1 PITRUS 5
5
Alungi' noyo ulun ondo' mangintopot ri Aki Kapuuno'
1Mambilin aku ramuyun magagalung ru pasimpungan ulun Kristian. Aku ti pana sangulun magagalung mogondo' ramuyun am sasi' noyo ra kaimbalaan ri Kristus, am aku pana urumaton mabaya' ri Kristus paat Io paintalangon ra ulun. 2 Alungi' min toojo domba ondo' pinalansan noyo ramuyun ri Aki Kapuuno'. Pai' kano kaagat guang, kaa' alungi' ilo no mabaya' ra guang matasu', sabap ragitio noyo kasagaan ri Aki Kapuuno'. Pai' min noyo kondoyo' gitio koson maguyum ayuk ra gaji' galama', kaa' alungi' ilo no ra totopot ru guang min. 3Pai' kano mamarinta mamisi' risilo ondo' pinaintopot noyo ramuyun ti, kaa' sauk kano koson ra tiluan moonsoi risilo. 4Paat ra ratangan ru Tingganai Magagalung, makapangapu kau ra karaun matulai ondo' manguliat ra mantilayun.
5 Koson niayuk ramuyun tuu'-bagu kau ngai', gagaya' kano ra ulun matutuo. Pabukat kau ngai', paingganaa' noyo guang mino am pangindangan kano ra rondo' am bokon. Sabap ra mokoondo' tinulisan ra Buuk Kitab, “I Aki Kapuuno' gumula' ra ulun mangasumbung, kaa' motogom io ra ulun minggana' guang.” 6 Sabap raginio, paingganaa' noyo guang mino ra kuasa' ri Aki Kapuuno' ondo' maikang kaga', maa' raginio mapainsawat Io ramuyun paat ra inaru' Nano. 7Pataaki' noyo ngaangai' pagalabaan mino ri Aki Kapuuno', Sabap ra maayo toojo guang Nano magalung ramuyun.
8Tampos kano am pagilalai' min! Sabap ra Tingganai ru riwato, pantula' mino, mijajawot am mansangal' koson ra singa' maguyum ra osoi ayuk mapatoi nano. 9Gulaa' io no mabaya' ra kinaikang ru pangintapatan min, sabap ra nakapandai kano ra pabukat min ra Kristian ra tikop-tikop ru tana' ti maimbolo' niayuk mogondo' ramuyun. 10Kaa' kaimbalaan ragitio sangkinolor ayuk, i Aki Kapuuno' mapatanda' ramuyun, mapakataan am mampaikang ramuyun am poyo moporondon Io ra guang min. Sabap ri Aki Kapuuno' ti noyo puun ru ngaangai' kataawan, am ralalom ri Kristus, Io nampiau ramuyun makaliman ra urumat Nano ondo' mantilayun. 11Io no makakuasa' ra sabuoi-buoi no! Amin.
Bilin pupus
12 Manulis aku ra surat mariwa' ti ramuyun mabaya' ra indangan ri Silas. Io karaan ku sangulun pabukat ra Kristian ondo' malansanan. Pambilinan ru surat kutu ioginio intor ra kataawan ri Aki Kapuuno'. Pai' min noyo labusi' taak raginio.
13 Pasimpungan ulun Kristian intor ra Babil, ondo' pinili' niayuk ri Aki Kapuuno', mampasaboi ra bilin kaansayan nilai ramuyun. Koson niayuk anak kuno i Markus. 14Paat akau manguma' ra rondo' am bokon indagu kano ra kaansayan mabaya' ra guang mapasau.
Gama' ru i Aki Kapuuno' manaak ra pabansayan ramuyun ngaangai' ondo' mangintopot ri Kristus.
Currently Selected:
1 PITRUS 5: TMT
Highlight
Share
Copy
Want to have your highlights saved across all your devices? Sign up or sign in
Hakcipta © Bible Society of Malaysia, 2013.
