Intembauzyo 42
42
IBBUKU LYABILI
Kumupati wabasikwiimba. Intembauzyo yabana ba-Kora
1Mbuli insya mbwiifwekembela tulonga twamaanzi,
Moyo wangu ulafwekembela nduwe, O Leza,
2 #
Joh 7:37; 1 Tes 1:9 Moyo wangu ulisukeme Leza, Leza muumi.
Mboole lili kuzooboneka kubusyu bwa-Leza?
3Zilyo zyangu misozi isikati amasiku,
Nibaya bundaambila kuti, Ino Leza wako uli kuli?
4 #
Is 30:29
Moyo wangu uleenzunuka mukaango kangu kukwiibaluka
Mbundakali kuya amakamu akubazulwida kuŋanda ya-Leza,
Kuya bukondwa akutembaula, makamu aabantu bapobwede.
5 #
Int 56:3,11; Is 50:10; Malo 3:24 Walemenanzi, O moyo wangu?
Utongelanzi mukati kangu?
Syoma Leza, nkaambo ndicinoomutembaula,
Nkaambo kalufutuko lwabusyu bwakwe, Leza wangu.
6Moyo wangu walemenwa mukati kangu,
Aboobo ndakwiibaluka munyika eyi ya-Jordano,
Aya-Herimoni ayacilundu ca-Mizara,
7 #
Ezk 7:26
Lwizi lulaitana alwizinyina kukuvuuma kwamilonga yako:
Mayuwe aako amankwisila aako oonse andibbizya,
8 #
Dt 28:8
Pele Jehova ulalailila luzyalo lwakwe isikati,
Alwiimbo lwakwe nkoluli kulindime masiku,
Ndakomba Leza wabuumi bwangu,
9Ndaambila Leza indomba lyangu kuti,
Ino wandilubilanzi?
Nkaambonzi nenja bulila nkaambo kakupenzya kwabasinkondoma?
10Zifuwa zyangu zyapwayaulwa kukusampaula kwabasinkondoma
Nibandaambila kuti, Ino Leza wako uli kuli?
11Walemenanzi, O moyo wangu?
Utongelanzi mukati kangu?
Syoma Leza, nkaambo ndicinoomutembaula,
Nkaambo kalufutuko lwabusyu bwakwe, Leza wangu,
Currently Selected:
Intembauzyo 42: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
