Intembauzyo 98
98
Intembauzyo
1 #
Is 59:16
Amwiimbile Jehova lwiimbo lupya,
Nkaambo wacita milimo iigambya.
Ijanza lyakwe lyalulyo lyamuletela lufutuko,
Akuboko kwakwe kusalalisya.
2 #
Is 52:10; Lk 2:30; Is 62:2; Rom 3:25; Dt 4:31; Mik 7:20; Lk 1:54; Is 49:6; Lk 3:6; Inc 13:47 Jehova wazibya lufutuko lwakwe,
Wayubununa bululami bwakwe mumeso aabamasi,
3Ulayeeya luzyalo lwakwe alusyomo lwakwe kuluzubo lwa-Israyeli;
Magolelo oonse aanyika alibwene lufutuko lwa-Leza wesu.
4Amupululuzizye Jehova, O nyika yoonse;
Amoongolole cakukondwa, mumutembaule.
5Amutembaule Jehova akantimbwa,
Kantimbwa ajwi lyakwiimba.
6 #
My 10:10; 1 Mak 15:28; 2 Mak 29:27 Amulizye myeembo anyeele,
Mupululuzye kunembo lya-Mwami Jehova.
7Aluvuume lwizi azyoonse zili mulindulo,
Luwa abantu boonse bakede mumo,
8Milonga ikambe amaanza,
Zilundu ziimbe antoomwe cakukondwa,
9Kubusyu bwa-Jehova, nkaambo uleza kubeteka nyika,
Uyoobeteka luwa cakululama
Abamasi cakusyomeka.
Currently Selected:
Intembauzyo 98: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
