Intembauzyo 36
36
Kumupati wabasikwiimba. Intembauzyo ya-Davida mulanda wa-Jehova
1 #
Rom 3:18; Matl 20:11; Tus 8:13; Muk 12:3 Kupapila kwasizibi kulaamba mumoyo wakwe.
Kuyoowa Leza takuboneki kumeso aakwe.
2Nkaambo ulayeeya cakuupayika
Kuti milandu yakwe iisulika tiikonzyi kuyubununwa.
3 #
Jer 4:22
Majwi aamulomo wakwe mbubi alweeno,
Waleka kumvwisya kucita kabotu.
4 #
Mik 2:1; Is 65:2 Naalede abulo bwakwe ulakanza bubi,
Ulalyeenzya munzila iitali imbotu,
Tasesemwi bubi.
5 #
Int 57:10
Luzyalo lwako, O Jehova, lulasika kujulu,
Alusyomo lwako kumayoba.
6 #
Job 11:8; Rom 11:33; Job 7:20; Int 145:9 Bululami bwako buli mbuli zilundu zya-Leza,
Imbeta zyako zili mbuli ibbonze lyalwizi.
Bantu abanyama, ulabavuna boonse buyo.
7 #
Rut 2:12
Luzyalo lwako lulayandika loko, O Leza.
Bana ba-Adamu balayuba muceenzule camababa aako.
8 #
Job 20:17; Ciy 22:1 Bayookuta kubunono bwamuŋanda yako,
Uyoobanywisya kumulonga wazibotezyo zyako.
9 #
Is 12:3; Jer 2:13; Zek 13:1; Joh 4:10,14; Ciy 21:6; Inc 26:18; Ef 5:8; Kol 1:13; 1 Pet 2:9 Nkaambo mulinduwe mokabede kasensa kabuumi.
Mukumweka kwako motubona mumuni,
10 #
Jer 22:16
Luzyalo lwako kaluciba kulibaabo bakuzi,
Abululami bwako kubalulememyoyo.
11Mweendo wasikamikami utandilyati,
Amaanza aabasizibi atandituntulisyi,
12Mbaabo basizibi baliwide,
Mbatonte, tabakonzyi kubuka.
Currently Selected:
Intembauzyo 36: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
