Popular Bible Verses from Luka 7

শেয়ার

Ni yo mpamvu nkubwira ko amaze kubabarirwa ibyaha bye byinshi, urukundo rwe rwinshi ni rwo rubigaragaza. Naho ubabariwe bike, urukundo rwe ruba ruke.” Yezu ni ko kubwira uwo mugore ati: “Ibyaha byawe urabibabariwe.”

Ariko Yezu abwira uwo mugore ati: “Ukwizera kwawe kuragukijije, genda amahoro.”

Ahagarara inyuma ya Yezu ahagana ku birenge arira, amarira atonyangira ku birenge bya Yezu maze abihanaguza umusatsi we, agumya kubisomagura no kubisīga ya marashi.

Kuza kukwishakira na byo nasanze bitankwiye, ahubwo tegeka gusa, umugaragu wanjye arakira. Erega nanjye ndi umuntu utegekwa, kandi mfite abasirikari ntegeka. Iyo mbwiye umwe muri bo nti ‘Genda’, aragenda, nabwira undi nti ‘Ngwino’, akaza, nabwira n'umugaragu wanjye nti ‘Kora iki’, akagikora.” Yezu abyumvise atyo atangarira uwo muntu, arahindukira abwira imbaga y'abantu yari imukurikiye ati: “Reka mbabwire: no mu Bisiraheli sinigeze mbona ufite ukwizera kugeze aha!”

Icyo gihe basanga Yezu akiza abantu benshi indwara n'ububabare n'ingabo za Satani, ahumura n'impumyi nyinshi. Hanyuma asubiza izo ntumwa ati: “Mugende mutekerereze Yohani ibyo mwiboneye n'ibyo mwiyumviye muti ‘Impumyi zirahumuka, abamugaye baragenda, ababembe barakira, ibipfamatwi birumva, abapfuye barazuka, n'abakene baragezwaho Ubutumwa bwiza!’