Ba-Roma 12
12
Buumi bupya bwabazumini
1 #
Rom 6:11,13; 1 Pet 2:5; Joh 4:24 Nkaambo kaako, bakwesu, ndamukumbila kuti kuluzyalo lwa-Leza mutuule mibili yanu, ibe cipaizyo euumi, cisalala, ciyandisi kuli-Leza, mbubonya bukombe bwanu bwakumoyo. 2#Ef 4:23; 5:10,17; Rom 1:28; Gal 1:4Alimwi mutakozyanizigwi aziyanza zyaciindi ecino, pele amusanduke kukucitululwa kwamyoyo yanu, kuti mukasimpikile makani ngaayanda Leza, makani mabotu aatambulika aalondokede.
3 #
1 Kor 12:11; Ef 4:7 Ikuti kuluzyalo ndundapegwa, ndaambila boonse buyo bali kulindinywe, kuti muntu ataliyeeyi cakulisumpula kwiinda mbukweelede, pele aliyeeye cakuumuna, mbubonya mbuli mweelwe walusyomo ngwaabilwa muntu umwi aumwi kwa-Leza, 4#1 Kor 12:12Nkaambo mbuli mbutujisi zizo zinji mumubili omwe, alimwi zizo zyoonse tazijisi mulimo omwe, 5#1 Kor 12:27; Ef 4:25mbubonya obo swebo, notuli banji, tuli mubili omwe muli-Kristo, toonse tuli zizonyina umwi aumwi mukwesu. 6#1 Kor 12:4-11Tulijisi zyaabilo zyamisyobo misyobo mbuli luzyalo ndutwapegwa. Lino oyo uujisi bulunguluzi alungulule mbuli mweelwe walusyomo lwakwe. 7#1 Pet 4:10,11Ayooyo uukutaukila abike moyo kukutaukila kwakwe, alakwe mwiiyi kukwiisya kwakwe, 8#Mt 6:3; 2 Kor 8:2; 9:7alakwe sikukombelezya kukukombelezya kwakwe. Oyu uupa ape cabuuya, alakwe musololi abe abusungu, ayooyo uuetelela abe alumwemwe.
9 #
1 Pet 1:22; 1 Tim 1:5; Am 5:15 Luyandisyo lwanu lutabi lwakuupaupa ameso. Amusesemwe kububi, mukakatile kububotu. 10#2 Pet 1:7; Flp 2:3Amuyandane aluyandisyo lwabunyina. Amusungwaale kukulemekana. 11#Ciy 3:15; Inc 18:25Mutabi batolo kubusungu, pele myoyo yanu ipye kukumanina Mwami milimo. 12#1 Tes 5:17Amube abulangizi cakukondwa, alimwi amukakatile nikuba kuciindi camapenzi, akujatisya kukomba. 13#Heb 13:2Amwaabile basalali bacete, alimwi amusamausye beenzu. 14#Mt 5:44; Lk 6:28; Inc 7:59; 1 Kor 4:12Amubalongezye abo bamupenzya, ee, amubalongezye, mutatuki pe, 15#Int 35:13Amusekelezyanye abo basekelela, akulilana abo balila. 16#Tus 3:7; Rom 15:5; 11:20Amukalane amoyo womwe. Mutabi amiyeeyo yakulisumpula, pele amube beenzinyina babombede myoyo. Mutaliyeeyi nubeni kuti tuli basongo. 17#Is 5:21; 1 Tes 5:15Mutabeenzyi bubi bamweenzya bubi. Amulabilile ziimbo zibotu mumeso aabantu boonse, 18#Mk 9:50; Heb 12:14Anooli kwakonzeka, nkukuti mbuli mbumukonzya nubeni, amukalane abantu boonse caluumuno. 19#Dt 32:35; Lev 19:18; Mt 5:39; 2 Tes 1:6,7; Rom 13:4; Heb 10:30Mutaliyi inkoto, nubayandisi, pele amulekele bukali bwa-Leza busena, nkaambo kulilembedwe kuti, Lubeteko ndulwangu, mebo njoobweedezya, mbwaamba Jehova. 20#Tus 25:21-22; Mt 5:44Nkaambo kaako, anooli sinkondonyoko wafwa inzala, umusanine; afwa nyota, umunywisye; ikuti kukucita boobo ulalundika makala aamulilo amutwe wakwe. 21Utazundwi kububi pe, uzunde bubi kukucita bubotu.
Currently Selected:
Ba-Roma 12: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
