Popular Bible Verses from Luka 5

শেয়ার

Amaze kuvuga abwira Simoni ati: “Igiza ubwato ahari amazi menshi, maze wowe na bagenzi bawe muterere imitego y'amafi mu mazi murobe.”

Simoni aramusubiza ati: “Mutware, iri joro ryose twarikesheje turoba nyamara ntitwagira icyo dufata. Ariko ubwo ari wowe ubivuze reka nterere imitego.” Babigenje batyo bafata amafi menshi cyane, ndetse imigozi y'imitego yabo itangira gucika.

Ariko we akanyuzamo akajya ahantu hitaruye agasenga.

Sinazanywe no guhamagara intungane, ahubwo naje guhamagara abanyabyaha ngo bihane.”

Simoni Petero abibonye atyo apfukamira Yezu, aramubwira ati: “Nyagasani, igirayo kuko jye ndi umunyabyaha.”

Yezu arabasubiza ati: “Abazima si bo bakenera umuvuzi, ahubwo abarwayi ni bo bamukenera.

Baherako basubiza amato imusozi, basiga byose baramukurikira.

Igihe kimwe Yezu ari mu mujyi runaka, haza umuntu washeshe ibibembe ku mubiri wose. Abonye Yezu amwikubita imbere, aramwinginga ati: “Nyagasani, ubishatse wankiza.” Yezu arambura ukuboko amukoraho agira ati: “Ndabishaka kira.” Ako kanya ibibembe bimushiraho.

Nyamara Yezu arushaho kwamamara, imbaga nyamwinshi y'abantu igakoranira aho ari kugira ngo bamwumve kandi abakize indwara zabo.