Ciyubunuzyo 8

Cinamatizyo camusanu azibili mbucakanamatulwa. Baangelo bali musanu ababili amyeembo yabo. Myeembo yone mbuyakalila

1 # Zek 2:13; Hab 2:20 Lino naakanamatula cinamatizyo camusanu azibili kwakali luumuno mujulu kaindi kaniini. 2#Mt 24:31Elyo ndakabona abo baangelo bali musanu ababili baimvwi kunembo lya-Leza mbubakapegwa myeembo iili musanu aibili. 3#Am 9:1; Kul 30:1,3; Ciy 5:8Lino kwakeza angelo umbi, wakaima kucipaililo, wakalijisi katentelo kangolida, nkabela wakapegwa tununkilizyo tunjitunji, kuti atupaizye antoomwe ankombyo zyabasalali boonse acipaililo cangolida cili kunembo lyacuuno cabwami, 4#Int 141:2Lino busi bwatununkilizyo ankombyo zyabasalali zyakasuka kuli-Leza kuzwa mujanza lyaangelo. 5#Lev 16:12; Ezk 10:2; Kul 19:16; Ciy 11:19; 16:18Elyo angelo wakabweza katentelo, wakazuzya mulilo kuzwa kucipaililo, wausowela ansi, mpawo kwakaba mizumo amajwi andabo amuzuzumo wanyika. 6Mpoonya awo baangelo bali musanu ababili ibakajisi myeembo iili musanu aibili bakalibambila kwiilizya.

7 # Kul 9:23-25; Ezk 38:22; Joel 2:30 Angelo mutaanzi wakalizya mweembo, lino kwakaba civulamabwe amulilo uuvwelene abulowa, zyakawisigwa ansi, nkabela mpawo cipanzi catatu canyika cakapya, acipanzi catatu camisamu cakapya, abwizu butete bwakapya boonse.

8 # Jer 51:25; Kul 7:20,21 Lino angelo wabili wakalizya mweembo, elyo kwakawisigwa mulwizi cintu cili mbuli cilundu cipati ciyaka mulilo, nkabela cipanzi catatu calwizi cakasanduka kuba bulowa, 9alimwi cipanzi catatu cazilenge zijisi buumi zyamulwizi zyakafwa, acipanzi catatu camaato cakabisigwa.

10 # Is 14:12; Dan 8:10 Lino angelo watatu naakalizya mweembo, kwakawa inyenyeezi impati iizwa kujulu, yakali kuyaka mbuli ilampi, nkabela yakawida kucipanzi catatu camilonga akutusensa twamaanzi. 11#Jer 9:14Izina lyanyenyeezi eyo litegwa Kabindaula, nkabela cipanzi catatu camaanzi cakaba akabindaula, aboobo bantu banjibanji bakafwa kumaanzi nkaambo akaluzigwa.

12 # Is 13:10; Ezk 32:7; Joel 2:10,31; 3:15; Ciy 6:12; Kul 10:21 Lino angelo wane wakalizya mweembo, elyo cakaumwa cipanzi catatu cazuba, acipanzi catatu camweezi, acipanzi catatu canyenyeezi, aboobo cipanzi catatu canzizyo cakasia, nkabela cipanzi catatu cabuzuba teecakaboneka, aalo masiku mbubonya.

13 # Ciy 9:12; 11:14 Lino nindakalanga, ndakamvwa umwi musika, wakali kuuluka mukati kajulu akwaamba ajwi ipati kuti, Maawe, Maawe, Maawe kubantu baansi nkaambo kamajwi aamyeembo yabaangelo bamwi botatwe ibatana kulizya.

Currently Selected:

Ciyubunuzyo 8: Ibbaib63

Highlight

Copy