Intembauzyo 33
33
1Amusekelele muli-Jehova, nobalulami.
Kutembaula nkubotu kubaluzi,
2Amulumbe Jehova akalumbu,
Amumutembaule akankobela kali aminjeya iili ikumi,
3 #
Is 42:10
Amumwiimbile lwiimbo lupya,
Amuume kabotu cakoongolola.
4Nkaambo ijwi lya-Jehova lililuleme,
Amilimo yakwe yoonse ilasyomeka.
5Ulayandisya bululami akubotya,
Nyika ilizwide luzyalo lwa-Jehova.
6 #
Joh 1:1-3; Heb 11:3; Job 26:13 Kujwi lya-Jehova ijulu lyakalengwa,
Amakamu aalyo oonse kumuuya wamukanwa lyakwe.
7Ulajata maanzi aalwizi mbuli munongo;
Ulabika antumpwi muziyobwedo zyao.
8Nyika yoonse iyoowe Jehova,
Boonse bakede ansi bakankame kubusyu bwakwe.
9 #
Matl 1:3
Nkaambo wakaamba nkabela akaba;
Wakalailila, ndilyonya akaboneka.
10Jehova ulaziminganya lulayo lwabamasi,
Ulasinkinizya makanze aabasyaansi.
11 #
Job 23:13; Tus 19:21; Ezk 38:10; Inc 4:27,28 Lulayo lwa-Jehova luliimvwi nji,
Makanze aamoyo wakwe ngamisela yoonse.
12Uli acoolwe oyo musyobo uujisi Jehova kuba Leza wawo,
Bantu mbaakasala kuti babe lukono lwakwe.
13 #
2 Mak 16:9; Job 28:24; Int 11:4 Jehova ulasondela kuzwa kujulu,
Ulibwene bana boonse ba-Adamu.
14Oko nkwakede ulalanga-langa
Boonse bakede ansi,
15 #
Is 64:8; Job 11:11; Int 44:21; Tus 24:12; Jer 32:19; My 7:2 Nguwakabumba myoyo yabo boonse,
Ulaswiilila milimo yabo yoonse,
16Taakwe mwami uufutukide kunkamu impati yabasilumamba;
Muntu singuzu talivuni kunguzu zyakwe zinji.
17Kusyoma imbizi nkulyeena, tazifutuli pe,
Tazikonzyi kuvuna kunguzu zyazyo.
18 #
Job 36:7; Int 34:15 Ncobeni meso aa-Jehova alalanga bamuyoowa,
Basyoma luzyalo lwakwe,
19Kuti avune buumi bwabo kulufu,
Akubaponya kuciindi canzala.
20Muuya wesu ulalangila Jehova;
Ngumugwasyi wesu, njentobo yesu,
21Myoyo yesu ilakondwa mulinguwe,
Nkaambo twasyoma izina lyakwe lisalala.
22Luzyalo lwako lube alindiswe, O Jehova,
Nkaambo tulasyoma muli nduwe.
Currently Selected:
Intembauzyo 33: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
