Intembauzyo 31
31
Kumupati wabasikwiimba. Intembauzyo ya-Davida
1Mulinduwe, O Jehova, monsyomede;
Ntausigwi insoni lyoonse.
Kondivuna mubululami bwako.
2 #
Int 71:2; Tus 22:17 Cenjeka kutwi kwako, ufwambaane kundivuna.
Kondibeda indomba ijumu,
Iŋanda yalubaya yakundifutula.
3 #
Int 23:3; Jer 14:7 Nkaambo nduwe mampangala aangu amacijilo aangu.
Kondizulwida akundeenzya nkaambo kazina lyako.
4Kondigwisya mubuzamba mbobanditeya,
Nkaambo nduwe inguzu zyangu.
5 #
Lk 23:46; Inc 7:59; 2 Tim 1:12; Heb 6:18 Mumaanza aako mondaaba muuya wangu;
Wandinununa, O Jehova, Leza walusyomo.
6Ndisulide batobela mizimu yabuyo;
Mebo ndasyoma Jehova.
7 #
Joh 10:27
Ndabotelwa akukondwa muluse lwako,
Nkaambo ulibwene mapenzi aangu, Ulizi kupenga kwamoyo wangu.
8 #
Int 18:19
Tokwe nowakandaaba munaanza aabasinkondoma,
Waimika maulu aangu munkwalale.
9Ndifwida luzyalo, O Jehova, nkaambo ndi mumapenzi;
Meso aangu aubila kumapenzi,
Amoyo wangu amubili wangu woonse.
10Buumi bwangu bwamana kubuusu,
Amyaka yangu kukutongela.
Inguzu zyandimanina nkaambo kamilandu yangu,
Azifuwa zyangu zyoonse zyamana,
11 #
Int 88:8
Ndasampuka kulibasinkondoma boonse,
Ndawelelwa kubeenzuma.
Ndaba ciyoosyo kuli boonse bandizi,
Bandibona munigwagwa balacija.
12Ndalubwa mbuli muntu uufwide uutaciyeeyegwi,
Ndaba mbuli cibelesyo cifwide.
13 #
Jer 20:3; Malo 2:22; Mt 27:1 Nkaambo ndaswiilila kuvwiya kwabantu banji;
Kumabazu oonse kulayoosya.
Balavwiya kundilwisya,
Balakanza kundijaya,
14Pele mebo ndasyoma nduwe, O Jehova;
Ndaamba kuti, Nduwe Leza wangu,
15Mazuba aangu ali mujanza lyako;
Kondivuna kulibasinkondoma akulibasikundivwima.
16 #
My 6:25; Int 4:6; Dan 9:17 Kondimunikila abusyu bwako ndemulanda wako,
Kondivuna muluzyalo lwako.
17 #
Int 25:2
Ntausigwi insoni, O Jehova,
Nkaambo ndakwiilila nduwe.
Basizibi bausigwe insoni,
Bafwe bukata mubusangu,
18 #
Int 12:3
Milomo iibeja iangwe,
Iiamba majwi aakusampaula baluleme,
Cakulisumpula acakantukantu.
19 #
Is 64:4; 1 Kor 2:9 Mbupati loko bubotu bwako
Mboyobweda bakuyoowa,
Mbocitila abo bacija kulinduwe
Kubusyu bwabana ba-Adamu.
20 #
Int 27:5; Job 5:21 Ulabasisa mumayubilo aakubusyu bwako,
Bavunwe kukuvwiya kwabantu.
Ulabayubika mucilao cako,
Kuzwa kuzikani zya ndimi.
21Alumbwe Jehova!
Nkaambo wandifwida luzyalo cakugambya,
Nindakali mumunzi wamapenzi.
22Mebo mubuyoofu bwangu ndakati,
Ndanyonyooka kumeso aako;
Pele wakaswiilila majwi aakukumbila kwangu,
Nindakakukwiilila kuti ngwasigwe.
23 #
1 Pet 1:5
Amuyandisye Jehova nyoonse nobasalali bakwe!
Nkaambo Jehova ulabamba basyomeka,
Pele basikulisumpula ulabaumya loko milandu yabo.
24Amuyume, amyoyo yanu ibe abukozu,
Nyoonse nomulangila Jehova.
Currently Selected:
Intembauzyo 31: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
