Intembauzyo 41
41
Kumupati wabasikwiimba. Intembauzyo ya-Davida
1 #
Tus 14:21; Mk 10:21 Uli acoolwe uuyeeya batengwana.
Jehova ulamuvuna mubuzuba bwamapenzi.
2Jehova ulamubamba akumuponya,
Ulalongezegwa ansi.
Tomwaabi mumaanza aabasinkondonyina.
3Jehova ulamutabilila naaciswa abulo;
Mukuciswa kwakwe ulaponya malwazi aakwe oonse.
4 #
Int 6:2
Mebo ndakati, O Jehova, undifwide luzyalo;
Undiponye, nkaambo ndakakubisizya.
5Basinkondoma balandaamba cabubi, bati,
Ino ulafwa lili, izina lyakwe lifwidilile?
6 #
Int 12:2
Na umwi wabo wazoondibona, ulaamba zyabuyo;
Moyo wakwe ulalibwezela luciso;
Azwida anze unooya bukankama.
7Boonse bandisulide balavwiya-vwiya,
Balandiyeeyela bubi,
8Bati, Cintu cibi camukakatila;
Awa mpalede takooyoobuka limbi.
9 #
Mt 26:23; Ob 1:7; Mk 14:18; Lk 22:21; Joh 13:18 Alakwe ngutwakali kuyandana, ngundakali kusyoma,
lwakali kulya insima yangu,
Wandibbompa akasindi kakwe.
10Pele webo, O Jehova, undifwide luzyalo;
Undibusye kuti mbaliile inkoto.
11Mbuboobu mbundaziba kuti ulandiyanda:
Sinkondoma mbwatandizunda.
12 #
Int 34:15; Inc 2:28 Pele mebo ulindijisi, nkaambo kaboololoki bwangu,
Ulindiimikide kumeso aako lyoonse.
13 #
Int 106:48
Alumbwe Jehova Leza wa-Israyeli,
Kuzwa kumatalikilo akusikila kutamani,
Akube boobo! Akube boobo!
Currently Selected:
Intembauzyo 41: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
