Ba-Roma 14

Tuleelede kuba acambacilemu kubakompeme

1 # Kol 2:16; Rom 15:1; 1 Kor 8:9 Oyo uukompeme kulusyomo amumusamausye, pele kutabi kukubeteka miyeeyo yakwe. 2#Matl 1:29; 9:3Umwi muntu ulijisi lusyomo lwakulya zintu zyoonse, anukuti mweenzinyina uukompeme ulalya micelo luzutu. 3#Kol 2:16Oyo uulya atasampauli mweenzinyina uutalyi, alakwe oyo uutalyi atabeteki uulya, nkaambo Leza ulimusamauzizye. 4#Mt 7:1; Jak 4:11,12Ino nduweni webo nobeteka similimo wamuntu umbi? Makani aamwami wakwe mwini naaima nanka kuwa. Nkabela ulaima ncobeni, nkaambo Mwami ulakonzya kumwiimikizya. 5#Gal 4:10Alimwi umwi muntu ulayeeya buzuba bumwi kwiinda buzubanyina, anukuti mweenzinyina ulayeeya kuti mazuba oonse alyeelene. Mbubo, muntu woonse alamwe mumiyeeyo yamoyo wakwe mwini. 6Oyo uuyeeya obo buzuba, nkaambo ka-Mwami nkabuyeeyela. Ayooyo uulya, nkaambo ka-Mwami nkaalida, ikuti ulalumba Leza. Alakwe oyo uutalyi, nkaambo ka-Mwami nkaatalidi, ikuti ulalumba Leza alakwe. 7Nkaambo taakwe muntu naba omwe akati kesu uuliponena mwini nikuba kulifwida mwini. 8#Gal 2:20; 1 Tes 5:10; Lk 20:38Nkaambo twapona, ngu-Mwami ngutuponena, alimwi twafwa, ngu-Mwami ngutufwida, Aboobo, nitupona nitufwa tuli bakwe Mwami. 9Nkaambo nciconya Kristo ncaakafwida akubuka akupononona, kuti akabe Mwami waboonse, abaumi abafu, 10#2 Kor 5:10; Inc 17:31; Mt 25:31,32Pele webo ubetekelanzi munyoko? alimwi webo usampaulilanzi munyoko? nkaambo toonse tuleelede kwiima kubetekelo lya-Leza. 11#Is 45:23; 49:18; Flp 2:10,11Nkaambo kulilembedwe kuti,

Mbwendi muumi (mbuboobu mbwaamba Jehova),

Ncobeni mazwi oonse alandifugamina,

Amilaka yoonse ilalumba Leza.

12 # Gal 6:5 Aboobo, toonse buyo tuleelede kulyaambilila makani esu kubusyu bwaLeza,

Munakristo uleelede kucenjela kuti atabiki cilebyo munzila yamweenzinyina

13Nkaambo kaako tutabetekani limbi, pele amulibetekele aya, aakuti mutabiki cifumpuzyo niciba cilebyo munzila yamunyoko. 14#Mt 15:11; Inc 10:15; Tit 1:15Ndiyeeyede cakutadooneka mu-Mwami Jesu kuti taakwe cintu niciba cimwi icibijide cini, pele muntu uuciyeeya kuti ncibi, kuliyooyo ncibi ncobeni. 15#1 Kor 8:11-13Munyoko aku usa insoni nkaambo kazilyo nzolya, toceendi caluyandano pe. Utamunyonyooni nkaambo kazilyo zyako oyo ngwakafwida Kristo. 16#Tit 2:5Eco cintu cibotu ncimujisi citatukilwi, 17#Lk 17:20Nkaambo Bwami bwa-Leza teensi makani aakulya akunywa pe, ngabululami aluumuno alutangalo lwamuMuuya Uusalala, 18Oyo uumanina Kristo milimo muziyanza ezi ulakonda Leza, alimwi ulatambulika kumeso aabantu. 19#Rom 12:18; 15:2Nkaambo kaako atutobele zintu zileta luumuno azintu zyakuyakana. 20Utaakumwaya milimo yaLeza nkaambo kazilyo. Ncobeni zintu zyoonse zilasalala zini, nekubaboobo ncibi kuliyooyo uulya cakulebya. 21#1 Kor 8:13Ncintu cibotu kuliimya kulya nyama, nikuba kunywa imbote, nikuba kucintu cimwi cili buti cikonzya kufumpuzya munyoko nikuba kumulebya nikuba kumukompamya. 22Lusyomo ndojisi, ube alo omwini kumeso aa-Leza. Uli acoolwe oyo uutalibeteki aceeci ncalizuminina. 23#Tit 1:15Pele oyo uudooneeka ciindi ncalya ulalibeteka, nkaambo kakuti taceensi calusyomo ncalya, nkabela cintu coonse citali calusyomo ncibi.

Currently Selected:

Ba-Roma 14: Ibbaib63

Highlight

Copy