Zekariya 3
3
Cilengano camupaizi mupati a-Saatani
1 #
Hag 1:1; Job 1:6; Ezr 5:2; Ciy 12:10 Elyo wakanditondezya Joshua mupaizi mupati uliimvwi kubusyu bwaangelo wa-Jehova, a-Saatani uliimvwi kujanza lyakwe lyalulyo kuti amulengelele. 2#Int 109:31; Mt 4:10; Lk 22:31; Jud 1:9; Rom 16:20; 8:33; 11:5Mpawo Jehova wakaambila Saatani kuti, Jehova akutapatile, O Saatani. Jehova iwakasala Jerusalemu akutapatile. Sa oyu teensi cisisi cagwisigwa mumulilo na? 3#Is 64:6Lino Joshua naakaimvwi kubusyu bwaangelo kasamide zikobela zyamatombe. 4#Ciy 19:8Elyo angelo wakaambila abo mbaakaimvwi abo kuti, Amumusamunune zikobela ezi zyamatombe. Mpawo wakaambila Joshua kuti, Bona! ndakugwisizya milandu yako. Njookusamika zyakusama zibotu zyeebesi. 5#Kul 29:6Lino ndakati, Bamusamike citambala cisalala cisambide amutwe wakwe, Nkabela bakamusamika citambala cisambide amutwe, akumusamika zikobela, angelo wa-Jehova naakaimvwi nku ko,
6Elyo angelo wa-Jehova wakalwiida Joshua kuti, 7#Dt 17:9Mbuboobu mbwaamba Jehova wamakamu. Na uende munzi la zyangu akubamba imbeta zyangu, uyooendelezya iŋanda yangu akuba abwami munkuta zyangu, alimwi njookuzumizya kunjila akati kabaaba baimvwi ano, 8#Is 42:1; 4:2; Jer 23:5; 33:15; Zek 6:12Lino swiilila, o Joshua mupaizi mupati, webo abazwalani bako bakede kubusyu bwako. Inywe muli zitondezyo zyakutondezya kuti ndaamba kusisya mulanda wangu Mutabi. 9#Is 28:16; 53:4; Ciy 5:6Nkaambo mpoonya awo abbwe ndindabika kumeso aa-Joshua, ibbwe lyomwe lijisi mabazu aali musanu aabili, njoolemba bulembo, mbwaamba Jehova wamakamu, Nkabela njoogwisya milandu yanyika eyi mubuzuba bomwe buyo. 10#1 Bam 4:25; Mik 4:4Mubuzuba obo, mbwaamba Jehova wamakamu, nyoonse muyootambana, umwi aumwi mweenzinyina, mucisiko camusaansa wakwe acamukuyu wakwe.
Currently Selected:
Zekariya 3: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
