Popular Bible Verses from Ciyubunuzyo 14

Share

Mpoonya awo ndakaswiilila ijwi lizwa kujulu, lyakati, Lemba obu, Bali acoolwe abo bati kafwe mu-Mwami kuzwida sunu, Ee, mbuwaamba Muuya, kuti balyokezye kumapakasyo aabo, alimwi milimo yabo ilabatobela.

Mbuboobo mbuluboneka lukakatilo lwabasalali, mbabo babamba milazyo ya-Leza, alusyomo lwa-Jesu.

Wakati ajwi ipati, Amuyoowe Leza akumupa bulemu, nkaambo casika ciindi calubeteko lwakwe. Amukombe oyo iwakalenga ijulu anyika alwizi atusensa twamaanzi.

Alimwi kwakabatobela angelo watatu, wakaamba ajwi ipati, wati, Na kuli muntu uukomba cinyama acikozyano caco akutambula bulembo bwaco ankumu yakwe nanka mujanza lyakwe, oyo nguuti kanywe waini wabukali bwa-Leza, iwatuntwa cakutavwelwa amaanzi mucinywido calunyemo lwakwe, alimwi uyoopenzegwa amulilo asulufa kubusyu bwabaangelo basalala akubusyu bwa-Mwanambelele. Lino busi bwamapenzi aabo bulasuka lyoonse kukabe kutamani, tabajisi lulyokezyo niluba luniini isikati amasiku, abo bakomba cinyama acikozyano caco, abalo boonse batambula bulembo bwazina lyakwe.

Lino ndakalanga, ndakabona Mwanambelele wakaliimvwi acilundu ca-Zioni, wakali abantu bali zyuulu zili mwaanda amakumi one azine, bakalijisi izina lyakwe azina lyawisi lilembedwe ankumu zyabo.

Lino ndakabona angelo umbi uuluka mujulu, wakalijisi Makani Mabotu aateeli aakukambaukila kulibaabo ibakala ansi akubamasi boonse akumisyobo yoonse akumyaambo yoonse akumikowa yoonse.

Alimwi kwakamutobela angelo wabili, wakati, Wawa! Wawa Babuloni, munzi oyo mupati, nkaambo bantu bamasi oonse wakabanywisya waini wabukali bwamamambi aakwe.