Zɛnɛse 12
12
Ɣâla è Eberaŋ tòli
1Nya ƃe Yâwɛɛ è mò Eberaŋ ma ǹyɛɛi, “Kula ílɔii su da ínûai sáma, í kúla ínâŋ ŋɔpɛ́rɛi mu í lí ǹɔii su ŋa pâi nɛ̀i yâi. 2Ŋa pâi ísuui su kɛ̂tɛi ŋá lûwa láa yâ, ŋá ílaa tɛ́ ɣelêi a gɛɛ í kɛ́ a lûwa.
3Ŋa pâi lûwa lâai diai dîa da lûwa làa yâi,
ŋa diai náɣaŋ da ínàɣaŋ.
Kpɛ́ni fêi, ǹɔii kélee a pâi lûwa sɔlɔ ƃôi ísarâi.”
4Nya ƃe Eberaŋ è lì yɛ̂ɛ berei Yâwɛɛ è mò la mai. Da La dí lì. Eberaŋ è kɛ̀ a kóraŋ buu lɔ́ɔlu mɛi feerɛ káo lɔ́ɔlu a tãi è kùla la Araŋ. 5Nya ƃe Eberaŋ è ŋɔnɛnîi Serai sìɣe, da ǹîa lóŋ La, da díkɔ̃liŋ kélee nyii-ŋai dí zɔlɔ ƃô Araŋ, é pɛ́lɛ ǹûai kélee dîa kɛ̀ díyêei, dí Keena lɔii su-siai kúla, dí seri naa.
6Eberaŋ è sìa-sia ǹɔii su é lɛ́ɛ la zu é seri Morɛ wuru maa wáai mu Sɛkɛŋ kɔlɛ ma. (Tãi tí su Keena lɔii lonii dí kɛ̀ naa.) 7Nya ƃe Yâwɛɛ è kùla Eberaŋ ŋɛ́i ǹyɛɛ mai, “Ŋa pâi ǹɔii ŋí tɛɛ̂i ísuui pɔ́.” Nya ƃe Eberaŋ è Ɣâla-teƃele kpɛ̀tɛ naa Yâwɛɛ mɛni ma nyii kùla ŋ̀ɛ́i. 8È kùla naa é lí Bɛtɛ, vóloi kulâi-pere ǹyée lɔii su é ŋɔsua kɔlɔ seɣe pɛrɛi tɔ́ɔ naa. Bɛtɛ è kɛ̀ vóloi liî-pere, Eea kɛ́ ƃô vóloi kulâi-pere. Nàa ƃé è Ɣâla-teƃele tɔ̀ɔ naa Yâwɛɛ mɛni ma é ǹáa tóli. 9Nyíŋi pôlu ma, Eberaŋ è ŋɔ́nɔ sia sîɣe gɛ́ lì Keena lɔii kwára pere.
Eberaŋ káa Ize lɔii su
10Ǹyaŋ puru kɛ́tɛ è tòo ǹɔii tí su. Nya ƃe Eberaŋ è lì Ize a gɛɛ é lɛ́ɛ naa burii é kpɛ́ɛ. Kpɛ́ni fêi, burii è kɛ̀ a ŋánaa ǹɔii su. 11Tãi è kɛ̀ pâi serîi la Izei, è mò ŋɔnɛnîi Serai ma ǹyɛɛi, “Ŋá gɔ́lɔŋ a gɛɛ íkaa a nɛnî lɛ́lɛɛ núu kélee ŋɛ́i. 12Ize-ƃelai da íkàa, da pâi môi a gɛɛ ŋánɛnî ƃa yá. Ǹyaŋ gɛ̀ ní da pâi ḿbaâi í lɛ́ɛ díyêei a ífulu. 13Mó a gɛɛ Ŋ́zaaƃɔlɔ ƃa yá a gɛɛ ḿaa mɛni kélee su é sãa, ŋáfulu-laai é lɛ́ɛ ńyêei ísarâi.” 14Tãi Eberaŋ è sèri la Ize lɔii sui, Ize-ƃelai dí gàa a gɛɛ nɛnîi lɛ̂lɛɛi kpɔ́ a ŋánaa. 15Nɛnîi ŋí káa Ize kaloŋ ŋɔnûai dîɛi, dí lì dí ǹɛ́lɛ mɛni ƃó mà. Nya ƃe dí lì la gâloŋ ŋɔpɛ́rɛi mu. 16Gâloŋ è ǹyée sèe Eberaŋ mu a ǹɛ́lɛɛ ŋɔnɛnîi sârai. È ƃála tɛ̀ɛ bɔ́, niŋa, soo-sirɛ-ŋa, tíi kɛ́-sinaa, tíi kɛ-nɛyaa, soo-saa-ŋa da soo-fáleŋ-ŋa.
17Kɛ́lɛ Yâwɛɛ è tɔ̂ŋ kpɛ̀ gâloŋ ma da ŋɔpɛ́rɛi mu-ƃelai a kɔlɔ-fela Eberaŋ ŋɔnɛnîi Serai mɛni ma. 18Nya ƃe gâloŋ è Eberaŋ tòli ǹyɛɛ mai, “Lé ƃé í gɛ̀ ŋí a ńyãai? Lé ƃé ífe mó ní ḿâ a gɛɛ Serai káa a ínɛnîi? 19Í mò a gɛɛ gáa a Ísaaƃɔlɔ ŋ́gɛ zìɣe a ŋánɛnî, lé mɛni ma? Mɛni ma ínɛnîi ká. Zíɣe ka ǹyaa ká lí.” 20Nya ƃe gâloŋ è mò ǹûai dîa a gɛɛ dí gula ǹɔii su. Dí díkùla nàa da ŋɔnɛnîi é pɛ́lɛ dísãâi kélee dîa.
বর্তমানে নির্বাচিত:
Zɛnɛse 12: KWB
হাইলাইট
শেয়ার
কপি
Want to have your highlights saved across all your devices? Sign up or sign in
