Zekariya 4
4
Cilengano cacibikilo calampi amaolifa obile
1 #
Dan 8:18
Lino angelo ngutwakali kwaambaula awe wakaboola alimwi, wakandibusya mbuli muntu uubusigwa muŋonzi. 2#Kul 25:31,37; Ciy 4:5Wakandibuzya kuti, Ncinzi ncobona? Ndakavuwa kuti, Ndabona cibikilo calampi cangolida, cili amugano kujulu, alimwi cili amalampi aali musanu aabili, nkabela ilampi limwi alimwi lilijisi milomo iili musanu aibili kujulu. 3#Ciy 11:4Alimwi kuli misamu yaolifa yobile kumbali ancico, umwi kululyo lwamugaano, umwi kulumwensi lwamugaano. 4Mpawo ndakabuzya angelo ngutwakali kwaambaula awe kuti, Ino ezi nzinzi, mwami? 5Angelo ngundakali kwaambaula awe wakati, Sa tozizi ezi? Ndakati, Pe, mwami. 6#Ezr 5:2Elyo wakandaambila kuti, Ngaaya majwi aa-Jehova ngaambila Zerubabeli. Cintu cipati teensi inguzu, teensi bukozu, ngu-Muuya wangu, mbwaamba Jehova wamakamu. 7#Is 40:3,4; Mt 21:21; Int 118:22; Ezr 3:11Nduweni, O cilundu cipati? Kubusyu bwa-Zerubabeli uyooba ibanda buyo. Nkabela ibbwe lyakumpela uyoolikazika, bantu niboongolola kuti, Cabota! Cabota! 8Alimwi ijwi lya-Jehova lyakandisikila, lyakati, 9#Ezr 6:15; 1 Kor 2:4Maanza aaZerubabeli ngaakabika intalisyo yaŋanda eyi, Maanza aakwe ngaonya ngaati imanisye. Mbumuzooziba kuti Jehova wamakamu nguwakandituma kulindinywe, 10#Hag 2:3; 2 Mak 16:9; Ciy 5:6Nkaambo boonse ibakasampaula buzuba bwamakani maniini, bayoosekelela nibayoobona cipimyo mujanza lya-Zerubabeli.
Ngaaya meso aali musanu aabili aa-Jehova aaya bulanga nyika yoonse, 11#Ciy 11:4Mpawo ndakamubuzya kuti, Eyi misamu yobile yaolifa njanzi, umwi kululyo aumwi kulumwensi lwacibikilo calampi? 12Alimwi ndakamubuzya lwabili kuti, Njenzi eyi mitabi yobile yamaolifa iili kumbali lyamatililo obile aangolida aatila mafuta. 13Wakandaambila kuti, Sa tozizi ezi? Ndakati, Nsizi, mwami. 14Lino wakandaambila kuti, Aba mbana bobile batilidwe mafuta baimvwi kubusyu bwamwami wanyika yoonse.
Currently Selected:
Zekariya 4: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
