Ciyubunuzyo 2

Lugwalo nduyakalembelwa imbungano yaku-Efeso

1 # Ciy 1:13,16,20 Angelo wambungano yaku-Efese umulembele obu. Ngaaya makani ngaamba oyo uujata inyenyeezi zili musanu azibili mujanza lyakwe lyalulyo, uuenda akati kazibikilo zyamalampi zili musanu azibili zyangolida. 2#1 Joh 4:1Ndizi milimo yako mbwiibede, amapakasyo aako, akukakatila kwako. Ndizi moyo wako mbuutakonzyi kubotelwa babi, ambuwakabasoleka aba balyaamba kuti mbaapostolo, nekubaboobo tabali baapostolo, aboobo wabajana kuti mbabeji. 3Ndizi kuti ulijisi lukakatilo, alimwi wakalemenwa nkaambo kazina lyangu, nekubaboobo tokwe nowakalengaana. 4Pele mulandu umwi ngunjisi kulinduwe ngooyu, wakuti wakaleka luyando lwako lwakusaanguna. 5Lino yeeya kuzwa nkowakawida, uempwe akucita milimo yako yakusaanguna. Kwataba boobo, nzooboola kulinduwe cakufwambaana, nkagwisye cibikilo celampi lyako kuzwa kubusena bwaco, mane uempwe. 6#Int 139:21Pele ciyanza comwe cibotu ncojisi nceeci, cakuti ulasulaika milimo yabaNikolai, njensulaika ambebo. 7#Matl 2:9; 3:22,24; Lk 23:43; 2 Kor 12:4; Ciy 22:2; Ezk 28:13; 31:8Oyo uujisi matwi, aswiilile Muuya ncaambila imbungano, Oyo uuzunda njoomupa kulya kumusamu wabuumi uuli mukati ka-Paradaiso wa-Leza.

Lugwalo nduyakalembelwa imbungano yaku-Smuma

8 # Is 44:6; 48:12; Ciy 1:17; 22:13 Angelo wambungano yaku-Smuma, umulembele obu. Ngaaya makani ngaamba mutaanzi amusyaalizi, oyo iwakafwide pele alimwi uliponede. 9#Ciy 3:9; Jak 2:5; 2 Kor 11:14,15Ndizi mapenzi aako mbwaabede, abucete bwako (nekubaboobo uli muvubi), alimwi ndizi busanke bwabaabo balyaamba kuti mba-Juda, anukuti tabali ba-Juda, bali imbungano ya-Saatani, 10#Dan 1:12,14; Mt 10:28; Ciy 3:11; 2 Tim 4:8Mutayoowi zintu ezyo nzimuti penzegwe, Amubone, Diabolosi ulawaala bamwi banu muntolongo, kuti mukasunkwe, elyo muyooba mumapenzi mazuba aali ikumi. Kosyomeka mane do kusikila kulufu, lino njookupa musini wabuumi. 11#Ciy 20:14; 21:8Oyo uujisi matwi, aswiilile Muuya mbwaambila imbungano, Oyo uuzunda takooyoociswa kulufu lwabili.

Lugwalo nduyakalembelwa imbungano yaku-Pergamo

12 # Is 49:2; Heb 4:12; Ciy 1:16; 19:15 Angelo wambungano yaku-Pergamo umulembele obu, Ngaaya makani ngaamba oyo uujisi ipanga libosya koonse koonse. 13#Ciy 13:2; 3:8Ndizi nkokala, nkukuti nkukonya nkucibede cuuno ca-Sataani, alimwi nduwe uujatisya izina lyangu, tokokatama lusyomo lwangu, nikuba kumazuba aa-Antipa kamboni wangu musyomesi, iwakajayigwa akati kanu nkwakala Saatani. 14#My 22:5,7; 31:16; Dt 23:4; My 25:1-3; Jud 1:11Pele ndijisi milandu imwi kulinduwe, nkaambo oko nkobede ulibajisi abo batobela lwiiyo lwa-Balamu iwakamwiisya Balaka kubika cifumpuzyo kunembo lyabana ba-Israyeli, akulya zintu zipaizigwa mizimu akucita bumambi. 15Mbubonya obo ulibajisi abalo abo batobela lwiiyo lwaba-Nikolai, ndwensula mebo, 16Lino empwa. Kwataba boobo nzookuboolela cakufwambaana, nkabalwanye ipanga lyakumulomo wangu. 17#Kul 16:14-15; 16:33-34; Joh 6:48-50; Is 62:2; 65:15; Int 78:24; Ciy 3:12Oyo uujisi matwi, aswiilile Muuya mbwaambila imbungano. Oyo uuzunda njoomwaabila Mana aasisidwe, akalye, alimwi njoomupa ibbwe lituba, nkabela atala abbwe elyo alilembedwe izina ipya litazizilwe kumuntu naba omwe pele oyo uulitambula alike.

Lugwalo nduyakalembelwa imbungano yaku-Tuataira

18 # Dan 10:6 Angelo wambungano yaku-Tuataira umulembele obu, Ngaaya makani ngaamba Mwana a-Leza, oyo uujisi meso aali mbuli ibbalabala lyamulilo, amaulu aakwe ali mbuli mukuba uusalalisya. 19Ndizi milimo yako mbwiibede, aluyando lwako, alusyomo lwako, akukutauka kwako, alukakatilo lwako, alimwi milimo yako yakumasyaalizyo ilakomena kwiinda eyo yakusaanguna. 20#1 Bam 16:31; 2 Bam 9:22,30; My 25:1,2Nekubaboobo ndijisi milandu imwi kulinduwe, nkaambo wamuzumizya oyo mwanakazi jezebele, uulyaamba kuti ndi musinsimi, akwiisya akukwela-kwela bazike bangu kucita bumambi, akulya zintu zipaizigwa mizimu, 21Alimwi ndakamupa ciindi cakweempwa, pele tayandi kweempwa kubumambe bwakwe. 22Amubone, njoomuwaala kubulo, abaaba basimamambenyina njoobanjizya mumapenzi mapati, cita beempwe kumilimo yabo. 23#Int 7:9; 62:12; Jer 11:20; 17:10Abalo bana bakwe njoobajaya alufu, kuti imbungano zyoonse zikazibe kuti ndime uulingula mucamba amumoyo, nkabela umwi aumwi wanu njoomwaabila mbubonya mbwiibede milimo yakwe. 24Pele nywebo nobamwi nomusyeede mu-Tuataira, nomutajisi lwiiyo olu akutana kuziba makani malamfu aabulondo bwa-Saatani, mbuli mbobaamba, ndamwaambila obu. Nsikooyoomubikila mukuli umbi. 25#Ciy 3:11Pele eco ncomujisi kale, amucijatisye mane do nkaboole. 26#Int 2:8-9Oyo uuzunda akubamba milimo yangu kusikila kumamanino, kulinguwe njoomupa bwami kubantu bamasi oonse, 27#Ciy 12:5nkabela uyoobalela amusako walubulo, mbuli inongo yamubumbi mbuzipwayigwa, mbubonya mbuli ambebo mbundakatambula kuli-Taata. 28Alimwi njoomupa Intanda. 29Oyo uujisi matwi, aswiilile Muuya mbwaambila imbungano.

Currently Selected:

Ciyubunuzyo 2: Ibbaib63

Highlight

Copy