MALAKI 4
4
Hemphu Arni Nangletang-lo
1Pima chininon, anekethe atum lapen kehingno keklem atum an sok anar ason cheplangdetji, la pherang nangnak kar-ang arni nangletang lo; halaso arni halatum aphan me chodetpo, pusi muluk a-Hemphu pulo, lasonsi angkur lapen arota sasedetpo. 2Bonta Nemen aphan kephere la nangtum aphan athikpet arni avengkong pen keso-kepamejisi vangpo. Chainong asole aroi pen kebar pakedakphro asonsi nangtum damlongpo. 3Lapen nangtum kehingno atum aphan dong-longpo, pima Ne keklemji arni halatum nangtum akengpak arum athek-lo plangpo, pusi muluk a-Hemphu pulo.
4Neban Moses aron chemathathu non, Ne Horeb anglong athak Israel atum an aphan pusi Ne alangli phan keraitang aron lapen kangsai-i aron-heihei hukum pilo.
5Chininon, Hemphu thepik lapen pherememe arni nangkele aphrang Ne nangtum along Elijah montri nangtoipo.#Mat 11.14; 17.10-13; Mar 9.11-13; Luk 1.17; Jon 1.21 6Lapen alangli apo atum aning osomar anat tevarpo, lapen osomar atum aning apo atum anat tevarpo, kalite Ne vangsi isi ahirjuno pen det pavirpo.
Currently Selected:
MALAKI 4: KARBIBSI
Highlight
Share
Copy
Want to have your highlights saved across all your devices? Sign up or sign in
Karbi Holy Bible © Bible Society of India, 2010.
Used by permission. All rights reserved worldwide.
