Intembauzyo 35
35
Intembauzyo ya-Davida
1O Jehova, kokazyanya abaabo bandikazyanya,
Kolwisya abo bandilwisya.
2Jata intobo acikwabilizyo,
Akubuka kuzoondigwasya.
3Somona isumo, ubasinkile banditanda.
Ambila moyo wangu kuti,
Ndime lufutuko lwako.
4Bausigwe insoni abweeme bayandaula buumi bwangu.
Bafutatike akuzundwa bayeeya kundibisizya.
5Babe mbuli buungu bupepululwa amuuwo.
Angelo wa-Jehova abamwaisye.
6Inzila yabo ibe yamudima abutezi,
Angelo wa-Jehova abatande.
7Nkaambo banditeya akakole atakwe kaambo,
Bandisida cilindi atakwe kaambo.
8 #
1 Tes 5:3; Int 7:15; Tus 5:22 Lunyonyooko luboongomokele,
Kakole nkebakanditeya kabajate,
Acilindi ncibakasya, bawide mumo beni.
9 #
1 Sam 2:1; Int 13:5; Is 61:10; Heb 3:18 Lino moyo wangu uyookondwa muli-Jehova.
Akusekelela lufutuko lwakwe,
10 #
Int 71:19
Zifuwa zyangu zyoonse ziyooamba kuti,
o Jehova, ngwani uuli mbuli nduwe,
Novuna uupengede kuliyooyo uumwiinda inguzu,
Amucete uupengede kuliyooyo uumusula.
11Kwabuka bakamboni basikubeja,
Bandibuzya makani ngentezi.
12Bandipa bubi mucibaka cabubotu,
Nkabela moyo wangu wazundwa.
13Pele, mebo, kuciindi cakuciswa kwabo,
Ndakalisamide zisani zyamasaka,
Ndakaliimya kulya,
Akubakombela cakukotamika mutwe akaango.
14Ndakali mbuli muntu uulila mweenzinyina na munyina,
Ndakalikoteme mbuli uulila banyina.
15Pele balo, mubuwe bwangu, bakasekelela,
Bakabungana kukundilwisya.
Basampukide mbentezi
Bakali kundilengelela kaambo cakutaleka.
16Kusampaula bakali kundisampaula,
Bakali kundilumina ntwino,
17Mwami, ukaleke lili kulanga buyo?
Vuna buumi bwangu kulunyonyooko lwabo,
Vuna buntu bwangu kubalavu.
18Lino njookulumba mumbungano impati,
Njookutembaula akati kabantu banji.
19 #
Int 69:5; Joh 15:25 Basinkondoma babeji batandisekeleli,
Bandisulide atakwe kaambo batandifwinyini liso.
20Nkaambo tabaambi caluumuno pe,
Balakanza makani aalweeno aakubisizya batontozi banyika.
21Bakaasama amulomo akundisampaula,
Bati, Ehe! Ehe! Tulibwene mapenzi aakwe.
22 #
Kul 3:7
O Jehova, ulibwene! Utaumuni buyo!
o Mwami wangu, utanditantamuki.
23Nyampuka, ulibusye kukundibetekela!
Kosola makani aangu, Leza wangu, Mwami wangu.
24 #
Int 7:8; 26:1; 2 Tes 1:6 Undibeteke cabululami bwako, O Jehova Leza wangu,
Kuti batandisekeleli.
25Bataambi mumyoyo yabo kuti, Ehe! Mbutuyanda!
Bataambi kuti, Twamumanisya!
26Bausigwe insoni abweeme balibotezya mumapenzi aangu!
Basamikwe insoni amasampu balisumpwida ndime.
27Bakondwe akusekelela babotelwa kubululami bwangu.
Baambe lyoonse kuti, Jehova atembaulwe,
Uuyandisya coolwe camulanda wakwe!
28Lino lulimi lwangu lunooamba bululami bwako,
Lunookutembaula buzuba boonse.
Currently Selected:
Intembauzyo 35: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
