Intembauzyo 96
96
1Amwiimbile Jehova lwiimbo lupya,
Amwiimbile Jehova, nonyika yoonse,
2Amwiimbile Jehova, mulumbe izina lyakwe;
Amuluule makani aalufutuko lwakwe mazuba oonse,
3Amukanane bulemu bwakwe akati kabamasi, Amaleele aakwe akati kamisyobo yoonse,
4Nkaambo Jehova mupati, ulatembaulika loko,
Ulayooweka kwiinda baleza boonse.
5 #
Is 41:24; Jer 10:11; Hab 2:18-20; Inc 19:26; 1 Kor 8:4,5; Matl 1:1; Is 42:5; Jer 10:11 Nkaambo baleza boonse babamasi nzibumbwa buyo,
Pele Jehova nguwakalenga majulu.
6Bulemu abwami buli kulinguwe,
Inguzu akweebeka zili mucikombelo cakwe.
7 #
Int 29:1-2
Amupe Jehova, nonzubo zyabantu,
Amupe Jehova bulemu anguzu.
8Amupe Jehova bulemu bweelede izina lyakwe,
Amulete cipaizyo, munjile aco mumbuwa zyakwe.
9Amukotamine Jehova mubweebesi busalalisya;
Amukankame kubusyu bwakwe, O nyika yoonse.
10 #
Ciy 11:15; Joh 5:22 Amwaambe akati kabamasi kuti Jehova ngu-Mwami;
Luwa lulijisi, taluzungaani;
Ulabeteka bantu cakululama.
11Majulu asekelele, ayalo nyika ikondwe;
Lwizi naluvuume azyoonse zili mulindulo.
12Isokwe lisekelele azyoonse zili mumo,
Misamu yoonse yamucisaka iimbe cakukondwa.
13 #
Ciy 19:11
Zisekelele kubusyu bwa-Jehova, nkaambo uleza,
Uleza kukubeteka nyika.
Uyoobeteka luwa cakululama,
Abamasi calusyomo lwakwe.
Currently Selected:
Intembauzyo 96: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
