PINARUANG RA DANIL 3
3
Pakiasian ri Ajaria
24Katalu ngaulun no minugar-ugar giu' ra tatanga' simbula' ru apui liliwa' narimbai ri Aki Kapuuno' am niayuk nongompor ra Tuhan. 25I Ajaria pana minigor giu' ra tatanga' ru apui am pakiasi' koson ragitio:
26“Koompor Kono, Tuhan, i Aki Kapuuno' ru kinamatuaan mai, ondo' sotopot no urumaton, am katulayon inggalan Muno ra sabubuoi no! 27Sabap raginio Okou matimpok ralalom ru ngaangai' baal ondo' binaal Muno ramon; motopot ngaangai' kandoi Muno! Ngaangai' ralan Muno mabanis, am motopot poyo ngaangai' kapatasan Muno! 28Kapatasan-kapatasan motopot pinaugar Mu noyo ralalom ru ngaangai' no ondo' pinaratong Muno ra inan mai am ra bandar mapasau ru kinamatuaan mai, iono Jirusalim. Totopot, maaya' ra katimpakan am katapatan pinaratong Mu ngaangai' no sabap ra ngaangai' ru tula mai! 29Topot ra makatula akai noyo am nambaal ra malaat am timinalikur intor Rirun; topot ra akai nambaal ra masuang tula, am susuban Muno kalo rinongog mai. 30Kalo binaal mai atan ondo' nanusuban ramon, alika ginio koson ra kaatangan mai galama'. 31Totopot matimpok ngaangai' ondo' binaal Muno ramon. 32Pinataak Mu akai ra kalindu' ru pantula' ondo' malaat, ra ulun malaat ondo' kalo makaulig ra ukum, ra raja' ondo' malaat kaga' ra tana' ti. 33Raino akai ondo' sumamba Rirun asabin am tauyuon, am poyo kalo baani akai mampagaal ra kabang. 34Kaa' sabap ra kaurumatan Muno galama', pai' lungkang ra nabantuan Muno ramon pai' pangiruan ramon koson ra sabuoi no. 35Pai' luguto' saguli' guang makaasi' Muno intor ramon sabap ri Abragam ondo' tagamin Muno, sabap ri Isak ulipon Muno am sabap ri Jakub, ulun pinili' Muno. 36Nabantu' Kou mangani' risilo ra papag masuang kaga' koson ra suang ru butitin giu' ra limbowon kapoam agis giu' ra nagas. 37Kaa' raino, iou Tuhan, akai boborok poyo intor ra bansa' ra ati pana. Giu' ra ati-ati asabin akai sabap ra ngaangai' tula mai. 38Raino iniruanan akai ra kolondo' raja', kolondo' nabi kapoam tingganai. Kolondo' taak simbalui solobon, taak simbalui, taak simbalui ra pasulungon kapoam kaminyan. Kolondo' niayuk intok koson mampataak ra tayar kasaa' ampos ru tana' mai am makimasi' Rirun. 39Kaa' matong akai Rirun ra minggana' guang am totopot pansagulian guang. Kasaga' no mangapu ramon ra moonsoi, ilain koson ra matong akai mabaya' ra taak riribu sapi' am domba koson taak simbalui solobon. 40Gama' ru masaga' Kou mangapu ra pansagulian guang mai koson ra taak simbalui mai ra orou raiti'. Gama' ru marayus akai maya' Rirun, sabap ra ulun ondo' mangintopot Rirun kalo sindualin guang. 41Raino maya' akai Rirun ra rondo' guang am makiasi' Rirun ra gumagaya'. Pai' no panauyu' ramon, 42kaa' pamakuan ramon ra mataau guang am maaya' ra guang makaasi' Muno ondo' maayo. 43Iou Tuhan, bayago' akai ra binaal Muno ondo' makaimuag am pakitono' toojo katulayan ru inggalan Muno.
44“Polosoon noyo ngaangai' ulun ondo' nangimbolo' ra ulipon-ulipon Muno asabin am tauyuon. Alapo' noyo kuasa' am kinabaani nilo am pandako' kaikangan nilo, 45maa' raginio makapandai ilo ra Okou noyo Tuhan, i Aki Kapuuno' Ondo' Rondo' ayuk, ondo' makakuasa' ra titikop ru tana' ti.”
Baal giu' ralalom ru rapuan makaapui
46Ulun-ulun mangandoi ra raja' ondo' nampapatir ra katalu ngaulun ungkuyon mamulok no giu' ralalom rapuan makaapui, nagalung ra apui maa' raginio maayo simbula' no ra pinasubo umau, tiir, rami am bulisang-bulisang ra ralalom no. 47Rila' ru apui nanimbula' ra sawat no talu ngoopor ngamito, 48saboi bibilak mingkual am monolob ra ulun-ulun ru Babil ondo' minigor ra mamaar no. 49Kaa' malaikat ru Tuhan minatong ra katalu ngaulun ungkuyon mamulok giu' ralalom ru rapuan makaapui am napagiru' ra simbula' ru apui intor ra rapuan makaapui. 50Pamalimanan no koson ra angin moonsoi sumiob. Katalu ngaulun ungkuyon mamulok no kalo natiu' am kalo rinualan kapoam inumpo ru apui ra kasanganu pana.
Rimbai pangamparan ru katalu ngaulun ungkuyon mamulok
51Kopongo raginio katalu ngaulun ungkuyon mamulok giu' ralalom ru rapuan makaapui nagagampan narimbai ra rimbai pangamparan ri Aki Kapuuno':
52“Gama' ru omporon Kou, iou Tuhan, i Aki Kapuuno' ru kinamatuaan mai,
gama' ru urumaton am katulayon Kou ra sabubuoi no.
Koompor noyo inggalan Muno ondo' mapasau am matulai,
gama' ru urumaton am katulayon Kou ra sabubuoi no.
53Koompor Kono giu' ra Baloi Muno ondo' maayo am matulai,
gama' ru kinaayo Muno rimbayon ra sabubuoi no.
54Koompor Kono ondo' nanturung ra kurisi' raja' giu' ra rasawat ru kirub
am nagilong ra ragana', intok ru ulun minatoi,
gama' ru omporon am katulayon Kou ra sabubuoi no.
55Koompor Kono giu' ra rasawat ru panturungan raja' ru pamarintaan Muno,
gama' ru kinaayo Muno rimbayon ra sabubuoi no.
56Koompor Kono giu' ra biningkal ra limbowon
gama' ru kinaayo Muno rimbayon ra sabubuoi no.
57“Omporo' noyo Tuhan, akau ngaangai' ondo' inangun ru Tuhan,
rimbayi' Io ra pangamparan
am katulayo' Io ra sabubuoi no.
58Omporo' noyo Tuhan, okou limbowon ra maayo,
rimbayi' Io ra pangamparan
am katulayo' Io ra sabubuoi no.
59Omporo' noyo Tuhan, akau ngaangai' malaikat ru Tuhan,
rimbayi' Io ra pangamparan
am katulayo' Io ra sabubuoi no.
60“Omporo' noyo Tuhan, akau ngaangai' timug giu' ra rasawat ru limbowon,
rimbayi' Io ra pangamparan
am katulayo' Io ra sabubuoi no.
61Omporo' noyo Tuhan, akau ngaangai' kuasa' giu' ra suruga',
rimbayi' Io ra pangamparan
am katulayo' Io ra sabubuoi no.
62Omporo' noyo Tuhan, akau ru mato ru orou am sila',
rimbayi' Io ra pangamparan
am katulayo' Io ra sabubuoi no.
63Omporo' noyo Tuhan, akau butitin-butitin giu' ra limbowon,
rimbayi' Io ra pangamparan
am katulayo' Io ra sabubuoi no.
64Omporo' noyo Tuhan, akau rasam am bolobou,
rimbayi' Io ra pangamparan
am katulayo' Io ra sabubuoi no.
65Omporo' noyo Tuhan, akau ngaangai' angin,
rimbayi' Io ra pangamparan
am katulayo' Io ra sabubuoi no.
66Omporo' noyo Tuhan, akau apui am malasu',
rimbayi' Io ra pangamparan
am katulayo' Io ra sabubuoi no.
67Omporo' noyo Tuhan, akau malasu' am masimu',
rimbayi' Io ra pangamparan
am katulayo' Io ra sabubuoi no.
68Omporo' noyo Tuhan, akau bolobou am ais,
rimbayi' Io ra pangamparan
am katulayo' Io ra sabubuoi no.
69Omporo' noyo Tuhan, akau orou am rondom,
rimbayi' Io ra pangamparan
am katulayo' Io ra sabubuoi no.
70Omporo' noyo Tuhan, akau matawang am molondom,
rimbayi' Io ra pangamparan
am katulayo' Io ra sabubuoi no.
71Omporo' noyo Tuhan, akau angin masimu' am ais,
rimbayi' Io ra pangamparan
am katulayo' Io ra sabubuoi no.
72Omporo' noyo Tuhan, akau bolobou mokotog am ais,
rimbayi' Io ra pangamparan
am katulayo' Io ra sabubuoi no.
73Omporo' noyo Tuhan, akau ganit am gaun majuut,
rimbayi' Io ra pangamparan
am katulayo' Io ra sabubuoi no.
74“Musiti' tana' ti mongompor ra Tuhan,
rimbayi' Io ra pangamparan
am katulayo' Io ra sabubuoi no.
75Omporo' noyo Tuhan, akau gunung am bulur,
rimbayi' Io ra pangamparan
am katulayo' Io ra sabubuoi no.
76Omporo' noyo Tuhan, akau ngaangai' tutuu' ra tana' ti,
rimbayi' Io ra pangamparan
am katulayo' Io ra sabubuoi no.
77Omporo' noyo Tuhan, akau raat am sungoi,
rimbayi' Io ra pangamparan
am katulayo' Io ra sabubuoi no.
78Omporo' noyo Tuhan, akau ngaangai' taur ru timug,
rimbayi' Io ra pangamparan
am katulayo' Io ra sabubuoi no.
79Omporo' noyo Tuhan, akau papait-papait maayo am ngaangai' ondo' naayag giu' ralalom ru timug,
rimbayi' Io ra pangamparan
am katulayo' Io ra sabubuoi no.
80Omporo' noyo Tuhan, akau susuit-susuit ra mansisiab,
rimbayi' Io ra pangamparan
am katulayo' Io ra sabubuoi no.
81Omporo' noyo Tuhan, akau bibiag masigo am tinambiag,
rimbayi' Io ra pangamparan
am katulayo' Io ra sabubuoi no.
82“Omporo' noyo Tuhan, akau ngaangai' ulun ra tana' ti,
rimbayi' Io ra pangamparan
am katulayo' Io ra sabubuoi no.
83Omporo' noyo Tuhan, akau ulun ru Israil,
rimbayi' Io ra pangamparan
am katulayo' Io ra sabubuoi no.
84Omporo' noyo Tuhan, akau imam-imam,
rimbayi' Io ra pangamparan
am katulayo' Io ra sabubuoi no.
85Omporo' noyo Tuhan, akau ulipon-ulipon ru Tuhan,
rimbayi' Io ra pangamparan
am katulayo' Io ra sabubuoi no.
86Omporo' noyo Tuhan, akau ulun Nano ondo' gumagaya',
rimbayi' Io ra pangamparan
am katulayo' Io ra sabubuoi no.
87Omporo' noyo Tuhan, akau ngaangai' ondo' mapasau am minggana' guang,
rimbayi' Io ra pangamparan
am katulayo' Io ra sabubuoi no.
88Omporo' noyo Tuhan, akau Gananya, Ajaria am Misail,
rimbayi' Io ra pangamparan
am katulayo' Io ra sabubuoi no.
Sabap ra pinalabus No itakau intor ra tana' ru ulun minatoi
am namayag ritakau intor ra kuasa' ru kapatayan.
Pinaingkual No itakau intor ra rapuan makaapui ondo' mapaang
am namunduk ritakau intor ra tatanga' ru apui.
89Paringkuanang takano ra Tuhan sabap ra moonsoi Io,
makaasi' Io koson ra sabubuoi no.
90Omporo' noyo i Aki Kapuuno', akau ngaangai' ondo' sumamba Riso,
rimbayi' i Aki Kapuuno' ru ngaangai' aki kapuuno' am paringkuanang kano Riso,
sabap ra guang makaasi' Nano koson ra sabubuoi no.”
Currently Selected:
PINARUANG RA DANIL 3: TMT
Highlight
Share
Copy
Want to have your highlights saved across all your devices? Sign up or sign in
Hakcipta © Bible Society of Malaysia, 2013.