Ba-Roma 13
13
Ceelelo cesu ncitweelede kucitila bami bacisi
1 #
Tit 3:1; Joh 19:11; Tus 8:15 Bantu boonse abalibombye kumaami aacisi. Nkaambo taakwe bwami cita buzwa kwa-Leza, nkabela maami aaliwo alibikidwe kwa-Leza, 2Nkaambo kaako oyo uulwisya bwami ulakazya cintu cibikwa kwa-Leza, nkabela basikukazya balalijanina kubetekwa. 3#1 Pet 2:13,14; 3:13Nkaambo beendelezi, teensi abo bacita bubotu mbibayoosya, pele abo bacita bubi, Kuti koyanda kutaba abuyoofu bwabwami, mbubo, cita bubotu, elyo ulatembaulilwa nciconya, 4#Int 82:6; Rom 12:19nkaambo mweendelezi ngumulanda wa-Leza wakukucitila cibotu, Anukuti wacita bubi, yoowa, nkaambo teensi cabuyo ncasaminide ipanga, nkaambo ngumulanda wa-Leza, mubetesi wakukoma abo bacitaula bubi. 5Nkaambo kaako kuleelede kulibombya, teensi nkaambo kabukali bulike, pele nkaambo kamanjezeezya aalo. 6#Mt 22:21; Mk 12:17; Lk 20:25Nciconya eco ncimutelela mutelo, nkaambo mbibasimilimo ba-Leza, bajatisya mulimo oyo nguwenya, 7#Mt 22:21Nkaambo kaako amupe bantu boonse mbubeelede, Oyo uueledwe mutelo, amumupe mutelo; oyo uueledwe bulumbu, amumupe bulumbu; oyo uuelede kuyoowegwa, amumuyoowe; ayooyo uuelede kulemekwa, amumulemeke.
Luyando ndululondola Mulao woonse
8 #
Gal 5:14; 1 Tim 1:5 Mutabi amulandu nuuba muniini kumuntu naba omwe, pele mulandu wakuyandana ulike. Nkaambo oyo uuyanda muntunyina ulilondwede mulao. 9#Kul 20:13-15,17; Dt 5:17-19,21; Lev 19:18Nkaambo majwi aamba kuti, Utaciti bumambi, Utajayi, Utabbi, Utabi abbivwe, amilazyo imwi iili boobo, mitwi yamakani aya oonse ilaambwa mujwi lyomwe lyakuti, Yanda mweenzinyoko mbubonya mboliyanda omwini. 10#1 Kor 13:4; Mt 22:40Luyandisyo talucitili mweenzinyoko cibi. Mbuboobo luyandisyo mbululondola Mulao.
Tatweelede kusowa ciindi kumilimo mibi
11 #
Ef 5:14; 1 Tes 5:6,7 Lino mulizi ciindi mbucibede, kuti casika ciindi ncitweelede kusinsimuka kuŋonzi, nkaambo kuciindi ecino lufutuko lwesu luli afwiifwi kwiinda kuciindi ncitwakazumina. 12#1 Joh 2:8; Ef 5:11; 2 Tim 1:10Masiku aumbuluka, bwaamba kuca, Nkaambo kaako atusowe incito zyamudima, tutomene zyakulwisya zyamumuni, 13#Lk 21:34; Ef 5:18Atweende muciyanza ceelede, mbuli kuciindi casikati. Tuteendi anjalalando ankolwi, abuvuule azisusi zibi, abulwani abbivwe. 14#Gal 3:27Pele amulisamike ziyanza zya-Mwami Jesu Kristo, alimwi mutayeeyi kucita zisusi zyanyama.
Currently Selected:
Ba-Roma 13: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
