Intembauzyo 97
97
1Jehova ngu-Mwami; nyika isekelele;
Inkomwe zyoonse zyakulwizi zikondwe.
2Mayoba amudima zilimuzyungulukide,
Bululami abubetesi nzitabilizyo zyacuuno cakwe.
3 #
Dan 7:10; Hab 3:5 Mulilo uleenda kunembo lyakwe,
Ulatenta basinkondonyina kumabazu oonse,
4Malabo aakwe amwekela luwa;
Nyika yabona, yakankama.
5Zilundu zileenzunuka mbuli bunzuka kubusyu bwa-Jehova,
Kubusyu bwa-Mwami wanyika yoonse.
6Majulu alakanana bululami bwakwe;
Bamasi boonse balibwene bulemu bwakwe,
7 #
Kul 20:4; Lev 26:1; Is 37:18,19; Jer 10:14; Heb 1:6 Bause insoni boonse bakomba zikozyano zibezedwe,
Balikankaizya kuzimpangaliko zyabuyo,
Amumukombe, nyoonse nomizimu,
8Zioni waswiilila, wakondwa,
Bana basimbi ba-Juda basekelela,
Nkaambo kambeta zyako, O Jehova,
9 #
Ef 1:21
Nkaambo nduwe Mupatikampatila,
O Jehova, kwiinda nyika yoonse,
Uli mulemu kwiinda mizimu yoonse,
10 #
Int 101:3; Am 5:15; Rom 7:15; 1 Sam 2:9; Tus 2:8; Dan 3:28 Nywebo nomuyandisya Jehova, amusule bubi.
Ulabamba myuuya yabasalali bakwe,
Ulabavuna kumaanza aabasizibi.
11Mumuni ulabonekela baluleme,
Akukondwa kubaololokede myoyo.
12Amusekelele Jehova, nobalulami,
Amulumbe kuzina lyakwe lisalalisya.
Currently Selected:
Intembauzyo 97: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
