Intembauzyo 37
37
Intembauzyo ya-Davida
1Utalipenzyi nkaambo kabasizibi,
Utafwi ibbivwe nkaambo kabasimilimo mibi,
2Nkaambo balafwambaana kupusama mbuli bwizu,
Balanyana mbuli mweemvwe wamusokwe.
3Syoma Jehova akucita kabotu,
Aboobo ulakala munyika akweembelwa kabotu.
4 #
Job 27:10; Lwi 2:3; Is 58:14; 1 Pet 1:8 Kolibotezya muli-Jehova,
Nkabela uyookupa moyo wako nzyuuyanda.
5 #
Mt 6:25; 1 Pet 5:7 Leka inzila yako mumaanza aa-Jehova;
Komusyoma, nkabela uyoocita.
6 #
Mik 7:9
Uyooyubununa bululami bwako mbuli mumuni,
Akoololoka kwako mbuli isikati.
7Ulitontozye kuli-Jehova, Komulindila.
Utalipenzyi nkaambo kayooyo uujene coolwe,
Uucita milimo mibi njaakanza.
8 #
Job 5:2; Int 73:3; Tus 14:29; Ef 4:26; Jak 1:19 Leka kunyema, sowa bukali.
Utalipenzyi, nkaambo kulaleta bubi buyo.
9Nkaambo ba sizibi balanyonyooka,
Pele balangila Jehova mbombabo bayookona nyika.
10Kaba kaindi kaniini sizibi takooyooba wo;
Unooyeeya nkwaakabede, pele takooyooba nkuko.
11 #
Mt 5:5
Pele babombemyoyo bayoovuba nyika,
Bayookondwa muluumuno lunji.
12Sizibi ulayeeya kubisizya mululami,
Ulamulumina ntwino.
13 #
1 Sam 26:10
Pele Mwami ulamuseka,
Nkaambo ulabona kuti buzuba bwakwe bulasika,
14Basizibi basomona ipanga, babamba buta,
Kuti bawisye bacete abapengede,
Akujaya beenda cakululama.
15Pele ipanga lyabo liyoonjila mumyoyo yabo beni,
Amata aabo ayootyoka.
16 #
Tus 15:16; 1 Tim 6:6 Niziceya nzyajisi uululeme nzibotu
Kwiinda buvubi bwabasizibi banji,
17Nkaambo maboko aabasizibi ayootyolaulwa,
Pele Jehova ulatabilila baluleme.
18 #
Int 1:6; Is 60:21 Jehova ulizi mazuba aaboololokede;
Lukono lwabo luyooba lwalyoonse.
19 #
Job 5:20
Tabausigwi insoni kuciindi camapenzi,
Akuciindi canzala bayookuta,
20Pele ba sizibi bayoonyonyooka,
Abasinkondonyina Jehova bayooba mbuli bubotu bwamweemvwe,
Bayoomaninina, bayoosyukuta kuba busi.
21Sizibi ulakweleta pele tapilusyi,
Anukuti uululeme ngusiluzyalo, ulapa.
22 #
Tus 3:33
Nkaambo abo mbalongezya bayoovuba nyika,
Pele abo mbasinganya bayoonyonyooka.
23 #
Int 121:3; Tus 16:9 Jehova nguubamba intaamu zyamuntu,
Ulatabilila oyo uuenda munzila iimubotezya.
24 #
Mik 7:8; 2 Kor 4:9 Nekuba kuti watezeleka, takooyoowa,
Nkaambo Jehova ulamujatilila kujanza lyakwe.
25Ndakali mulombe, sunu ndakomena,
Pele nsina bona uululeme uusiidwe,
Nanka lunyungu lwakwe lukumbila insima.
26Lyoonse ngusiluzyalo, ulaaba,
Alunyungu lwakwe luli acoolwe.
27Leka bubi, ucite kabotu,
Kuti ukalilile lyoonse.
28 #
Int 11:7
Nkaambo Jehova ulayandisya bululami,
Tasii basalali bakwe.
Baluleme bayoobambwa lyoonse,
Pele bana babasizibi bayoonyonyooka.
29Balulami bayookona nyika,
Bayookala alinjiyo lyoonse.
30Milomo yamululami ilaamba busongo,
Lulimi lwakwe lulaamba cakululama.
31Mulao wa-Leza wakwe uli mumoyo wakwe;
Muntaamu zyakwe tamukwe butezi.
32Sizibi uleebela mululami,
Ulayandaula kumujaya.
33 #
Int 109:31
Pele Jehova takooyoomwaaba mumaanza aakwe,
Takooyoomupesya mulandu kuciindi cakubetekwa.
34Lindila kuli-Jehova akubamba inzila yakwe,
Lino ulakusumpula kuti ukone nyika,
Nkabela uyoobona lunyonyooko lwabasizibi.
35Ndakabona sizibi uuyoosya,
Ulalisumpula mbuli musamu wakedari waku-Lebano.
36Pele nindakainda lwabili, katawo;
Ndakamuyandaula, pele teendakamujana.
37 #
Job 1:1; Is 32:17; Lk 2:25-30; Inc 7:59,60; 1 Tes 4:17; 2 Tim 4:6-8; 2 Pet 1:14 Langisya uuololokede! Bona mululami!
Nkaambo muntu siluumuno nguuyoojana coolwe kumamanino.
38Pele basizibi bayoonyonyoonwa antoomwe;
Mamanino aababi ndunyonyooko.
39 #
Int 3:8; Is 12:2; Joh 2:8 Lufutuko lwabaluleme lulazwa kuli-Jehova;
Ngonguwe macijilo aabo kuciindi camapenzi.
40 #
1 Mak 5:20; Dan 3:17 Jehova ulabagwasya, ulabavuna;
Ulabavuna kuli ba sizibi, ulabafutula,
Nkaambo balasyoma nguwe.
Currently Selected:
Intembauzyo 37: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
