cēnisis 7
7
1ēkosi māka kā tipēyihcikēt omisi ki itēw noa, āstam kiya mina kahkiyaw kā itasiyan kikihk pē posi kihci nāpihkwānihk; cikēmā kiya ki ki wāpamitin kwayask ē isiwēpisiyan ēsi kanawāpamitān ita ē ayācik oki kā aniskē pimātisicik. 2ēhtasicik aniki kā pēhkisicik pisiskiwak ki ka otinamāson tēpakop ohci, nāpēaya mina nosēaya; mina naniso aniki pisiskiwak ēkā kā pēhkisicik, napēaya mina nosēaya. 3asici piyēsisak kā papāmiyācik tātēpakop, nāpēyēw mina nosēyēw; kita kanawēyitamihk nihtawikihitowin waskitaskamik misiwēskamik. 4cikēmā kēyāpic tēpakop kisikāwa, ēkospi kē kimiwanihtāyān askihk nēmitanaw kisikāw mina nēmitanaw tahto tipiskāw; kahkiyaw māka kēkway kā ki osihtāyān kā pimātisimakahk waskitaskamik ohci ni ka nisiwanācihtan. 5ēkosi noa ki ayitotam kahkiyaw kā ki itikot kā tipēyihcikēyit. 6nikotwāswāw mitāhtomitanaw ki tahto piponwēw noa, ispi kā iskipēk aski.
7 #
mātyo 24:38,39; lok 17:27 noa māka ki posiw, mina okosisa, mina wiwa, mina okosisa wiwiyiwa asici, anita kihci nāpihkwānihk, cikēmā anima iskipēw ohci. 8kā pēhkisicik pisiskiwak, mina aniki pisiskiwak ēkā kā pēhkisicik, mina piyēsisak, mina kahkiyaw kēkway kā papāmitācimomakak askihk, 9ki pē nātik noa nāniso kihci nāpihkwānihk, nāpēaya mina nosēaya, kā ki itikot noa kisēmanitowa. 10ēkosi ki ihkin tēpakop kā itahto kisikāk, anima ē iskipēk ki ayāw ota askihk.
11 #
2 pitar 3:6
ē ati nikotwāsik tahwāw mitāhtomitanaw tahto piponwēt noa, ēti niso pisimowahk, mitātaht tēpakoposāp ē itakimiht pisim, ēkwanima ē kisikāk kahkiyaw anihi mohkiciwanipēkwa timihk ki pikonikātēwa, kisik ki yāyotēnikātēw kita sikiciwahk nipi. 12ki kimiwan māka askihk nēmitanaw tahto kisikāw mina nēmitanaw tahto tipiskāw.
13ēwako māka ē kisikāk ki posiw noa, mina sēm, mina hām, mina cēpit, okosisa noa mina noa wiwa, mina anihi ē nistiyit wiwiyiwa okosisa asici wiyawāw, kihci nāpikwānihk. 14wiyawāw mina kā itasit pisiskiw ē towikāniwit, mina kahkiyaw awakānak ē towikāniwicik, kā tahto papāmitācimocik askihk ē towikāniwicik, mina kā itasit kā papamiyāt ē towikāniwit, ēhtasicik piyēsisak kā tatwayakisicik. 15ki positotawēwak noawa nāpikwānihk, nāhniso kahkiyaw kā o wiyāsit kā kikiskākot pimātisiwi yēhyēwin. 16aniki māka kā posicik ki posiwak nāpēaya mina nosēaya kahkiyaw kā o wiyāsit mwēhci kisēmanitowa kā ki itasowātikot; ēkosi kā tipēyihcikēyit ki kipahok. 17nēmitanaw tahto kisikāw ki yiskipēw askihk; ē ki ati mihcākamik, ēkosi ki akotin kihci nāpikwān, ē ki ohpahipēk waskic askihk. 18ēkosi anihi nipiya ki sākotwāmakanwa, mina nāspic ki mihcākamin askihk, ēkosi waskitipēk ki ayāw anima kihci nāpikwān. 19ēkosi nipiya ki ayiwāki sākoci mihcākaminwa askihk; kahkiyaw māka anihi ispatināwa sipā kisikohk kā ayāki ki akwanipēwa. 20mitāhtaht niyananosāp tahto nisk ayiwāk ki ispitātimiw; ēkosi waciya ki akwanipēwa. 21ēkosi kahkiyaw kā wiyāsiwahk ki nipomakan kā ki waskawimakahk askihk, māmaw piyēsis, mina awakān, mina pisiskiw, mina ē pimitācimomakahk kā papāmitācimomakahk askihk, mina ētasit ayisiyiniw. 22kahkiyaw otēyikomihk kā ki ayāyik pimātisiwi yēhyēwin kahkiyaw aniki pākwaskamikāhk kā ki ayācik, ki nipiwak. 23ēkosi kahkiyaw kēkway kā pimātahk ki nisiwanātan kā ki ayāk askihk, māmaw ayisiyiniw mina awakān, mina kā papamitācimomakahk, mina piyēsis kisikohk kā papāmiyāt, ki nisiwanātisiwak ota askihk ohci; noa piko ki ayāw ē pimātisit, mina anihi kā wiciayāmikot kihci nāpikwānihk. 24pēyakwāw mitāhtomitanaw mina niyānanomitanaw tāhto kisikāw ki akwanipēw aski.
বর্তমানে নির্বাচিত:
cēnisis 7: KKMR
হাইলাইট
শেয়ার
কপি
Want to have your highlights saved across all your devices? Sign up or sign in
This Bible text is a transliteration of a corrected edition of the 1908 Western Cree Bible; it is in the public domain.
