Popular Bible Verses from Ciyubunuzyo 3

Share

Bona, ndiimvwi kumulyango, ndakonkomona, Na kuli muntu uuswiilila ijwi lyangu akundijulila mulyango, nzoonjila mulinguwe, nkalalile awe, alakwe ambebo.

Ndizi milimo yako mbwiibede, nkaambo moyo wako tuubulilili kupya, nekubaboobo tuupisyi loko. Niwabulilila kupya nanka niwapisya. Lino moyo wako ulapya buniini buyo, tuubulilili kupya pele tuupisyi loko, aboobo ndaamba kukuswida kumulomo wangu.

Abo mbenjanda ndababwekela akubakoma, nkaambo kaako usungwaale akweempwa.

Ndizi milimo yako mbwiibede, Bona, ndibikide kunembo lyako mulyango uujulidwe, nkabela taakwe muntu uukonzya kuujala, nkaambo ulijisi inguzu ziniini, wakajatisya makani aangu, alimwi tokwe nokalitama izina lyangu.

Oyo uuzunda njoomuzuminina kukala ambe acuuno cangu, mbubonya mbuli mbundakazunda ambebo, aboobo sunu ndikede a-Taata acuuno cakwe

Nkaambo waamba kuti, Ndi muvubi, ndivubide lubono, taakwe cintu neembula, pele tozi kuti ulipengede, ulisampaukide, uli mucete, uli moofu, alimwi uli acinswe.

Webo wakajatisya ijwi lyangu lyalukakatilo, aboobo mebo njookujatisya kuciindi cakusunkwa citi sikile bantu boonse banyika akubasunka boonse bakala ansi.

Njoofwambaana kuboola. Jatisya eco ncojisi, kuti kutabi muntu naba omwe uuti kunyanzye musini wako.

Amulangile, muyumye zintu zisyaala ziti fwe, nkaambo nsijene kuti milimo yako ililomede kumeso aa-Leza pe.