Zekariya 2
2
Cilengano camuntu iwakayanda kweeleka Jerusalemu
1 #
Ezk 40:3; Zek 1:16 Elyo ndakatambya meso aangu, ndakabona muntu uujisi intambo yakweelesya mujanza lyakwe. 2#Ciy 11:1Ndakamubuzya kuti, Ino uya kuli? Wakati, Ndaya kukweeleka Jerusalemu, tubone bwaamba bwawo mbububede abulamfu bwawo mbububede. 3Mpawo angelo ngundakali kwaambaula awe wakanyamuka, aumwi angelo wakeza kuzoomucinga, 4#Ezk 36:10wakamwaambila kuti, Cijaana, ukaambile mukubusi oyo kuti, Jerusalemu uyookalwa mbubonya mbuli minzi iitazyungulukidwe malambo, nkaambo kabunji bwabantu abwaŋombe mulinguwo. 5#Int 46:11; Is 4:5; Ciy 21:23Nkaambo mebo njoomubeda mbuli bulambo bwamulilo bwakumuzyunguluka mbwaamba Jehova, alimwi njooba bulemu mulinguwe.
6 #
Dt 28:64
Ehe! ehe! Amucije kuzwa kucisi cakunyika, mbwaamba Jehova. Nkaambo ndamumwaisya mbuli myuuwo yone yakujulu, mbwaamba Jehova. 7Ehe! Amucijile ku-Zioni, inywe nomukede amwana musimbi wa-Babuloni. 8#2 Tes 1:6Nkaambo mbuboobu mbwaamba Jehova wamakamu iwakandituma. Ulaambila masi aakamusaala, Nkaambo woonse uumuguma ulaguma imboni yaliso lyakwe, 9Wati, Amubone! Njoozungaanya ijanza lyangu kulimbabo, nkabela bayoosaalwa kumaanza aabantu mbabonya ibakataanguna kubabelekela. Elyo muyooziba ncobeni kuti Jehova wamakamu nguwakandituma, 10#Lev 26:12; 2 Kor 6:16Imba akusekelela, O mwana musimbi wa-Zioni, nkaambo mebo ndeza kuzookala mulinduwe, mbwaamba Jehova. 11#Is 2:2,3; Kul 12:49; Ezk 33:33Nkabela mubuzuba obo bantu bamisyobo minji bayooliswananya a-Jehova, bayooba bantu bangu, alimwi njookala akati kanu. Mpawo muyooziba kuti Jehova wamakamu nguwakandituma kulindinywe. 12#Dt 32:9Jehova ulakona Juda, cibe caabilo cakwe munyika iisalala, nkabela uyoosala lubbo Jerusalemu.
13 #
Int 46:10; Hab 2:20; Rom 3:19 Amuumune, nubantu nyoonse, kubusyu bwa-Jehova, nkaambo walibusya mubukalilo bwakwe busalala.
Currently Selected:
Zekariya 2: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
