Ciyubunuzyo 14
14
Cilengano ca-Mwanambelele abantu bakwe acilundu
1 #
Ezk 9:4; Ciy 7:3; 3:12 Lino ndakalanga, ndakabona Mwanambelele wakaliimvwi acilundu ca-Zioni, wakali abantu bali zyuulu zili mwaanda amakumi one azine, bakalijisi izina lyakwe azina lyawisi lilembedwe ankumu zyabo. 2#Ezk 1:24; 43:2; Ciy 1:15Alimwi ndakaswiilila ijwi lizwa kujulu, lyakali mbuli ijwi lyamaanzi manjimanji ambuli muzumo mupati. Elyo ijwi ndindakamvwa lyakali mbuli ijwi lyabasituntimbwa mbubalizya tuntimbwa twabo. 3#Int 33:3; 40:3; 96:1; 98:1; 144:9; 149:1; Is 42:10; Ciy 5:9Nkabela bakaimba mbuli lwiimbo lupya kunembo lyacuuno cabwami akunembo lyabanyama bone alyabapati, Olo lwiimbo katakwe muntu iwakali kukonzya kulwiiya pele abo bantu balike bali zyuulu zili mwaanda amakumi one azine ibakanununwa kuzwa ansi. 4#2 Kor 11:2; Ef 5:27Mbimbabo ibatakalisofwaazya kubanakazi, nkaambo mbanabutema. Mbimbabo batobela Mwanambelele koonse nkwaya. Mbimbabo bakasaanguna kunununwa akati kabantu, kuti babe kabalwebalwe ba-Leza aba-Mwanambelele, 5#Zef 3:13; Int 32:2; Is 53:9nkabela mumilomo yabo teemwakajanwa bubeji, Tabajisi mulandu nuuba umwi.
Johane ulaswiilila majwi one aazwa kujulu
6 #
Ciy 8:13
Lino ndakabona angelo umbi uuluka mujulu, wakalijisi Makani Mabotu aateeli aakukambaukila kulibaabo ibakala ansi akubamasi boonse akumisyobo yoonse akumyaambo yoonse akumikowa yoonse. 7#Kul 20:11; Int 146:6Wakati ajwi ipati, Amuyoowe Leza akumupa bulemu, nkaambo casika ciindi calubeteko lwakwe. Amukombe oyo iwakalenga ijulu anyika alwizi atusensa twamaanzi.
8 #
Is 21:9; Jer 51:7,8; Ciy 18:2; Dan 4:30 Alimwi kwakamutobela angelo wabili, wakati, Wawa! Wawa Babuloni, munzi oyo mupati, nkaambo bantu bamasi oonse wakabanywisya waini wabukali bwamamambi aakwe.
9 #
Ciy 13:12-17; Mt 10:28 Alimwi kwakabatobela angelo watatu, wakaamba ajwi ipati, wati, Na kuli muntu uukomba cinyama acikozyano caco akutambula bulembo bwaco ankumu yakwe nanka mujanza lyakwe, 10#Is 51:17; Matl 19:24; Ezk 38:22; Int 75:8; Jer 25:15; Ciy 16:19oyo nguuti kanywe waini wabukali bwa-Leza, iwatuntwa cakutavwelwa amaanzi mucinywido calunyemo lwakwe, alimwi uyoopenzegwa amulilo asulufa kubusyu bwabaangelo basalala akubusyu bwa-Mwanambelele. 11#Is 34:9,10; Ciy 19:3Lino busi bwamapenzi aabo bulasuka lyoonse kukabe kutamani, tabajisi lulyokezyo niluba luniini isikati amasiku, abo bakomba cinyama acikozyano caco, abalo boonse batambula bulembo bwazina lyakwe. 12#Is 34:10; Ciy 13:10; 12:17Mbuboobo mbuluboneka lukakatilo lwabasalali, mbabo babamba milazyo ya-Leza, alusyomo lwa-Jesu.
13 #
Is 57:2; Heb 4:10; 1 Kor 15:58 Mpoonya awo ndakaswiilila ijwi lizwa kujulu, lyakati, Lemba obu, Bali acoolwe abo bati kafwe mu-Mwami kuzwida sunu, Ee, mbuwaamba Muuya, kuti balyokezye kumapakasyo aabo, alimwi milimo yabo ilabatobela.
Ciindi cakutebula maila amasaansa
14 #
Dan 7:13; 10:16; Mt 13:39,41 Lino ndakalanga, ndabona ikumbi lituba, nkabela atala akumbi kwakalikede umwi uukozyenye a-Mwana a-Muntu, Kumutwe wakwe wakalijisi musini wangolida, amujanza lyakwe cigonsyo cibosya. 15#Joel 3:13Mpawo kwakazwa angelo umbi muntempele, wakalila ajwi ipati kwaambila oyo iwakakede atala akumbi, wakati, Tola cigonsyo cako, utalike kutebula, nkaambo ciindi cakutebula casika, ikuti maila oonse aanyika abizwa. 16Lino oyo iwakakede atala akumbi wakavwikulisya cigonsyo cakwe cakutebuzya nyika, elyo inyika yoonse yakatebulwa.
17Lino angelo umbi wakazwa muntempele yamujulu, alakwe wakalijisi cigonsyo cibosya. 18#Joel 3:13Aumwi angelo wakazwa kucipaililo, wakalijisi inguzu zyakweendelezya mulilo, nkabela wakalila acilizyo cipati kuliyooyo iwakajisi cigonsyo cibosya, wati, Tola cigonsyo cako cibosya, utebule zikama zyamusaansa waansi, nkaambo micelo yawo yabizwisya. 19#Ciy 19:15Mpawo angelo wakavwikulisya cigonsyo cakwe cakutebuzya nyika, wakatebula masaansa aansi akwaawaala mudindi ipati lyakusinina lyabukali bwa-Leza. 20#Is 63:3; Malo 1:15; Ciy 19:15; Joel 3:13Lino mwakalyataulwa mudindi elyo lyakusinina anze lyamunzi, nkabela mumonya mudindi mwakazwa bulowa, bwakatana kuntambo zyamitwe yambizi akukunka kusikila kumamaile aali myaanda yobile.
Currently Selected:
Ciyubunuzyo 14: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
