Intembauzyo 32
32
Intembauzyo ya-Davida
1 #
Rom 4:7-8; Int 85:2 Uli acoolwe muntu uulekelelwa milandu yakwe,
Uuvumbilwa zibi zyakwe.
2 #
Lev 17:4; Rom 5:13; Joh 1:47; 2 Kor 1:12 Uli acoolwe muntu oyo Jehova ngwatabiki kaambo,
Uutajisi lweeno mumuuya wakwe.
3Nindakaumwide buyo, mubili wangu wakali kuya bumana,
Ndakali kutongela buzuba boonse,
4Nkaambo isikati amasiku ijanza lyako lyakandilemena,
Mubili wangu wakayuminina mbuli zintu zyacilimo.
Sela.
5 #
Tus 28:13; Is 65:24; Lk 15:18 Mpoonya awo ndakalyaambawida cibi cangu kulinduwe,
Teendakasisa bubi bwangu;
Ndakati, Nkondyaambawide milandu yangu kuli-Jehova,
Nkabela wakandilekelela mulandu wazibi zyangu,
Sela.
6 #
1 Tim 1:16; Is 55:6; Joh 7:34 Aboobo baluleme boonse bakombe kulinduwe kuciindi camapenzi;
Ncobeni naayoopaya maanzi manji taakooyoosika kulimbabo,
7 #
Int 9:9; Tus 18:10; Is 4:6; Mt 23:37; Kol 3:3 Nduwe ciyubilo cangu, ulandivuna kumapenzi,
Ulandizyungulusya inyimbo zyalufutuko,
8 #
Is 48:17
Njookulaya akukutondezya inzila njoelede kutola,
Njookweenzya kukubika liso lyangu alinduwe.
9Mutabi mbuli imbizi na imbongolo,
Zitakwe maanu,
Zyeelede kubikilwa tuzangala kumilomo, Kuti zikale ayebo.
10 #
Tus 13:21; Int 34:8; Tus 16:20; Jer 17:7 Basizibi balijisi mapenzi manji,
Pele oyo uusyoma Jehova, luse Iulamuzambaila,
11Amubotelwe muli-Jehova nyoonse nobalulami,
Amusekelele nyoonse nemululeme myoyo.
Currently Selected:
Intembauzyo 32: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
