Zefaniya 1
1
Jehova mbwati beteke Juda a-Jerusalemu
1 #
2 Tim 3:16; 2 Pet 1:21; 2 Bam 22:1–23:30; 2 Mak 34:1–35:27 Ngaaya majwi aa-Jehova aakasikila Zefaniya mwana wa-Kusi, mwana wa-Gedaliya, mwana wa-Amariya, mwana wa-Hezekiya, mumazuba aa-Josiya mwana wa-Amoni mwami wa-Juda.
2Nzoomaninizya zintu zyoonse zyaansi, mbwaamba Jehova. 3Nzoomaninizya bantu abanyama, nzoomaninizya bayuni bakujulu answi zyamulwizi, azilebyo zyabasizibi, nkabela nzoonyonyoona bantu boonse bakede anyika, mbwaamba Jehova. 4#Hos 10:5Alimwi nzootandabika maanza aangu cakupenzya Juda abantu boonse bakede mu-Jerusalemu, elyo nzoonyonyoona mubusena obuno boonse ba-Baala basyeede azina lyaba-Kemari abapaizi, 5#1 Bam 11:33abaabo bakomba makamu makamu aakujulu atala amaanda, abaabo bakomba cakukonkezya Jehova akukonkezya mwami wabo, 6abaabo baleka kutobela Jehova, abaabo batana kuyandaula Jehova nanka kumulangaula.
7Amuumune kubusyu bwa-Mwami Jehova, nkaambo buzuba bwaJehova buli kufwaafwi. Jehova ulibambide cipaizyo cakwe akusalazya batambe bakwe. 8Nkabela mubuzuba bwacipaizyo ca-Jehova njoouma bapati abana bamwami aboonse basamide zyakusama zyeenzu. 9Alimwi mubuzuba obo njoouma boonse basotokela kumanjililo akuzuzya maanda aabasimalelo babo lunya abubeji.
10 #
2 Mak 33:14; Neh 3:13 Elyo mubuzuba obo, mbwaamba Jehova, kuyooba ijwi lyakulila kuMulyango wanswi, akoomoka kumunzi wabili, ajwi ipati lyakupwaya kuzilundu, 11#Jak 5:1; Ciy 18:11,12Amuwuule nyoonse nomukede mu-Maketesi, nkaambo bantu boonse basambazi banyonyooka, boonse balemedwe mali balikoswedwe.
12 #
Job 21:15; Int 10:11-13 Lino kuciindi eco njoolangaula moonse mu-Jerusalemu amalampi, nkabela njoouma abo bantu bakede buyo mpobabede, baamba mumyoyo yabo kuti, Jehova taciti cintu niciba cibotu niciba cibi. 13#Dt 28:30; Am 5:11; Mik 6:15Imbono zyabo ziyoosaalwa, amaanda aabo ayoonyonyoonwa. Bayooyaka maanda pele tabakooyookala mulingao, bayoobyala myuunda yamasaansa pele tabakooyoonywa waini wayo.
14 #
Jer 30:7; Joel 2:1; Mal 4:5; Ciy 6:17 Buzuba bupati bwa-Jehova buli kufwaafwi, ncobeni buli kufwaafwi, bulafwambaana loko kusika. Lilamvwigwa ijwi lyabuzuba bwa-Jehova. Mwaalumi singuzu ulalila loko kulimbubo, 15Buzuba obo mbuzuba bwabukali, mbuzuba bwamapenzi abwamafwabi, mbuzuba bwalupyopyongano abwalupilingano, mbuzuba bwamudima abwakusiya, mbuzuba bwamayoba busiya mbi. 16#Jer 4:19; 8:16; Hos 5:8; Am 3:6Mbuzuba bwamweembo abwakoongolola bwakulwisya minzi iizyungulukidwe lubaya amayake manzomwa malamfu. 17Nkabela njoopenzya bantu, elyo bayooenda mbuli boofu, nkaambo babisizya Jehova. Bulowa bwabo buyootika mbuli lusuko anyama yabo mbuli bufumba. 18#Ezk 7:19; Zef 3:8Ingolida yabo ansiliva yabo zyoonse zilakacilwa kubavuna mubuzuba bwabukali bwa-Jehova. Inyika yoonse iyooligwa mumulilo wabbivwe lyakwe, nkaambo uyooyoosya akumanizya boonse bakede munyika.
Currently Selected:
Zefaniya 1: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
