cēnisis 6
6
1 #
cop 1:6; 2:1 ki ayihkin māka, ispi ayisiyiniwak ēti mihcēticik anita waskitaskamik, mina otānisiwāwa ē ki nihtāwikitamācik, 2aniki māka okosisa kisēmanito ki wāpamēwak ayisiyiniwa otānisiyiwa ē katawasisiyit; ēkosi piko tahto ē mostawinawācik ki otinēwak ē wiwicik. 3kā tipēyihcikēt māka ki itwēw, nit ahcāhk namawiya kākikē kata wikostawēw ayisiyiniwa, cikēmā wista ē owiyāsit; māka ēyiwēhk o kisikama pēyakwāw mitāhtomitanaw nisitanaw ayiwāk tahto pipon kata itahtiniyiwa. 4#nampars 13:33ēkospi māka ē kakisikāk mistāpēwak ki ayāwak askihk; mina mwēstas iyikohk, ispi kisēmanito okosisa kā pihtokawācik ayisiyiniwa otānisiyiwa ki nihtāwikitamākwak awāsisa, ēwakonik māka kayās kā ki kihcihtāwi ayisiyiniwicik, mina kā ayācimikowisicik ki itowikaniwiwak.
5 #
mātyo 24:37; lok 17:26; 1 pitar 3:20 kisēmanito māka ki wāpahtam ē isi misāyik ayisiyiniwa o macitotamowiniyiw askihk, mina kahkiyaw ot itēyitamowiniyiw kā isi māmitonēyitamiyit otēhiyihk tahkinē piko ē macāyiwaniyik. 6kā tipēyihcikēt māka ki mihciyawēyēyitam ē ki osihāt ayisiyiniwa askihk, mina ki wisakitēhēskak. 7ēkosi kā tipēyihcikēt ki itwēw, ni ka nisiwanācihāw ayisiyiniw kā ki osihak waskitaskamik ohci; māmaw ayisiyiniw, mina pisiskiw, mina ana kā papāmitācimot, mina aniki piyēsisak kā papāmiyācik; cikēmā ni mihciyawēyēyitamiikon ē ki osihakik. 8māka noa ki miyo kanawāpamik kā tipēyihcikēyit.
9 #
2 pitar 2:5
ēwakoni māka ohi ē ayāniskē pimātisit noa; noa ki kwayask isiwēpisiwi ayisiyiniwiw mina ki kwayaskwātisiw ē ayāniskēpimātisit, noa māka ki wicipimohtēmēw kisēmanitowa. 10noa māka ki nihtāwikihēw nisto okosisa, sēm, hām, mina cēpit. 11māka mina aski ki wēstāsinakwan ē isi wāpahtahk kisēmanito, mina aski ki sākaskinēw āhkwātisiwin. 12kisēmanito ki itāpiw askihk, cist māka, ki wēstāsinākwan; cikēmā kahkiyaw kā o wiyāsicik ki wēstāsinākotāwak ot isihcikēwiniwāw askihk.
13ēkosi kisēmanito ki itēw noa, ni pē otiskawiskākon anima kita poniihtācik kahkiyaw kā owiyāsicik; cikēmā wiyawāw ohci aski sākaskinēw āhkwātisiwin; cist māka, ni ka nisiwanācihāwak, asici aski. 14osihtamāso māka kihci nāpihkwān kopar mistik ohci; ki ka papēskihcikipaēn māka anima kihci nāpihkwān, ki ka pikikātēn pihtotak mina waskitotak pikiw ohci. 15ēwako māka oma kē isihtāyan; nistwāw mitāhtomitanaw kopita kata iskotakāw nāpihkwān, niyānanomitanaw māka wiya kopita kata ispitayakaskotakāw, ēkosi māka nistomitanaw kopita kata ispici ispotakāw. 16ki ka wāsēnamawinikahtēn anima kihci nāpihkwān, pēyak kopit ki ka isihtān anita ispimihk; ohpimētotak māka kihci nāpihkwānihk ki ka astān iskwātēm; nistwāw māka ki ka ākwitawi anāskān ispimihk isi. 17niya, māka, cist ni pakitinēn nipi kata iskipēk aski, kita nisiwanācihakik kahkiyaw kā o wiyāsicik, aniki kā ayācik pimātisiwi yēyēwin, sipā kisikohk ohci; kahkiyaw māka kēkway askihk kā ayāk kata nipomakan. 18māka kiya ki ka ayātastamātin ni kiskimiwēwin; ki ka pē posin kihci nāpihkwanihk, kiya, mina kikosisak, mina kiwa, mina kikosisak wiwiwāwa ki ka wici posimikwak. 19mina kā tahto pimātahk kēkway kahkiyaw kā o wiyāsiwahk, ki ka otinēn nāniso kā ihtasicik ki ka posihāwak kihci nāpihkwanihk, kita kanawēyimacik kita pimātisicik asici kiya: kata nāpēayaāwiwak mina kata nosēayaāwiwak. 20piyēsisak ē towikāniwicik, mina awakānak ē towikāniwicik kā itahto papāmitācimocik askihk ē towikāniwicik, niso kā ihtatwayakisicik ki ka pē nātikwak, kita kanawēyimacik kita pimātisicik. 21mina otinamāso kahkiyaw miciwin kā micināniwahk ki ka māwacitamāson; kita omicimimiyan kiya, mina wiyawāw. 22#hiparowa 11:7ēkosi oma kā ki totahk noa; mwēhci kahkiyaw anima kisēmanitowa kā ki itikot, ēkosi ki totam.
বর্তমানে নির্বাচিত:
cēnisis 6: KKMR
হাইলাইট
শেয়ার
কপি
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fbn.png&w=128&q=75)
Want to have your highlights saved across all your devices? Sign up or sign in
This Bible text is a transliteration of a corrected edition of the 1908 Western Cree Bible; it is in the public domain.