngiâ ló-thâi Â-pak chhai nai-vi?” Kì en-kóng: “Ngài m̀-tî. Ngài kám-he chóng ngâ ló-thâi ke?”

10Song-chú kóng: “Ngì cho má-ke nè? Ngiâ ló-thâi ke hiet tui thi-nài-hâ chhut-sâng thèu Ngài. 11Yîn-vi thi khôi-choi tui ngì ke sú-chûng thûn-thet ngiâ ló-thâi ke hiet; liá-ha ngì oi tui thi lòi su chu-chú. 12Ngì kâng-chung, thi ya mò-chai vi ngì chhut-sán. Ngì oi chhai thi-song to-chhu liù-long.”

13Kâi-yún tui Song-chú kóng: “Ngài su ke hìn-fa̍t thet-chhûng, chhêu-ko ngài só-nèn tâm-tông ke. 14Khon â! Kîm-pû-ngit Ngì chiông ngài tui liá-thi kiuk chhut-hi, ngài chhiu kien m̀-tó Ngì ke mien; ngài chiông voi chhai thi-song to-chhu liù-long, mò-lun má-ngìn tù-tó ngài chhiu sióng-oi chhṳ̀ ngài.”

15Song-chú tui kì kóng: “M̀-voi án-ngiòng, fàm-he chhṳ̀ Kâi-yún ke oi su chhit-phi ke po-yin.” Song-chú chhiu pûn Kâi-yún yit-ke ki-ho, miên-tet ngìn tù-tó kì chhiu chhṳ̀ kì. 16Kâi-yún chhiu lì-khôi Song-chú mien-chhièn, he̍t chhai Yî-thien-yèn tûng-phién ôn-to liù-long chṳ̂-thi ke Nò-tet.

Kâi-yún ke Heu-thoi

17Kâi-yún lâu kiâ pû-ngiòng thùng-fòng, kiâ pû-ngiòng chhiu-yû sṳ̂n-hong, kiung Yî-nok. Kâi-yún hí yit-chho sàng, chhiu yung kiâ lai-é ke miàng chiông ke-sàng ham-cho Yî-nok. 18Yî-nok kiung Yî-nâ; Yî-nâ kiung Mí-fu-ngâ-li; Mí-fu-ngâ-li kiung Mâ-thú-sat-li; Mâ-thú-sat-li kiung Lâ-ma̍k. 19Lâ-ma̍k thó lióng-ke pû-ngiòng, yit-ke miàng ôn-to Â-thai, hàn yit-ke miàng ham-cho Sé-lâ. 20Â-thai kiung Ngâ-pat; Ngâ-pat chhiu-he he̍t chong-phùng, hiuk thèu-sâng ke ngìn ke siên-chú. 21Kiâ ló-thâi miàng ham-cho Yù-pat; kì he thàn-khìm, phùn-sêu ke ngìn ke siên-chú. 22Sé-lâ ya kiung Thú-pat-Kâi-yún, chhiu-he tá-chho kok-chúng thùng-thiet li-hi ke. Thú-pat-Kâi-yún ke ló-moi chhiu-he Nâ-mâ.

23Lâ-ma̍k tui kì lióng-ke pû-ngiòng kóng:

“Â-thai, Sé-lâ â, thâng ngài kóng!

Lâ-ma̍k ke pû-ngiòng â, oi thâng chhîn-chhú!

Sông-hoi ngài ke ngìn, ngài chhṳ̀-sí kì;

Heu-sâng ngìn tá-sông ngài, ngài chhṳ̀-thet kì.

24Na-he chhṳ̀-sí Kâi-yún ke oi phòi chhit-thiàu miang,

chhṳ̀-sí Lâ-ma̍k ke chhiu-oi phòi chhit-sṳ̍p chhit-thiàu miang.”

Sai-thi̍t lâu Yî-nò-sṳ

25Â-tông yu lâu kiâ pû-ngiòng thùng-fòng; Ha-vâ chhiu kiung yit-ke lai-é, chiông kì ôn-to Sai-thi̍t#4:25 “Sai-thi̍t” yû “pûn” ke yi-sṳ., kóng: “Song-ti nang-ngoi yu pûn ngài yit-ke lai-é, lòi-thoi Kâi-yún chhṳ̀-sí ke Â-pak.” 26Sai-thi̍t ya kiung yit-ke lai-é, chiông kì ôn-to Yî-nò-sṳ. Ke-sṳ̀, ngìn chang khôi-sṳ́ khiù-ham Song-chú ke miàng.

বর্তমানে নির্বাচিত:

Chhóng-sṳ Ki 4: THV12Rdb

হাইলাইট

কপি