Ciyubunuzyo 4
4
Johane mbwaakapegwa cilengano cakubona Leza acuuno cabwami cakujulu
1 #
Kul 19:16,24; Dan 2:29; Ciy 1:10,19 Musule lyayaaya, ndakalanga, ndakabona mulyango wakajwidwe kujulu, lino ijwi lyakusaanguna ndindakamvwa lyakali mbuli mweembo uundaa mbawida, lyakati, Boola, utante okuno, nkakutondezye zintu zyeelede kuba kuciindi ciciza. 2#Ezk 1:26-28; 10:1; Is 6:1; Int 47:8Nkabela mpawo ndakatolwa Muuya, ndabona cuuno cabwami cibikidwe kujulu, alimwi alincico ali umwi uukede. 3#Ezk 1:26-28Oyo iwakakede, ciwa cakwe cakalikozyenye amabwe aategwa jaspi asandiyo, nkabela cuuno cakalizyungulukidwe fulicoongo mbuli ibbwe litegwa smaragido. 4#Is 24:23; Ciy 3:4; 5:10Alimwi cuuno cabwami cakalizyungulukidwe zyuuno zili makumi obile azine, nkabela azyuuno ezi ndakabona bapati bali makumi obile abane balikede, balisamide masani aatuba, alimwi amitwe yabo bakalijisi misini yangalida.
5 #
Kul 19:16; Ciy 8:5; 11:19; 16:18; Ezk 1:13; Ciy 1:4; 8:5; 11:19; 16:18; Zek 4:2 Alimwi kucuuno cabwami kwakazwa indabo amajwi amizumo, alimwi kwakali malampi aali musanu mwaabili aayaka kunembo lyacuuno cabwami, aya njemyuuya iili musanu aibili ya-Leza. 6#Ezk 1:22,26; 10:1#Ezk 1:26; 10:1; Is 6:1Alimwi kunembo lyacuuno cabwami kwakali lwizi lwaciboniboni, lwakali kubalangala mbuli krustalo, nkabela mukati kacuuno akuzyunguluka ncico kwakali banyama bone bali ameso manji akunkosi, 7#Ezk 1:10; 10:14Munyama mutaanzi wakalikozyenye amulavu, munyama wabili wakalikozyene amoombe, munyama watatu wakali abusyu mbuli muntu, nkabela munyama wane wakali mbuli musika uuluka. 8#Ezk 1:18; 10:12; Is 6:2-3; 41:4; Am 4:13; Kul 3:14Lino aba banyama bone bakalijisi umwi aumwi mababa aali musanu mulimwi, nkabela mababa aabo akalizyungulukidwe meso amunkwa, alimwi teebakali kulyokezya abuniini, isikati amasiku, kwaamba kuti, Ulasalala, ulasalala, ulasalala Jehova Leza Singuzuzyoonse, iwakaliko, Uuliko, Uuyoobako.
9 #
Is 6:1; Int 47:8; Dan 4:34; 6:26; 12:7 Lino banyama nibamupa bulemu alulemeko amilumbo, oyo uukede acuuno cabwami, uupona lyoonse kutamani, 10#Ciy 5:14abalo bapati bali makumi obile abane baliwisya kubusyu bwakwe oyo uukede acuuno cabwami, akumukomba uupona lyoonse lyoonse, akuwaala misini yabo kunembo lyacuuno cakwe, akwaamba kuti, 11Nduwe uuelede, O Mwami, kutambula bulemu alulemeko anguzu, nkaambo nduwe wakalenga zintu zyoonse, nkaambo kabukanze bwako nkizibeda, ankizyakalengelwa.
Currently Selected:
Ciyubunuzyo 4: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
