Intembauzyo 38
38
Intembauzyo ya-Davida yakwiibaluka
1O Jehova, utanditapatili cabukali,
Utanduumi mulunyemo lwako.
2Nkaambo mivwi yako yangangamina mulindime,
Ajanza lyako lyandilemenena.
3Tamukwe boololosi mumubili wangu,
Nkaambo kabukali bwako;
Muzifuwa zyangu tamukwe luumuno,
Nkaambo kazibi zyangu,
4Nkaambo zibi zyangu zyandibbizya,
Zyandilemena kwiinda mukuli mulemu.
5Zilonda zyangu zyanunka, zyabola,
Nkaambo kabufubafuba bwangu,
6Ndoongomene, ndalemenwa loko,
Buzuba boonse nja bulila.
7 #
Job 7:5
Nkaambo cikungu cangu cilapya loko,
Tamukwe boololosi mumubili wangu.
8Ndafwa cinywe, ndatyolaulwa;
Ndatongela nkaambo kakupilingana kwamumoyo wangu,
9O Mwami, kuyanda kwangu koonse kuli kumeso aako;
Intongelo zyangu tazisiswi kulinduwe,
10Moyo wangu uladuntaana, inguzu zyandimanina,
Awalo mumuni wameso aangu wandisia.
11 #
Lk 10:31
Bandiyanda abeenzuma bacija luumo lwangu,
Basiluzuboma baliimvwi kule.
12Abo bayanda kundijaya banditeya,
Bayanda kundibisizya balaamba aalunyonyooko,
Buzuba boonse balayeeya zyakweena.
13Pele mebo ndaba musinkematwi, nsiswiilili;
Ndaba cimuumu uutaasamuni mulomo wakwe.
14Ndaba mbuli muntu uutaswiilili,
Amumulomo wakwe tamukwe inkazyanyo.
15 #
Jer 14:8
Nkaambo ndasyoma nduwe, O Jehova,
Nduwe oosi bavwiile, O Mwami Leza wangu.
16Nkaambo ndakaamba kuti, Batandisekeleli,
Batalisumpuli alindime na kuulu kwangu kwatezemuka.
17Nkaambo ndi afwiifwi kuwizuka,
Mapenzi aangu alindijisi lyoonse,
18 #
Job 31:33; Int 32:5; Tus 28:13; 2 Kor 7:9 Nkaambo ndalyaambwida milandu yangu,
Ndausa nkaambo kazibi zyangu.
19Pele basinkondoma nentakwe kaambo mbasinguzu,
Bandisulide cabuyo mbanji.
20 #
1 Joh 3:12; 1 Pet 3:13 Abo bandipilusizya bubi kububotu
Mbobandilwisya, nkaambo ndatobela bubotu.
21 #
Int 22:1,11 Utandisii, O Jehova;
o Leza wangu, utasweni kule.
22 #
Kul 15:2; Is 12:2 Fwambaana kuzoondigwasya,
o Mwami, lufutuko lwangu.
Currently Selected:
Intembauzyo 38: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
