Ciyubunuzyo 7
7
Bana ba-Israyeli ibakalembwa akufutulwa
1 #
Jer 49:36; Dan 7:2; Zek 6:5; Ezk 7:2; 37:9; Mt 24:31 Musule lyayaaya ndakabona baangelo bone baliimvwi azyooko zyone zyanyika, baajata myuuwo yone yanyika, kuti luuwo lwaungi ansi nikuba kulwizi nikuba kumusamu uuli buti. 2Lino ndakabona angelo umbi uuya butanta kujulu kuzwa kujwe, wakalijisi cigwazyo ca-Leza muumi, nkabela wakoongolola ajwi ipati, wakaambila abo baangelo bone ibakapegwa bwami bwakucisya nyika alwizi, 3#Ezk 9:4,6wati, Mutacisyi nyika niluba lwizi naaba masamu, mane tubagwale bazike ba-Leza wesu kunkumuzabo. 4#Ciy 14:1,3Nkabela ndakaswiilila mweelwe wabaabo ibakagwalwa. Kwalagwalwa zyuulu zili mwaanda amakumi one azine akati kamisyobo yoonse yabana ba-Israyeli. 5Kumusyobo wa-Juda kwakagwalwa zyuulu zili ikumi azibili. Kumusyobo wa-Rubeni kwakagwalwa zyuulu zili ikumi azibili. Kumusyobo wa-Gadi kwakagwalwa zyuulu zili ikumi azibili. 6Kumusyobo wa-Aseri kwakagwala zyuulu zili ikumi azibili. Kumusyobo wa-Nafitali kwakagwalwa zyuulu zili ikumi azibili. Kumusyobo wa-Manase kwakagwalwa zyuulu zili ikumi azibili. 7Kumusyobo wa-Simeoni kwakagwalwa zyuulu zili ikumi azibili. Kumusyobo wa-Levi kwakagwalwa zyuulu zili ikumi azibili. Kumusyobo wa-Isakara kwakagwalwa zyuulu zili ikumi azibili. 8Kumusyobo wa-Zabulo kwakagwalwa zyuulu zili ikumi azibili. Kumusyobo wa-Josefa kwakagwalwa zyuulu zili ikumi azibili. Kumusyobo wa-Benjamini kwakagwalwa zyuulu zili ikumi azibili.
Johane mbwaakabona makamu makamu aabaabo ibakafutulwa kuzwa kumapenzi mapati
9 #
Ciy 6:11
Musule lyayaaya ndakalanga, ndakabona inkamu impati yabantu batabaliki kumuntu naba omwe, bazwa kuzisi zyoonse akumisyobo yoonse akumikowa yoonse akumyaambo yoonse, baliimvwi kunembo lyacuuno cabwami akunembo lya-Mwanambelele, balisamide zikobela zituba, alimwi mumaanza aabo balijisi malala. 10#Ciy 12:10Lino bakoongolola ajwi ipati, bati, Lufutuko lulazwa kuli-Leza wesu uukede acuuno cabwami aku-Mwanambelele. 11#Ciy 5:11; 11:16Nkabela baangelo boonse bakaliimvwi kuzyunguluka cuuno cabwami akuzyunguluka bapati abanyama bone, elyo bakaliwaala ansi cakuvundama kunembo lyacuuno cabwami, bamukomba Leza. 12Bakati, Ameni! Zilongezyo abulemu abusongo amilumbo alulemeko anguzu abukozu azibe kuli-Leza wesu lyoonse alyoonse. Ameni! 13Mpawo wakandaambila umwi wabapati kuti, Ino aba basamide zikobela zituba mbaani? Bakazwa kuli? 14#Dan 12:1; Mt 24:21; Mk 13:19; Matl 49:11; Heb 9:14Lino mebo ndakamuvwiila kuti, Mwami, nduwe ozi. Nkabela wakandaambila kuti, Mbaaba bakazwa kumapenzi ayo mapati, alimwi bakasanzya zikobela zyabo akuzitubya mubulowa bwa-Mwanambelele. 15#Ciy 21:3,22Nkaambo kaako bali kunembo lyacuuno ca-Leza, balamumanina milimo isikati amasiku muntempele yakwe, nkabela oyo uukede acuuno cabwami uyookala akati kabo. 16#Is 49:10Tabakooyoofwa limbi inzala, tabakooyoofwa limbi nyota. Alyalo izuba talikooyoobabala, niiba inkasaalo. 17#Int 23:1; Ezk 34:23; Int 23:2; Is 49:10; 25:8; Ciy 5:6; Jer 2:13; 31:16Ikuti Mwanambelele uuli akati kacuuno ca-Leza uyoobeembela akubasololela kutusensa twamaanzi aabuumi, nkabela Leza uyoosansamuna misozi yoonse kumeso aabo.
Currently Selected:
Ciyubunuzyo 7: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
