Popular Bible Verses from Luka 6

শেয়ার

Mutange namwe muzahabwa, akebo gashyitse, gatsindagiye, gacugushije ndetse gasesekaye ni ko bazabagereramo. Akebo mugeramo ni ko muzagererwamo.”

Umuntu mwiza akura ibyiza mu migambi ye myiza, naho umuntu mubi agakura ibibi mu migambi ye mibi. Erega akuzuye umutima ni ko gasesekara ku munwa!”

Ahubwo mukunde abanzi banyu mubagirire neza, kandi mubagurize nta cyo mwiringiye kuzishyurwa. Nuko muzabona ingororano ishyitse kandi muzaba abana b'Isumbabyose, yo igirira neza indashima n'abagizi ba nabi.

Nimujye mugira impuhwe nk'uko Imana So izigira.”

“Ntimukihe gucira abandi imanza namwe mutazazicirwa. Ntimukagereke ibibi ku bandi namwe mutazabigerekwaho. Ahubwo mubabarire abandi namwe muzababarirwa.

“Reka mbabwire mwe munyumva, mukunde abanzi banyu, mugirire neza ababanga, mwifurize umugisha ababavuma kandi musabire ababagirira nabi.

Uko mwifuza ko abandi babagirira abe ari ko namwe mubagirira.

Nihagira ugukubita urushyi umuhe n'undi musaya. Nihagira ukwambura ikote umureke atware n'ishati. Umuntu wese ugusabye umuhe, kandi ukwambuye ikintu cyawe ntuzakimwake ukundi.

“Nta giti cyiza cyera imbuto mbi, kandi nta giti kibi cyera imbuto nziza.

Buri giti ukibwirwa n'imbuto cyera. Nta wasoroma imbuto z'umutini ku mutobotobo, cyangwa iz'umuzabibu ku mufatangwe.