Ciyubunuzyo 3

Lugwalo nduyakalembelwa imbungano yaku-Sarde

1 # Ciy 5:6; 1:16 Angelo wambungano yaku-Sarde umulembele obu, Ngaaya makani ngaamba oyo uujisi myuuya ya-Leza iili musanu aibili anyenyeezi zili musanu azibili. Ndizi milimo yako mbwiibede, ikuti ulijisi izina lyakupona kwako anukuti ulifwide. 2#Ezk 34:4Amulangile, muyumye zintu zisyaala ziti fwe, nkaambo nsijene kuti milimo yako ililomede kumeso aa-Leza pe. 3#Mt 24:43-44; Lk 12:39-40; Ciy 16:15; 1 Tes 5:2Lino yeeya mbuwakatambula akuswiilila, ujatisye makani akweempwa. Na kuti kotalangili, njooboola mbuli mubbi, tokooyooziba ciindi ncenjooboola kulinduwe. 4#Jud 1:23Nekubaboobo nimuba mu-Sarde ucijisi mazina mace aabantu batana kusofwaazya zikobela zyabo, Aba bayooenda andime, kabasamide zyakusama zituba nkaambo baleelede, 5#Kul 32:32-33; Int 69:28; Ciy 4:4; 6:11; 7:9; 20:12; Flp 4:3; Mt 10:32; Lk 12:8Oyo uuzunda uyoosamikwa zikobela zituba, nsikooyoolizimaanya izina lyakwe mubbuku lyabuumi, pele njoolizumina izina lyakwe kubusyu bwa-Taata akubusyu bwabaangelo bakwe. 6Oyo uujisi matwi aswiilile Muuya mbwaambila imbungano.

Lugwalo nduyakalembelwa imbungano yaku-Filadelfia

7 # Is 22:22; Job 12:14 Angelo wambungano yaku-Filadelfia umulembele obu. Ngaaya makani ngaamba oyo uusalala akusinizya, oyo uujisi cijaluzyo ca-Davida, nguwe uujula, elyo taakwe muntu uujala, alimwi nguujala, elyo taakwe muntu uujula. 8#1 Kor 16:9Ndizi milimo yako mbwiibede, Bona, ndibikide kunembo lyako mulyango uujulidwe, nkabela taakwe muntu uukonzya kuujala, nkaambo ulijisi inguzu ziniini, wakajatisya makani aangu, alimwi tokwe nokalitama izina lyangu. 9#Is 49:23; 60:14; 43:4; 45:14; 66:23Bona, njookupa abo basimbungano ya-Saatani balyaamba kuti tuli ba-Juda, anukuti tabali ba-Juda, balabeja buyo, njoobaboozya kuti bakombe kumaulu aako, bazibe kuti ndakakuyanda. 10#Ciy 13:10; Heb 10:36; Lk 21:19; 2 Tim 2:12Webo wakajatisya ijwi lyangu lyalukakatilo, aboobo mebo njookujatisya kuciindi cakusunkwa citi sikile bantu boonse banyika akubasunka boonse bakala ansi. 11#Ciy 1:3; 2:5,10Njoofwambaana kuboola. Jatisya eco ncojisi, kuti kutabi muntu naba omwe uuti kunyanzye musini wako. 12#Ciy 21:2; 14:1; 22:4; Ezk 48:35; Gal 2:9; Is 62:2; 65:15Oyo uuzunda njoomubika kuti abe musemu wamucikombelo ca-Leza wangu, atakazwi limbi anze, nkabela njoolemba alinguwe izina lya-Leza wangu, azina lyamunzi wa-Leza wangu, nguJerusalemu mupya, uuti seluke kuzwa kujulu kuli-Leza wangu, alimwi njoolemba alinguwe izina lyangu lipya. 13Oyo uujisi matwi, aswiilile Muuya bwaambila imbungano.

Lugwalo nduyakalembelwa imbungano yaku-Laodikeya

14 # Tus 8:22; Int 89:37; Joh 1:3; Kol 1:15 Angelo wambungano yaku-Laodikeya umulembele obu. Ngaaya makani ngaamba Ameni, kamboni uusyomeka uusinizye, matalikilo aabulenge bwa-Leza, 15#Ciy 2:2; Rom 12:11Ndizi milimo yako mbwiibede, nkaambo moyo wako tuubulilili kupya, nekubaboobo tuupisyi loko. Niwabulilila kupya nanka niwapisya. 16Lino moyo wako ulapya buniini buyo, tuubulilili kupya pele tuupisyi loko, aboobo ndaamba kukuswida kumulomo wangu. 17#My 12:8; 1 Kor 3:18; 4:8Nkaambo waamba kuti, Ndi muvubi, ndivubide lubono, taakwe cintu neembula, pele tozi kuti ulipengede, ulisampaukide, uli mucete, uli moofu, alimwi uli acinswe. 18#1 Pet 1:7; Is 55:1; Ciy 16:15Ndakubuzya kuti uule kulindime ingolida iyakasunkwa mumulilo, kuti uvube, amasani aatuba aakulisamika, kuti insoni zyacinswe cako zitaboneki, alimwi unanike meso aako amafuta, kuti ubone, 19#Tus 3:12; Heb 12:6; 1 Kor 11:32Abo mbenjanda ndababwekela akubakoma, nkaambo kaako usungwaale akweempwa. 20#Mk 13:14; Joh 14:23; Lk 12:36; 22:29Bona, ndiimvwi kumulyango, ndakonkomona, Na kuli muntu uuswiilila ijwi lyangu akundijulila mulyango, nzoonjila mulinguwe, nkalalile awe, alakwe ambebo. 21#Mt 19:28Oyo uuzunda njoomuzuminina kukala ambe acuuno cangu, mbubonya mbuli mbundakazunda ambebo, aboobo sunu ndikede a-Taata acuuno cakwe, 22Oyo uujisi matwi, aswiilile Muuya mbwaambila imbungano.

Currently Selected:

Ciyubunuzyo 3: Ibbaib63

Highlight

Copy